أسيرة القائد

الحلقه ـ ١٢ ـ

اخذني الشيب وانه
بواهس العشرين
ولتمن عليه الما_محسبلهن
غربه وعوز والدنيا
وحجي الشمات
هي شعايزه وفرگاك چملهن .

شمس ـ  نطق اسمي ارتبكت خايفه اختي تجي شلت جنطتي ردت امشي كال

ـ شلونج

ـ الحمد لله

ـ اعتقد اني كلتلج قبل ما حاجه اعيد كلامــي يوميه

ـ شنــو

ـ لاتسوين روحج ما تعـرفين ، لاتحشـرين نفسج بحياتي ، شمس تعبت اريد ارتاح

ـ كالـها بصوت تعبان حسيت بي صدك تعبان ارتاح ما عندي شيء وياك وربي يسعدك انت وياهـا

ـ امين بس ابتعدي عن شجــان

ـ أختـي هاي شلون تريد مني أبتعد عنها

ـ مو مشگلتي .

ـ ترى شجـان تعرف انت قبل جنت تحبني ما اله داعي شفته عصب قبض ايده

ـ شُنـــــــــــــو تحجين أني وياج حجيت مو نبهت عليج . شمس طلعي روحج مو حياتي ما مستعد اخسرهــا اختج احبها

ـ حجيت وكوه تطلع الكلمه ، أي حبهـا منو لازمك بس دير بالك عليـها راد يحجي شجان صارت وراه

قائد ـ أنتِ ..

شجان ـ قائد اشوكـت اجيت

قائد ـ هلا حبيبي هسه اجيت وين جنتي

شمس ـ تقرب عليها باسـها من خدهـا كدامي اني شلت جنطتي من رخصتكم

شجـان ـ وين شمس خليج بعدنا هسه اجيتي ابقي الله عليـج

شمس ـ لآ لازم اروح مع السلامه اروح اشوف امي تاخرنــا ديري بالج على نفسج عود نتخابر بوستهـا وطلعت هو جان يراقبنـا طلعت امي سلمنا عليهم ورجعنـا للبيـت صار محمد بوجهـي

محمد ـ  مو عبالـك تأخرتي جان ضليتـي اهناك

إيمان ـ لآ يمه شسالفه خيتهـا وبقوا يحجون أخذنـا الوقت من رخصتكم يمه

شمس ـ  راحت امي هو اشرلي براسه ادخل البيت تمشيت وصلت بيتي شفت غيث يعلب تلفون ابوه بعدني جاي ابدل ملابسي صاح اسمي لو تزلزت روحي من الخوف اليوم كتلج شمس صار ايام ما مكتولـه

محمد ـ بنت قنادر بنت كواويد كلتي اروح على اهلي ما كلتي اصخم يم اختي رجل كرسي اهنا اني

ـ على كيفك يا عيني والله كتلـك اني وامي نروح نشوف شجان وانت هزيت راسك عبالي وافقت

ـ اليوم اطلـع قهري بيج انعل ابوج لابو رادج والي يلفيج بيته

ـ تقدم عليه جرني من شعري بالحزام جرم بيه كله جسم مطكع آثار ضرب قديمه وجديده سلمت نفسي اله ابد ما دافعت عن روحي تمنيت الموت ماكو شي يستاهل اعيش علمود هو حتى ابني بعيد عني بعدو عني في سبيل يذبوني مثل الحيوان تعب جرني من شعري طول البيت جانت دنيا مغرب الشمس غابت اذن الله واكبر فتح الباب شمرني يم الباب وملابسي مدلعه