أسيرة القائد

الحلقه ـ ٤ ـ

شجان
ـ بدلت ملابسي ونزلت يمهم واني اضحك علــىٰ نفسي وين كنت صافنه وشصار وياي اليوم شافتني امي وشگلها مليان خوف وقلق ابتسمت لتخافين نبع الحنان ما بيه شيء

إيمان ـ  هاا يمه بشري شلونج هسه انطاج علاج وصفتي حالتج وعلاجج مناسب الج شلون تردين ما اخاف عليج يبعد بيتي .

ـ يمه والله فهمته بس نفس الشي وجع نار ما كادره اتحمل اخذتني بحضنها كعدت بالصاله تقرأ على راسي ايات صوتج اشكد حلو مريح يمه

ـ شجان تاركه صلاتج ولج يمه .

ـ تردين الصراحه أصلي وگت وأنسى وگت .

ـ يمه التزمي بصلاتج مايصير تصلين يوم تتركين يوم حرام يمه شنو وجودنا بالدنيه غير صلاتنا وطاعتنا لله سبحانه وتعالى ما يصير تغفلين على عبادته وطاعته تحاسبين بالدنيه قبل الاخره بنيتي . 

ـ ان شاء الله والله جاي احاول أصلي والتزم بيها بس انتِ ما تشوفني اصلا اني اكثر وحده ضابطه صلاتي مو مثل الباقين

ـ ادري بيج يمه فدوه لعيونج غير علمودج أكد عليج علمود لا تنسيها الصلاه راحه نفسيه للانسان .

ـ بستها من ايدها فدوه لكلامج مسحت على راسي ودخل بابا تفاجئ

ابو حارث ـ شبيها شجانه اجيتي من الدكتور يروح ابوج

ـ  اجه باسني من راسي لاتخاف عليه بابا انطاني علاج بس بعد أن شاء الله اصير احسن شفت الخوف بعيونهم عليه

ـ ان شاء الله بابا ارتاحي ام حارث سويلها لكمه تأكلها وخل حامد باجر ياخذ إلها إجازه ما تروح ما تشوفين حالتها أخاف عليها .

ـ أن شاء الله ابو حارث أبلغ حامد يروح ياخذ الها لا يضل بالك

ـ طبعا بحنيه اهلي ما شفت يحبوني بشكل واني هم احبهم عسا ما انحرم من حنيتهم باسني ابويه وراح  على كعدتي اجت شهد عاطت امي بيها

ـ وين جنتي ولج ما تلفين على البيت اجو اخوانج وسألو عليج شتكولين يم رميم

شهد ـ على كيفج نبع الحنان خفي ضرب الرشاش مالتج اشويه مو بس عليه وهذولاك الناس نايمين بحضنج ورغد ونعيم

شجان ـ ضحكت عليها شنو تغارين امي هاي همم عيبت عليها مشت ومقهوره مني امي كامت تسوي عشه واني متمدده اجت نارين كعدت بصفي

نارين ـ اكول هذا قائد هم تكلم وياج

ـ عفواً وياي ليش عود

ـ لا هيج كلت يعني واحد ما يسأل

ـ أي اسألي بس مو هيج سؤال سكتت واني بكلبي والله مو خاليه هم َوراج سر انتِ الثانيه !!
يا خوفي يطلع السر تافهه واني خابصه نفسي وافكر كمت لغرفتي شهد تكلب بتلفونها اخذتني رجلي قربت يمها وكلت هذا منو فزت وكمزت من الخوف شمرت التلفون بعيد