أسيرة القائد

الحلقه ـ ٢٠ ـ

شجان ـ  تقدم عليه سلم عليهم لزمني من ايدي حسيت احد منهم مبلغه ، شهـل الظلـم ماكو واحد شريف
فتح الباب بهدوء صعدت شغل وطلعنا ساكتين وكسر الهدوء من گال .

قائد ـ ويـــن عبالج عايشه فلت لازم وگلمن اله  والهزيمه شيء عادي عندج وما وراج زلم تطلعج من بطن الكاع ، شعبالج الحياة سهله مبين عليج هواي متأثره بالافلام والقصص شجان .

ـ أني ما أنهزمت لا تطلع سمعه عليه أنهزمت
أني بس ردت أروح لبيت أهلي .

ـ أنهزمتي شُنـــــــــــــو ما أنهزمتي ، طلعتـــي من بيتي ، يعني مره طلعت من بيت رجلها وذنبها من رأسها لـ رجليها عـلـىٰ شُنــــوْ تبررين هزيمتج هاااا .

ـ أي أبرر لأن أني ما أنهزمت ، بس أريد أهلي وأخلص من ظلمك ما رحمتني ولا كلفت نفسك تسمعني وفوك هذا گله حرمتني من بنتي شتريد أسوي .

ـ لأ خطــــــيه عليچ هوايـــه خطــــــيه .

ـ قائد

ـ وجعة أبو قائد صوتج ما أريد أسمعه ولا نفس .

ـ سكتت ورن تلفون جاوب وفتح سماعه وبــاوع عليه

الشيــخ ـ ولك قائد تذبــح ابن عمك شُنـــــــــــــو  بكيفـك يا طايح الحظ ، وتجاوزت حدودك ولـك يا حيف ترتبتـي بيك حيف شكول للعالم شكول ابن عمه هو موته .

قائد ـ جدي حشا قدرك كلب وفطس طبه الف مرض وشيكولون خل يكولون ولاتقصرون اللي يجي منكم

شجان ـ  قفل تلفونه طلـع الشريحه كسرهاواستغربت رده فعـله تجـاهي معقوله ضامهـا الج شجانـه الهدوء قبل العاصفه الله يستر. وصلنا بيت نص مبني نص هيكل فتح الباب دخل الغــرفه واني وراه وسخـه كلش .

قائد ـ دخلـي جوه هسـه اجـي

ـ ويــن تروح جاوبني بهدوء

ـ اجيب علاجج

ـ والبيت اخاف وحـدي

ـ امشي وراي

ـ دخل الغرافه الثانيه مشه وقفل الباب وراح بقيت كاعده المكان يخوف ألمن هذا البيت وين جايبـني قائد
_____________

ًشمس ـ ماكو شي جديد ما انقهر عـلـىٰ حالي من ايدينه ما عرفنه نتصرف وامي ما أعرف القسمه ونصيب حيره والدرب ضيج
كملت البيدي غسل وتنظيف الهـي نفسـي بل الشغل بلكي ما افكر لان دماغي صفـر من كثر الأحداث الي شفتها بحياتي والمأساة سمعـت صـوته يعلن عن وصلوله وعذابه لشمس ، صاح

محمد ـ شمس الحارثي ، اليوم دقيقه بعد ما اخليـج روحـي بحضـن اخوانـج العارات

ـ گافـــــي سمحتلـك بما فيه الكفاية أخواني حدك عنهـم ما ضارين احد كافين شرهم عن الناس

ـ شقصـدج ولـج تقصديني مو والله اطلـع قهري كله بيكم واخلي الكـل يحجـي بسالفتكم حيوووانه