أسيرة القائد

الحلقه ـ ١٤ ـ

مرجان ـ ولچ تخلبتي ليش الطلاك بسوالف سكتي لا يسمعج مصخمه هـذا كلبه وسخ

شجان ـ والله ما مستعده اكضـي عمري ويه شخص مريض نفسي نتيجه اختياري الخطأ وتسرعي وأهلي هم ما صدگوا قائد دك بابهم .

ـ ليش بهل السهوله عندج طلاك سهل ولج معزايه ميسم سوت سالفه تصخم الوجه يلة طلگها وعبالج خلاها صاحيه كسرها ما خله عظم بيها صاحي وليش الي يدخل هذا البيت يطلع بسهوله باعي حالي دفنت شبابي بهل البيت صارلي سنين من وفاة المرحوم كسـروا  ظهري بإبني فگعدي وسگتي وسالفتج .

ـ خل يجي ويعرف شجان منو ، ما ابقى دقيقه يمه اضل ملطشة لأمه َوجديته وأخواته عـلـىٰ رأسهن ريشه كله برأسي بس شاطر يضربني 

ـ يمه مو هيج ترى إنتِ غلطانه شفتج شلون تحجين بوجهه وما خايفه كويتي عينج بعيونه ورجال يتخبل من هيج شي مو بس قائد كلهم والله ، وهسه ابقي سكتـي ابداً لا تحجين هو يحس بغلطه والله ويرجعلج ندمان

ـ عمه بس اكـو شيء اسمه كرامه ،واني وين كرامتي بالموضوع ترضيها عـلـىٰ بنت أخوج عود هاي انتِ عمتي تكولين ابقى ولا تحجين عـلـىٰ  ياا ضيم ابقى كلشي شفتي بعينچ وكدامج .

ـ لان اعرفه أكثر منچ  والله ما يطلك وهذا الكلام طلعي من مخج ، وصيري عاقله َاكسبي رجلج اكو شيء اسمه سياسه ماشيي على ميه أمي أنتِ

ـ ما جاوبتهـا باستني من راسي وطلعت واني بقيت عـلـىٰ كعدتي ما تحركت صارت نص الليل وهـو شرف حضرته دخل سبح وطلـع تمدد عـلـىٰ الفراش ونام بقيت كاعده والدم يبس على شفتي َوجهي احس رجليه ميتات صار الصبح وطلعت الشمس كمت بتعب فتحت الكنتور سبحت وبدلت حضرت ملابسي وبديت اسوي صوت عالي اشيل واشمر و اركع الكنتور قوي

قائد ـ مرض كون مرض

ـ أريد اروح لـ أهلي هسه تاخذني واذا ما تاخذني اني اخابرهم يجون ياخدوني ألمن باقيه وين عايشه بوسط وحوش مو بشر ، قطرة رحمه ما عدهم

ـ وأنتِ حيوان امشي طلعي من الغرفه اريد انام

ـ التفت عليه ما اطلـع اخذني لهلي هسه وتطلكني هم

ـ بصياح گتلــــچ أمشي طلعي برى يلة مو أحاجيج

ـ كتلك ما اطلـع وديني لأهلي وفضهــا جرني من ايدي يريد يطلعني اجتني قوه دفعته اريد اخذ تلفوني أخذه مني شمره عـلـىٰ حايط صار نصين
ليش كسرتة ليشششش .

ـ لا تعيطين بوجهي امشــي اطلعـي
اني اطلعج بيدي اصبري

ـ دفعني برى الغرفه وقفل الباب رحت لغرفه عمتي جانت كاعده تقرأ قرأن نمت بحضنهـا

مرجان ـ شصار يمه ما عرفتي تحجين وياه ادري بيج جفصتي وياه وهو ما يتحمل

ـ تعبت منه بس اريد اطلـع من هل البيت عمه كلشـي يخگني حتى النفس شلـون عايشه وياهم