أسيرة القائد

الحلقه ـ ٦ ـ

شجان
ـ باوعتلي الحجيه وخزرتني وبعدت نظرها عني والتفت علــىٰ شهد وابتسمت وهيه تگول

ـ  احنه جايين نخطب ، سكتت ، سحبت نفس وزفرته
خيه ام حارث احنه جايين نخطب شجان لقائد ودارت وجها وضربت بيدها على رجلها

ام قائد ـ اي مثل ما تفضلت الحجيه وكالت احنه جايين نخطب شجان الحليوه لقائد

شجان ـ تفاجأت  بلعت ريكي وانفاسي تسارعت التفتت عـلـىٰ شمـس عيونها يردن ينطن من العصبيه رادت تحجي لو ما عمتي مرجان الي ضغطت عـلـىٰ ايدها وسكتتها جاوبت امي الحجيه.

ـ النه الشرف حجيه يوم السعد الي نناسبكم بيه بس تدرون لازم ناخذ راي ابوها واخوانها

الحجيه ـواي شوفيهم ورديلنه الخبر يلا نروح ولو كعدتكم حلوه بس لا نتأخر

ايمان ـ يا حجيه بعد وكت كعدوا ماشبعنه من كعدتكم

الحجيه ـ  الجايات هواي يلا اودعناكم امشينا كوثر

شـجان ـ راحـن وامي طلعـت وراهـن كعـدت لسـاني مربوط اجتـي امـي باوعـت عليه مثل الفشـلانه
كلَكم تعرفون موضـوع الخطبه واني لاا؟

شمس ـ والله اسألي اهـلج ما صـدكوا جـاينهم خطـابه تكـول قحط زلم عاطت بيـه امي وشهـد تكرص بيـه

ـ تـالي ويـاج خليـني افهم من اختج لا تعليـن گلبي  شمس تر اعصابـي تلفت منـج

نارين ـ  صدك جـذب قابل شكـو بي الولد مثل الگمر قابل مجـرم هيــج مصعبين الأمور

إيمان ـ يـَمه نارين خلينه وحدنه اريد افهم من شجـانه

شهـد ـ طلعت نارين وشمس كعدت بس كـوه على اعصابـها وشجـان بس تبجي  وصافنه بعيـون امـي

ـ يمه شجـانه بنيتـي قسمتـج هاي ولرجال مابي عيـب ليش تبجـين وتعذبيـني يـروح امـج

شـجان ـ قائد المريض ماغيره شنو تحجون انتوا معقوله موافقين ومقررين وهسه جايين عليه يعني اني اخر من يعلـم عود ليـش اني بالذات

ـ يمه بنتي شجانه على كيفج على رويحتج قسمتج هاي خوش زلمه هو

ـ بالذات لاتحجين اكـو أم اذب بنتها هل الذبه وليش ما حجيتـي يعني هذاك اليوم من اجو جانت خطبتي وما ناويه تحجين لما الحجيه تجي وتحجي هسـه احجي فهمينيـي اتقربـت شمس ابتعدي عني كلكم تعرفون واني من أخر من يعلم عيـني

ـ  مو هيج تعذيين نفسـج مو زيـن عليـج يا عيـني

ـ أنتوا خليتوا بيها زين اشهك ودموعي نار تحـرك خدودي مستحيل هذا الزواج يصير حرررررام عليكم عفتهن طلعت من الاستقبال صارت بوجهي شهد كلها تدري الا اني صعدت ركـض لغرفتـي اجت ورايه شهد قفلت الباب بوجـهه ما اريد احد يمي عوفـوني