أسيرة القائد

الحلقه ـ ١٦ ـ

حامد ـ رويحتي

صبحه ـ التفت ما مصدكه هو حضنته كل قوتي بجيـت عـلـىٰ صـدره وهو يمسح على شعري ويحـاول يسكتـني طك گلبي عـلـىٰ شوفتك وينك هيج تكطع بيه مو اني صبحتك

ـ صبوحه حبيبي فدوه لهل العيون بيهن ما اضيـع لتخافـين ما طول انتِ بخير اني بخير تمام كافي دموع لخاطري بعدين هذا فال مو حلو تبجيـن

ـ لا اسم الله غير احبك يروحي انت شلونك شلون وضعك وين انت أحجي على سريع وهو يضحك ويمسح دموعي ، حتى أهلي نسيتهم من شفتك

ـ على كيفج يعيني يم صديقـي جنت وهسه جاي اشتغل يم خوالي بغداد واليوم اجيت طكيـت عـلـىٰ شوفتـج شلون اوضاع هذا الحقير هم سوا شيء بعد من ورايه

ـ لا اصلا اختفى من بعد كلام اخويـه اله بعد نا ادري.. خايفه سبب اختفاءه فجأه وهذا واحد شراني

ـ ما يكـدر يسوي كلشي  يلا حبيبي اني اروح خاف احد يشوفنا ديري بالج على نفسج وان شاء الله هل الفتره اجي أخطبج ونزوج ونفضها

ـ باسني من خذي اول مره يتجرأ ويسويهـا ، دنك شلع راس فجل مسحه وضحك

ـ مشتاق الخضروات

ـ غمزلي وراح ركض واني بقيت وأكفه اتمل طوله ودمعتي عـلـىٰ خذي ، مشيت خاف احد شافنه الحمد الله محد موجود دخلـت البيت صارت بوجهي امي انرعبت وشهكـت

كوثر ـ شكوو خايفه  بعدين وين جنتي من الصبح امشي ساعديني هم صيري مثل غيرج بس نوم واني عندي مفاصل اغسل واطبخ اشوكت ارتاح ما ادري..

صبـحه ـ مشيت وراها وهيه تحجي الي عرفته قائد ماكو جديتي كاعده وتضرب عـلـىٰ رجلها سمعتها كالت

الحجيه ـ والله لو يطلكـها احسن اله والهـا هيه مريضه ومنا خلفه ما بيها ، وعقلها عقل زعطوطه مو من نسوانه

كوثر ـ  فهمي كلامج لقائد حب وما حب غيرها دومه زواجه سريع وغلط بغلط اشوكت ارتاح واشوف خلفته عل كلبي عل

صبحه ـ  رحت اكمل شغلي شصار ردت افهم مرت عمي َوجهه ثكيل وشجـان ماكو اكيد تعاركـوا الله يهديكم .
__________

شجان ـ ضليت صافنه تالي نمت من التعب افكر دايخه تصرفاتي طايشه عقلي صعب أحد يفهمني تعبانه آلى درجه بكل قوتي احاول اكون تصرفي صح بس وين عقلي نايم بي مطي  شيقنعه اني ماجنت هيج بس هسه لا احس روحي عرمه وكحه بس وين همه الفقير يعيش وياهم قائد   اخخخخ محد دمرني غيرك
دك الباب اباوع كلت هسه قائد يجي انفتح الباب عمتي مرجان اجت

مرجان ـ بنيتي ليش هيج سويتي رجع ضربج انوب ولج لسانج انتِ مريضه

ـ عمه تعبانه فد مره لدرجه اريد حضن امي وابوي ما كادره ابقه اهناا احس أختنك  

ـ اسم عليـج يمه شجانه بيج شي حبيبتي شو كومي اكلي لكمه من الصبح شبعتي كتل كومي

ـ ما اريد عمه خليني شفتهــا  طلعت واني كمت سبحت رتبت الغرفه ملابسه شمرتهن بالغساله شافتني عمتــي بيدها الصينيه الاكل