أسيرة القائد

الحلقه ـ ٢٢ ـ

رسمتك في صفحاتِ المطر ... نقشتُ حروفكي على أغصان الشجر
كتاباتي ملأها السكون ... ماذا أفعل أين أنا ماذا أكون
جعلتني مرمياً بين خانات السكر ... عيوني ملأها الحزن والقهر
عيوني ترى وجهكي كل ليلة على وجه القمر

وأنا مسلوب العقل مجروح مسكين .... لايداويني سوى رؤيا وجهك #الحزين#

شجـان ـ  تقرب اكثر بقه صافن وبعدها ابتعد عني اخذ تلفونه وطلـع بقيت نايمه شسوي وهو مصيـره مجهول ما كدرت عايف الباب مفتوح يعني بعدك مـامن بيه ما انهزم باوعت شفته كاعد يدخن

قائد ـ  دخلي جوه لا ارجع اخلص عليج

ـ فعـــلاً ورجعت للغرفه احسـها تنخنكي اخذتني صفنتـي لمدرستـي حتى اخذنا الوكت نتيجه ما عرفتها شكول عليـك كريم بعدني عن بنتي حتى ما فرحت بيهـا وطيحت حظنا .
____________________

شمـس ـ مرت هل الاشهر من بعد مـا تزوجت صبـحه احس البيت تحول إلى قهر بس اشوكت نرتاح أصعب مرحله مرت بحياتنـا بهـاي السنه اشوكت تمر و نكول صفت سوالف .
جنت كاعده بالحديقة كدامي شهـد تلعب صبوره صار عمرهـا سنـه وبدأت تمـشي روحه تعلكـت بيـه وأهلي يزيد قهـرهم وحزنهم بعد شجـان عنهـا الي عرفته من حـارث لحد الان ماكو جديد عـلـىٰ اساس ناوين يطلعون لشمـال اشوكت ما ادري طالت هواي

شهــد ـ  خلـي صابرين يمـج اروح اساعـد امـي مو تضلين بس صافنه عود طلعي الصور الها بس انـي

ـ ماشي اخذتها منها طلعت جهازي وصور شجـان هـاي ماما ان شاء الله تجـي شوفي ماما اشوكت حلوه جانت تبتسم ابتسامه برائه شنو ذنبها انحرمت من امها يوميه اخلي تلفوني واشوفها صور شجـان اذا رجعت ما تستغرب شكلها  لا تكول الـي ماما اتكطع بهاي الكلمه ياريتــہ أمج موجوده

إيمان ـ شسوين يمه  عيوني انتي يمه اووف اشكد مشتاقه الها وينـها هسـه تاكل تشرب شلون صحتها

ـ  الله يعلم يمه صار سنه  طالـت وقائد ما كافي ما مل خل يسلم نفسه ونرتاح واحد كل خير ما بي طيح حظ بتنا

ـ لاتحجين كدام البنيه مهمها يكون ابوها.. مو بس تشوفين صور شجان شوفيها صور ابوها حرام يمه بلكي الله يرجعه ويرتاح هو وبنته وشجان

ـ صـدك تحجين يمه اذا عفو عنه تخلين شجان تعيش وياه مره ثانيه هـذا مجرم

ـ ليش يمه مريته ما الي حق احرمه من مريته اذا جانوا يحبون بعض احتمال هسه مرتاحين. وغلط واكيد تعلم من غلطه انسان خطأ يمه محد معصوم من الغلط .

ـ ما ادري يمه قبل حجـيت ما اخذتـي بكلامي علمود هسه عافتنني وراحت وصبوره عافت تلفون وكملت لعبـها ويه غيث دخل حـارث عيونه انتقلت عليه خير كمت نفضت ثوبي ورحت عليه

حارث ـ أبنج ويـــن .

ـ  ليش صايـر شيء ، موجود بالحديـقه يلعب