أسيرة القائد

الحلقه الاخيره (النهايه)

قائد... احبج ما حبيت غيرج بكثر ما حبيتج اموت عليـج

شجان.. َبقيت اتسمع اله ودموعي تنزل. اوعدني كافي قهر وحزن تعبت شوف شصار بينه واخيرا رجعنه لهاي الغرفه الـشاهده على ظلمي

قائد... وعد يروحـي  انتـي.. تعالي مشتاقلج بكد رحـمه الله يبعد عمري كل هلـي وناسي.. اكول كافي غزل ولـج تنجلبين عليه..

شجان... قربني اله جان مشتاق الي نمنـنه اخذني بحضنه يبوس بشعري ما مصدك وجودي يمه

قائد.. تدرين فتره غيابج عنـي حيل اتعذبت جنت امس الحاجه الج وانتي حيل استبعدتـي

شجان.. قائد َََمو بيـدي الي شفتـه مو قليل حالتي نفسيه زفت حبيتَ ابتعدت وشمس لازكت اكص ايدي اذا ما متفقين انت وياها علمود ارجع

قائد.. لا والله بس جنت اتصل عليها اتطمن عليها وبس ليش ما تكولـج اني اتصل

_لا ما كالت.. بس تـدري حيل انظلمت شمـس ومحمد ما قصر وياها همزين رجع ابنها لحضنها

_شحـده ما يرجعه غير اكسره اني رجعته مو هًو الحقير نكر كلشي وظلمها الحيوان

_ايي والله حيل كاسره خاطري ربي يسعدها.. اسـالك. سؤال حبيبي..

_جواب ولو تقربيا عرفت سؤالج

_بعـدك تحبها او تحن ايام قبل وياها

_سدي الموضوع ازعل عليج وزعلي ثكيل صار ماضي وانتي الحاضر ومستقبلي انسى كافي لخاطر الله

_خلص يروحي انسى.. حضنته ونمت على صدره امان وحاولت ابعد افكار عن راسي والماضي اهواي امور صارت بحياتنا وتالي مردي اله يا قدر شلون جمعتنه..
...* كعدت الصبح فتحت عيوني بوجهه الوسيم تلمسـت خده شوراربه بقيت اتفحص ملامح جمالـه بسته من عيونه حس بيـه فتح تك عيـن

قائد... البارحه جنتـي تزاكـطين اليـوم شجاج

_قائد مو كلنـه جنت تعبانه وظروف الي صارت اكبر منـه بعدين ليش تغلط عليه شنـو تزاكـطين ليش مطي انه

قائد.. حشا المـطي منـج

_نفضت الفراش ردت اكوم انقهرت منه جرني اله قبض ايده جتفنـي ما مو اني مطي شكـو مجلب بيه خلينـي

قائد.. ولـج تكولين شكـو تغلط انتـي لو تراجـعين نفسـج قبل تعرفين منو بينه غلط اكــثر بس احبج واكًول بعدها طفله تكبر وتتعلـم

_جان حاضنـي من ظهري نفسه بركبتـي.. تنفست بقهـر. الـي افهمه منك تكولي راجعي نفسج واذا غلطتي ماكو سماح صح تفسيري لو غلطانـه..

قائد... عفيـه بحبيبي كافي راجعـي نفسج والاحترام احلى شي بين زوجين اذا انعدم معناها العلاقه انتهت ماكو شي ينبني عليها لان اساسـها الاحترام..

شجـان.. ألتـفت عليه العب بخشمه انت اليوم المدرس مالتـي تعلمنـي.. والله انتو تجبرون الواحد كوه راعو مشاعرنـه وأحنه شلون ما نمشي مثل الساعه. َ