أسيرة القائد

الحلقه ـ ١١ ـ

قائد ـ شجانتي شبيج خايفة ومرعوبة مني .

شجان ـ ما جاوبته سنوني تطكك إبتعدت عنه خايفه وافرك بيدي ما أعرف شصارلي

ـ هيج اني أخوف شكلتج قبل مو كلت انتِ تختلفين عنهم شصار هسه

ـ هم ما جاوبته بس جـان يباوع عليه حسيته يقرأ عيوني لازمني من خدي غمضت عيوني ابلع ريك احس حلكي نشف باسني شمم عطري خله عيونه بعيوني

ـ أخذتي علاجج

ـ أي ، بس ليش

ـ نروح اني وياج لشمال مو كتلج

ـ هسه لا عفيه حباب ما اريد اخاف وحدي خلينـا إهنا

ـ شسالفه تخافين مني اني وياج وبس ، بعدين ما احب عاداتهن وتقاليدهن النسوان كلهن ما يصرفن الــي ، هااا شتكولين نروح

ـ لا خليــنا َغير مره نروح ما اكــدر بعدين ما متعوده اطلع ، عادي عندك لو ضجت 

ـ لا هذا هو بويه براحتج
.
ـ ابتعد عني انطاني ضهره بدا ينزع ساعتة واني مربطه عندي سؤال اريد احجي احس لساني نربط التفت عليه

ـ شبيج نضل هيج واحد يباوع على الثاني

ـ أسألك سؤال

ـ اسألي خل نشوف

ـ أنتَ ما تحب غيري ماكو احد بقلبك بس اني

ـ ما يخصج ، ما احب هيج أسئله وبعدين انتِ تعرفين اذا  بس انتِ او لا وما احب هيج اسئله تنفرض عليه افتهمتي

ـ ليش مو من حقي أعرف .

ـ لأ مو من حقج لن حياتي قبلج شيء راجع اليه

ـ هزيت راسي هو دخل الحمام توضي اجه ينشف وجهه ويباوعلي .

ـ تضليــن واكفة توضي تعالي نصلي

ـ مشيت دخلت الحمام احاول انزع بيـها ما أكدر يبوو شلون ورطه والله ما اروح عليه شفت المكص مالته على مرايا جريته كصيت قيطان ، يلا فدوه  نزعتهــا

سبحت ولفيت نفسي بالبرنص جان كاعد يدخن عينه بالكاع ما انتبه إلي اخذت ملابسي على الجربايه بدلت طلعت رتبت نفسي مثل ما علمتني شمس رغم احس بي مو نفسه قائد بس هذا واجبي طلعت حجابي امي وشمس مرتبات الكنتور احلى ترتبيب لبسته وتقدمت يمه شافني رفع راسه بقه صافن بوجهي

ـ نصلي

ـ هزيت راسي فرش السجاده بدينا نصلي هو طول بصلاته وبدأ يدعي اني هم دعيت ربي يسر أمري خلصنا اني رتبت السجاده مكانها نزعت الحجاب تقدم عليه ومُباشرةً تقرب وخلة راسه برقبتي ويشم عطري مغمض عيونه واني احس روحي اريد ابجي اريد أمي .

قائد ـ تعالي يمي رويحه قائد ملاكي وحلالي .

ـ ردت احجي اخذ شفتي وسكتني بهدوء على كيف ويمسح على َوجهي استمر وقت اهوايه بلمساته الحنونه بعدها سلمته نفسي واخذني اله يمسح على شعري بحب ما أعرف اجتني جرأه وبسته من خده