صبحه
ـ نايم واني صافنه عليه الدنيا تعرف شلون تلعبـها صح ويانا ، أيام جنت مسميتك الروح وهسه بحضن غيرك ، ادعي ربي يوفقك ويسعدك ويه غيري ويزرع النسيان بگلبي هـاي الحياة لازم نتقبل الواقع حرام عليه افكر بيك واني عـلـىٰ ذمة غيرك .
كمت من الفراش هو كعد ابتـسملي جرني من ايدي اله منعني ، وين اريد اكوم اصلي راح يأذن
كهلان ـ خلينا الله غفور رحيم ، عود نصلي اني وياج
ـ ماشـي صافن وكل اشوي يبوسني.. شلون نضل هيج خل اكوم فدوه
ـ اندار للفدوه مالتج ، منج من الشيطان طلعت هل الكلمه يلا ننتظر والقادم افضل
ـ تداركـت نفـسي. كمت واني حيل دايخه.. ونفس والوقت دخت بكلمتي وشنو يعني صبحه شبيج هذا زوجج يعني مو غريب اذا تغزلتي ، اخ وگلبي شسويله ربي هب عليه نعمه النسيان ويصبرني .
سبحت وهو متمدد صليت وكام دخل الحمام حضرت ملابسه ورحت نمت بفراشي والأفكار خطرت على البال .
ومرت ايام عاديه بحياتي ، بدت الدوخه ما تفاركنـي عمتي اخذتني للمحلل يمنا بالمنطقه بس اني وياها طلعت النتيجه حامـل ، فرحت اكو روح بطني جنت طايره من الفرحه وعمتي
ام كريم ـ استحي اشويه احنه بوكتجن نستحي من خيالنـا جيل اخر وكت
صبحـه ـ ما اهتميت لكلامهـا تحجي وترجع تسكت.. شايله تحليل بيدي وفرحانه والصدفه مؤلمه وتريد تحرك كلبي ويه طلعتنا من المختبر حامــد. وشمـس وغيث يمشي وياهم... ضل مركز عـلـىٰ ايـدي سلمت عـلـىٰ شمس وعمتي مشت بدون سلام واني لحكتها اريد اتهرب من نظراته المليانه حزن وعتاب التفت وراي عـلـىٰ وكفتـه حسيت سجاجيـن بنص كلبي وانكسرت فرحتي .
اني صوجي كالت اشواق اختبار حمل بالبيت وصلت دخلت غرفتي ، جنت كاعده واحجي ويه روحي دخل هو ابتسامه حلوه على خده
كهلان ـ راح تصيرين الام ويجيني طفل منج نكثر النسل بنت العم.. خاف يطلع مثل خاله مشرانــي
ـ كالها بضحـك معقوله حن كلبه على قائد وعرف الحقيقيه جاوبته ، أي اخوي ونعم منه مابي عيب ونقص وانت ابن عمه وتعرفه اكثر
ـ بس ارعن وطايش يتسـرع اهواي. سالفه البارحه زادت الطيـن بله.. أخوج خاف من العيب وكلام الناس راح بدون ما يشرح الوضع
ـ يعني الي أفهمه من كلامك تعفي عنه كهلان تعفي عنه لو لا طمن كلبي فدوه
ـ هيـج تحبين أخوج َهلكد خايفه
_طـ اخوي سندي ما عندي غيره عزام صار ابن الخارج وحتى عائلته سحبها يمه منو بقه غير قائد
ـ بس كريم اخوي صبحه اخوي مثل ما قائد اخوج وغالي عليج من اتذكر شلون مات وهو يحب الحياة لو يمي قائد احط طلقه بنص راسه
أنت تقرأ
أسيرة القائد
Misteri / Thrillerالروايه تم نُشرها في عام 2019 أسري... ها أنا أتخبط بمتاهات بين قلباً يريدك وعقلاً يرفضك.. ولڪَن أي قلب لدي لڪي بالفراق يقنع؟؟! لا تڪُن مخاوفي لطالما ضننتك أماني.. أمسك يدي بين يديك واياك ان تتمنع.. قائدي أحلفتك بالله دعهم ولي أسمع.. الا تعرفني انا...
