أسيرة القائد

الحلقه ـ ٥ ـ

شجان
ـ كإنما الموت يقترب مني بهذيج اللحظه تمنيت اموت كدامه ولا يأخذ الي يريده مني حسيت روحي انگلبت شخص ثاني .
مستحيل اخلي يتقرب لو اعرف الثمن موتي خليت ابوي واخواني بين عيوني سمعتنا شرفنا كله مختوم علــىٰ اللحظه اللعينه .
ادفر وأدفع بي وهو مستمر يجر بيه لمكان بعيد عن العين عزه اموت والله ابتعد عني حيوان عضيته كل قوتي ابد ما اهتم اريد وسيله تخلصني من عنده كانت قوته اكبر مني بحكم الرجال وقوته بين المرأه بس ما تفرق اذا المرأه صارت الاقوى وتأخذ حقها وتحارب خاصه بهيج مواضيع والشرف همس بصوت هايم بنص اذني وهو يقربني ناحيته ويگول

كريم ـ ما تكدرين ابد اليوم اجيت اشوفج حبي واكسر غرورج وخشمج العالي واكسر اخوانج وكفو وين ابن عمي ضدي صاروا زلم براسي ويه قائد النذل اشوفكم كريم منو عبالكم تخلصون منـي هيهات .

ـ ياخذك الله أن شاء الله ، لك نذل مستحيل اخلي الي بالك يصير جرني قوي حسيت روحي صرت وصليتن بين ايديه لان جان ضخم تفلت بوجهه مسحه وضحك بسخريه واني صرت مثل اللبوه اهاجمه بيدي اريد اموته باوعلي بشماته ويگول

ـ عبالج ما ادري قائد يحبج ويريدج اله ولج من نظره عيونه عرفت بي يحبج بس مستحيل انتِ الي ما تصيرين لغيري لو اعرف اسويها بحر من دم .

ـ تقرب راد يبوسني دفعته ورجع لازمني عضيته ردت اعيط والم الدنيه عليه النذل شفت كسره مالت طابوك ركضت وعثرت وهو تقرب عليه جريتها بكل قوه املكها رغم احس روحي نفذت طاقتي رفعت ايدي ضربته على راسه صار دم ويه طوله ما خفت وكعت من ايدي صاح بيه مثل الحيوان المفترس گال

ـ حيوانه عبالج تنهزمين مني أني إلچ أوگفيلي .

ـ ما أثرت بي ركضت كل قوتي هو ركض ورايه دفعته مدري منين اجتني القوه والله نقذني منه بس گلبي يريد يوكف طلعت منها بسلامات وكفت يم بيتنا بالگوه اخذ النفس ونبضات قلبي تسارعت مو گادره اتوازن علــىٰ الأرض رفعت راسي وشكرته الحمدﷲ ربي خلصتني من هالنذل .
ارجف ولمحت قائد جان جاي من بيتهم بس بعيد عني شافني ضل صافن ومُباشرةً درت وجهي ودخلت البيت ركضت للغرفه صارت بوجهي شهد باوعتلي بقلق وهي تگول .

شهد ـ شجان شبيج ايدج كلها دم شجان وياي صافنه وترجف ودموعها على خدها تقربت عليها دفعتني راحت الكنتور طلعت ملابس راحت الحمام ركض قفلت الباب شجان شجان فتحتي الباب شبيج يمعوده صاير شيء وبعدين وين جنتي شُجان .

ـ بجهنم عوفونـي ما اريد احد فتحت الدوش واسبح بمي واعيط واحس روحي انسلبت من جسدي اليوم تعرضت المحاوله اغتصاب جان ممكن اخسر روحي

خلصت فتحت الباب رحت الغرفه شعري على ظهري يذب مي واني ارجف لحظه گلبي نبضاته زادت عندي وكعت وعيوني غوشت حتى النفس بصعوبه أخذه فقدت عن الوعي .

شهد ـ تأخرت بالحمام وشگلهـا ما يطمن شصار عفتها بالحديقة ما گدرت فتحت الباب دخلت الغرفه منظرها غريب شعرها كله مي ترجف تقربت عليها ومُباشرةً وكعت من طولها صرخت بصوت عالي شجان شجان يماااااااا لحكي تذكرت موقف من جانت صغيره من وكعت .
نزلت ركض اعيط اخواني فتحوا الباب صعدوا ركض شالها حارث بحضنه شعرها يذب ماي