وسنلتقي💔

......... البارت الثامن عشر........

كم ان ذلك القدر غريب.. بلحظة يفرق الأحبه بجميع الطرق ويجعل بقائهم معا مستحيل وبلحظة أخرى يجمع بين الأحبه ويجعل فراقهم مستحيلا.. ولكن كيف حدث ذلك مع نفس الشخصين؟.. كم انت محير ايها القدر!!.. ظلت سيلا تفكر فيما حدث وما سيحدث اذا لم يتم الزواج رسمي.. رأت ان ذلك إحدى الإشارات من الله ان وقتهم  قد حان ليكونا معا.. ولذلك فقد وافقت ان يتم الزواج.. كان خالد ف غايه السعادة انهم سيكونا معا الان وللابد لانه لن يسمح لأي مخلوق مهما كان ان يفرق بينهم.. قام خالد بالاتصال ع عامر وطلب منه أن يأتي وأن يجلب معه عقد زواج وان يجلب معه ياسر وهو قادم.. وبالفعل بعد حوالي نصف ساعة.. طرق كلا من عامر وياسر الباب وأذن لهم خالد بالدخول وكان نور قد استيقظ ف ذلك الوقت وشعر بالسعادة عندما وجد سيلا قد استيقظت وسعادته زادت عندما اخبره خالد انه سيتزوج سيلا وظل نور جالسا بجوارها.. قام خالد وسيلا بالتوقيع ع العقد وكذلك فعل عامر وياسر بانهم شهود ع العقد ثم أعطاه لعامر وقال:عايزك بقا تاخده توثقه وتجيبلي صورة للتوثيق..
عامر:تمام اعتبره حصل..
ياسر:يالهووووي والنبي انا لو بعرف ازغرط كنت زغرطت..
عامر:وتزغرط ليه ي خفيف؟..
ياسر:اخيرا اتجوز وانزاح من ع قلبي يا ساااتر..
خالد:هو انا كنت قاعد ع قلبك وانا مش واخد بالي ولا ايه..
ياسر:اه ي خويا كنت طابق ع مراوح نفسي..
كانت سيلا تنظر اليهم وتبتسم.. كم ان جوهم معا جميل ويشع حبا بسبب تلك الصداقه الجميله..قرر ياسر ان يغيظ خالد وقال لسيلا:والمصحف انتي خسارة ف الحمار الجحش دا بس يالا..
خالد:ايه ي خفه اظبط مالك ف ايه..
عامر:بس يخربيتك هياكلنا..
ياسر:ايه ي عم.. مرات اخويا وبقت اختي خلاص يعني من حقي اعاكس براحتي.. ولا ايه ي عسل؟..
سيلا بابتسامه:وانا أطول يبقى اخويا دكتور قمور كدا..
ياسر:الله دي طلعت بتتكلم وصوتها حلو كمان.. اه ياني ياما مش لاقي حد يتف ف وشي..
خالد بنظرة خبث:اجي اتف ف وشك انا ي حبيبي..
ياسر بسرعة:لا لا لا لا مش عايز شكرا ابعد عني..
ضحكت سيلا ع مزاحهم هذا.. كانت هذه الضحكة ورنتها ف اذن خالد هي أكثر مااشتاق له خالد.. فكان ينظر إليها بابتسامه هادئه.. عامر لياسر:ياسر يالا..
ياسر:لا ي عم انا عايز اتفرج..
شعرت سما بخجل شديد وتلونت خدودها بالأحمر..ياسر مازحا:ياخلاااااااااثي دي بقت طماطم..
نظر خالد اليه هكذا😒🤨.. عامر:يالا الله يحرقك هيقتلنا..
ياسر:طايب ي عم ماتزوقش..الف مبروك يا سيلا وربنا يعينك ع التور الهايج دا..
قال ياسر ذلك وركض مسرعا الي الخارج بشكل مضحك مما جعل سيلا تضحك ع طفولته هذه..نور بطفوليه:ياثو اتهبيي..
عامر:لا ي حبيبي هو اهبل من يومه..اموت واعرف دا متربي ف إنجلترا ازاي دا.. يالا ربنا يصبرنا.. الف مبروك يا سيلا..
سيلا بابتسامه هادئه:الله يبارك فيك..
عامر:الف مبروك ي خالود.. هروح انا بقى عشان العقد..
وبالفعل تركهم وذهب..كان نور جالسا بين أحضان سيلا بسعاده وقال:اتي كتا بقيتي ماما ثح وهتفضيي محايا حيطويي؟؟..
سيلا بابتسامة وقد أخذته بين احضانها:اه ي قلبي.. مش هسيبك ابدا ابدا..
كان خالد ينظر إليهم بابتسامه ساحرة فوق الوصف حتى قالت له سيلا:خالد ممكن طلب؟..
خالد:اه طبعا اكيد.. عايزه ايه؟..
سيلا:انا عايزه امشي من هنا..
خالد:طاب خليكي النهارده بس عشان اطمن عليكي..
سيلا:هبقي كويسه لما اروح.. مش حابة افضل هنا..
خالد:حاضر.. هكلم هاله تجيبلك هدوم واشوف الجحش الي خلع دا هيقول ينفع ولا لا..
سيلا بابتسامه خفيفة:ميرسي ي خالد..
خالد بابتسامه ساحرة فوق الوصف:انتي دلوقتي مراتي ومسئوله مني يعني مافيش بينا كدا..هروح لياسر انا بقا..
اومات له سيلا بالايجاب مع ابتسامة هادئه.. وبالفعل تركها خالد وخرج من الغرفة واتجه الي مكتب ياسر وعندما كان ف طريقه الي هناك.. اتصل ع هاله واخبرها ان تقوم بشراء بعض الملابس لسيلا وان تأتي بهم للمستشفى.. وصل إلى مكتب ياسر ودخل كالعاده بدون اي طرق ع الباب وكان ياسر يراجع بعض الأوراق.. ياسر:جاي تضرب ولا ايه؟..
خالد وقد جلس ع الاريكة:والمصحف ماسك نفسي بالعافيه.. المهم مش دا موضوعنا..
ياسر:احسن برضو.. ايه الموضوع بقا؟..
خالد:ينفع سيلا تخرج من المستشفى؟.. حالتها تسمح يعني؟..
ياسر:بلاش النهارده.. هحطها النهارده تحت الملاحظة ولو ف تحسن ممكن تخرج بكرا.. بس ليه؟..
خالد:ابدا بس هي عايزه تخرج.. مش بتحب جو المستشفيات يعني..
ياسر:قولتلها ع الي انت ناويه ليهم؟..
خالد:لحد دلوقتي لا..
ياسر:وان شاء الله ناوي تقولها امتى؟.. بعد ماتنفذه؟..
خالد:هشوف بقا وقتها..
ياسر:طايب.. انا رايح اشوف شغلي وبالمرة اعملها فحص..
خالد:ماشي بس ماتسوقش فيها.. انا هروح اجيبلها اكل واجي..
ياسر:ماشي ي حنين انت..
خالد:بكرا نشوفك ي خويا😒..
ياسر:اتوكس انا بس الاقي كلبة تعبرني..
خالد:كلبة؟.. دا أقصى طموحك.. جاتك نيله.. انا ماشي ومش هتاخر..
وبالفعل تركه وذهب ليجلب لها طعام بينما ذهب ياسر إليها..قام ياسر بطرق الباب.. فأذنت له سيلا بالدخول.. وبالفعل دخل إليها وقال بابتسامه:العصفورة قالتلي انك عايزة تمشي..
سيلا بابتسامه خفيفة:مش بحب جو المستشفى بحس اني مخنوقة..
ياسر:طاب معلشي استحملي النهارده بس وبكرا ان شاء الله هتخرجي.. النهارده بس هحطك تحت الملاحظة عشان نطمن..
سيلا:ماشي.. اومال.. خالد فين؟..
ياسر بمزاح:الزوج الحنين راح يجيبلك اكل..
ضحكت سيلا ضحكة خفيفه ع مزاحه.. فقال ياسر:بقولك ايه ي نور.. وسع بقا..
نور:اوثح ييه؟..
ياسر:توسع عشان اكشف عليها..
نور:ماثي بث بلاحة حييها..
ياسر:حاضر ي باشا من عنيا..
وبالفعل ابتعد نور وجلس ع الاريكة وبدأ ياسر ف فحص سيلا حتى سمعا طرقا ع الباب وكانت تلك هالة.. فأذنت لها سيلا بالدخول.. فدخلت وهي تحمل كيس بلاستيكي وبمجرد دخولها حتى تلاقت الأعين بينها وبين ياسر للمرة الأولى..رغم ان ياسر قد نشأ ف إنجلترا.. ف ارض بها الفتيات الجميلات كُثر..ولكنه لم يرى ف جمالها ولا جمال عيونها..رغم ان وظيفه هاله قد جعلتها ترى الكثير من الرجال ولكنها لم تشعر بتلك الرعشه ف قلبها وجسدها من قبل..كانت سيلا تنظر اليهم بابتسامه خفيفة فهي تعلم تلك النظرات جيدا..ظلا ينظران لبعضهما البعض هكذا حتى قطع نور تلك اللحظة قائلا:أتوا بتبثوا يبعت كتا ييه؟..
شعرت هاله بالخجل.. فابعدت نظرها عنه.. قال ياسر بصوت منخفض لم يسمعه احد سوا سيلا:يلعن شكلك غتت شبه ابوك.. انت مالك؟..
زادت ابتسامة سيلا وقالت:تعالي ي هاله ي حبيبتي..
وضعت هاله الكيس ع الاريكة واتجهت إليها وقالت بصوتها الهادئ:عامله ايه ي قلبي النهارده؟..
زادت ابتسامة ياسر عندما سمع صوتها وقال ف نفسه:يالهووووي ع القمر ياخراااابي..
سيلا:الحمدلله ي قلبي والله.. اقدملك دكتور ياسر..
نظرت هاله اليه وتلاقت الأعين مرة أخرى وقالت بشبه خجل:اهلا ي دكتور تشرفنا..
ياسر بابتسامه:انا الي اتشرفت والله..
حاولت سيلا منع نفسها من الضحك ع منظر ياسر وقالت لهاله:بس خير ي هاله.. انتي مش المفروض تبقى ف الشركة دلوقتى؟..
هاله:اه بس مستر خالد كلمني قالي اجيبلك هدوم واجي..
ياسر بهيام:والله خير ما عمل..
هاله بابتسامه خجل:ميرسي..
كان ياسر ينظر إليها بهيام لدرجة انه لم يسمع صوت موظفه الاستقبال وهي تطلبه ف الميكروفون..ظل ينظر إلى هاله حتى قالت له هاله:دكتور ياسر..
ياسر بهيام:قلبه..
كانت سيلا تحاول أن تمنع نفسها من الضحك.. صدمت هاله من تلك الاجابه وقالت له بخجل:احم.. بينادوا عليك ع فكرة..
ياسر بهيام:هما مين؟..
هاله:احم.. موظفه الاستقبال بتنادي عليك..
هنا عاد ياسر الي ارض الواقع وبالفعل استمع الي موظفه الاستقبال وقال بتذمر:ايه دا يعني همشي؟..
سيلا:المفروض يعني..
اتجه ياسر الي الباب ولكنه كان ينظر إليها حتى صدم في الباب.. ياسر بوجع:اه ي ابن الجزمة..
حاولت سيلا وهاله منع نفسهم من الضحك ولكن نور ضحك وقال لياسر:ماتبث قتامك ي ياثو..
ياسر:بس ي نص شبر انت..
وخطف نظرة سريعه إليها ثم ذهب.. كانت هاله لاتزال تنظر إلى الباب وهي مبتسمه حتى افاقت ع صوت سيلا قائله:خلاص مشي ع فكرة😏..
زاد خجل هاله وقالت:احم.. تقصدي ايه؟..
سيلا بابتسامه خفيفة:لا ي قلبي ولا حاجه..بقولك صحيح ايه حكايه الخبر الي اتنشر دا؟..
جلست هاله ع الكرسي المجاور لها وكانت ع وشك التحدث ولكن قاطعها نور قائلا:ماما ممكن فونك؟..
سيلا:مش معايا ي حبيبي والله..
أخرجت هاله هاتفها واعطته الي نور بعد أن فتحت له إحدى الألعاب.. ثم قالت لسيلا:الخبر دا ي ستي اتبلغ للصحافه الصبح بادري.. الصحفي الي كتب الكلام دا قال ان ف واحد كلمه وقاله ع الموضوع دا وبعد ما قفل معاه اكتشف ان الرقم الي اتكلم منه رقم كابينه تليفون ف الشارع..وطبعا كأي صحفي صغير مبتدئ لسه.. الخبر سخن وحصري قام نشره ع طول حتى من غير ما يتحقق دا صح وغلط..والمستشار القانوني بقا بيشوف شغله مع الجريده دي..
سيلا:بس تفتكري مين الي عمل كدا؟.. وازاي عرف اصلا الموضوع دا؟..
هاله:مش عارفة بصراحة ودا الي مجنني..بس ممكن أسألك سؤال؟..
سيلا:اكيد طبعا.. اسألي..
هاله:هو انتوا اتجوزتوا ازاي؟.. قصدي يعني ايه الي حصل خلاكم تاخدوا القرار دا؟..
قامت سيلا بقص كل شئ لهالة وكانت هاله تستمع وهي ف غايه الذهول وبعد أن انتهت سيلا من الحديث.. قالت هاله بتعجب:يا نهار اسود ومنيل.. هي الناس دي معجونة من ايه.. ولا امك دي.. انتي متأكدة انها امك اصلا.. يالهووووي دي لو مرات ابوكي مش هتعمل كدا.. ايه دا؟..
سيلا بحزن:ربنا يهديهم لنفسهم ويبعدهم عني بقا..
هالة:امين يارب.. طاب مستر خالد ناوي يعمل ايه؟..
سيلا:مش عارفة بس متأكدة انه ايا كان الي هيعمله هيبقى حاجة مليانه غضب وكره..
هالة:وانا برضو.. ربنا يستر.. المهم يالا تعالي غيري هدومك عشان تبقى مرتاحة اكتر..
وبالفعل قامت سيلا بنزع المحلول من الكانيولا وأخذت الملابس ودخلت الحمام وظلت هاله مع نور حتى سمعت طرقا ع الباب.. فأذنت للطارق بالدخول وكان خالد.. كان يحمل معه بعضا من الطعام التي قام بوضعها ع الطاوله التي توجد ف احد زوايا الغرفه..وقال:اومال سيلا فين؟..
هاله:ف الحمام بتغير هدومها.. اه ع فكرة المستشار دلوقتي مع المحامي بتاع الجريده عشان الخبر..
خالد:تمام.. خليه يبقى يقولي ع اي جديد يوصله..
كانت هاله ع وشك التحدث ولكن قاطعها خروج سيلا من الحمام وهي  ترتدى بنطال اسود وتيشيرت ازرق اللون..نظر خالد إليها بنظرة حب وإعجاب وكان يغلبهم الاشتياق.. كانت سيلا تنظر اليه بعيون لامعة من الشوق مع ابتسامتها الهادئه.. ظلا ينظران الي بعضهما البعض هكذا حتى قال نور:ثكيك حيو اوي ي ماما..
فاتسعت ابتسامه سيلا واتجهت وجلست بجواره..قال خالد:ارتاحي ع السرير احسن..
سيلا:لا لا مش بحب قاعدة السرير دي.. انا مرتاحة كدا..
خالد:طاب والمحلول؟..
سيلا:مش لازم أكمله دلوقتى.. انا حاسه نفسي بقيت احسن الحمدلله..
هالة:ايوا ي حبيبتي بس دي جرعات ولازم تتاخد ف وقتها.. استنى كدا..
وقامت هالة بتقريب المحلول إليها وقامت بتوصيله بالكانيولا وهي جالسه ع الاريكة.. هاله:تمام كدا؟..
سيلا بابتسامة:اه ي قلبي ميرسي تعباكي معايا..
هالة: ماتقوليش كدا.. مافيش تعب بين الاخوات..المهم انا لازم امشي دلوقتي عشان ف شغل لازم اخلصه وان شاء الله هعدي عليكي وانا مروحة..
سيلا:ماشي ي قلبي.. خدي بالك من نفسك..
هاله وقد اخذت حقيبتها:ماشي ي قلبي.. سلام..
وبالفعل تركتهم وذهبت.. جلس خالد ع كرسي قريب من الاريكة وظل ينظر إليها ف تأمل حتى قالت له بخجل:هو انت هتفضل تبصلي كدا كتير؟..
خالد بحب:مش عايز اعمل حاجه تانيه..
شعرت سيلا بخجل اكثر ولكي تلهي نفسها قالت لنور:يالا ي حبيبي عشان تفطر..
نور:وأتى مث هتاكيي؟..
سيلا:لا ي حبيبي مش جعانه دلوقتي..خالد ممكن تأكله عشان مش هعرف أاكله من ايدي..
خالد بابتسامه:اكيد طبعا..
اخذ خالد الطعام واخذ الكرسي ووضعه أمامهم وبدأ ف إطعام نور وكانت سيلا تنظر اليه بابتسامة حتى وجدت خالد يمد لها يده وبها طعام.. فقالت بتعجب:ايه دا؟..
خالد بابتسامه:ايه؟..هأكلك طالما مش عارفة من ايدك..
سيلا:خالد انا مش جعانه.....
قام خالد بمقاطعتها عندما وضع لها الطعام ف فمها وقال بابتسامة:شاطورة.. كلي وانتي ساكتة بقا..
اكتفت سيلا بالابت له ابتسامة خفيفه كانت جزء صغير من بركان السعادة الذي ثار بداخلها.. وظل خالد يطعمها هي ونور حتى قالت له سيلا:وانت مش هتاكل ولا ايه؟..
خالد:مش جعان دلوقتى..
اخذ نور طعام ووضعه ف فم خالد وقال:كي وات ثاكت ي بابي..
ضحكت سيلا ضحكة خفيفه ع طفوله نور وقالت:شاطور ي نوري..اكل بابا بقا..
نور:ماثي ي مامي..
خالد:دا انتوا متفقين عليا بقا.. ماشي ماشي..
وظل خالد يطعم كلا من سيلا ونور وكان نور يطعمه كذلك وسيلا كانت تنظر اليهم مع ابتسامة ساحرة فوق الوصف ونظرة حب وهيام.. هل حقا الان انا زوجتك؟..ووضعت يدها ع رقبتها من الأسفل ف سعاده.. تعجب خالد من تلك الحركة فقال:انتي كويسة حاسه بتعب؟..
سيلا:لا ابدا انا كويسه..
كان خالد ع وشك التحدث ولكن قاطعه صوت طرق ع الباب.. فاذن للطارق بالدخول وكانت جومانا..تعجبت سيلا عندما رأت جومانا.. ترى ما الذي تفعله هنا؟.. عندما رآها نور.. ارتمي بين أحضان سيلا ف خوف.. شعرت جومانا بالحزن عندما رأت ذلك ولكنها قررت أن تفتح صفحة جديدة مع الجميع..كانت جومانا تحمل كيس بلاستيكي فقامت بوضعه ع الاريكة وقالت بابتسامه:عامله ايه النهاردة ي سيلا؟.. يارب تكوني احسن..
تعجبت سيلا من ذلك ولكنها قالت لها بابتسامه خفيفة:الحمدلله احسن بكتير.. ميرسي ع سؤالك..
جومانا:ولا ميرسي ولا حاجه دا واجب بين الأخوات..
سيلا بتعجب:اخوات؟..
جومانا بابتسامة:انا عارفه ان بدايتنا مع بعض ماكانتش الي هي بس انا خلاص عرفت غلطي وعقلت وحابه افتح معاكي صفحة جديدة نبقى فيها اخوات.. لو ماعندكيش مانع طبعا..
سيلا بابتسامة ساحرة:اكيد طبعا ماعنديش.. وكمان انا.. اسفه ع العلقه..
جومانا بمزاح:لا ماتتاسفيش.. انا كنت استاهلها بصراحه.. (ثم اتجهت الي نور وقالت له بابتسامة).. انا اسفه ي نور ع كل مرة زعلتك فيها ومش عايزاك تزعل مني..
نظر إليها نور بتعجب ثم نظر الي سيلا التي اومات له بالايجاب كمن تقول له ان يوافق.. فنظر نور الي جومانا وقال لها:خناث مث زحلان منك..
جومانا بابتسامة:ممكن نبقى صحاب؟..
نور بابتسامة:ماثي ي جوجو..
شعرت سيلا بسعاده حيث أن كل شئ بدا بالتحسن من حولها..جومانا:انا روحت جيبت هدوم ليكي انتي ونور عشان هو بهدومه من امبارح..
سيلا:انا تمام.. هو بس هيغير هدومه هو خلاص فطر..
جومانا:تمام.. يالا ي نور عشان تاخد دوش وتغير هدومك..
سيلا:روح ي حبيبي مع جوجو عشان تاخد دوش عشان ايدي فيها البتاع دا..
نور:ماثي ي مامي.. يايا ي جوجو..
وبالفعل اخذت جومانا نور والملابس ودخلت الي الحمام.. كان خالد وسيلا بمفردهم الان.. كانت سيلا تشعر بتوتر قليل وزاد توترها عندما اتجه خالد إليها وجلس بجوارها وامسك يدها وقام بطبع قبله حب ع كف يدها وقال بابتسامه:وحشتيني♥️..
سيلا بتوتر وخجل:و.. وانت كمان.. وحشتني..
ضمها خالد اليه برفق خوفا من ان يوجعها..كان يريد أن يطمئن قلبه انها الان أصبحت بجواره للأبد ولن تبتعد ابدا.. رغم أنها تعجبت من ذلك الفعل الا انها كانت بحاجة الى احتضانه هذا.. تشبثت ف قميصه بيدها السليمه كأنها تريد أن تختبئ من قسوه العالم بين احضانه..ظلا هكذا حتى سمعا صوت طرق ع الباب.. فاذن خالد للطارق بالدخول وكان ياسر.. دخل ياسر بلهفة شديده اختفئت عندما لم يجدها..ياسر بتذمر:ايه دا بقا؟.. اومال انا جيت ليه؟..
ضحكت سيلا ضحكة خفيفه فهي تعلم مايقصده بينما قال خالد:انت اهبل ياض.. ف ايه؟..
جلس ياسر ع السرير وقال يتذمر طفولي:مافيش ي عم..(ثم قال بخبث).. الا انتوا كنتوا بتعملوا ايه؟..
شعرت سيلا بالخجل من ذلك السؤال.. خالد:وانت مال اهلك؟..
ياسر:لا خالود عيب مش قدام المدام.. كدا هتاخد عني فكرة اني مهزق..
خالد:طاب ماانت فعلا مهزق ي حبيبي.. انت ماكدبتش...
ياسر:أين جبهتي انني لا اراها🤔🙄..
خالد:روح دور عليها بعيد عننا بقا..وبعدين انت جاي ليه اصلا؟..
سيلا بخبث:جاي يشوف هالة الحب😏..
ظهر ع ياسر التوتر قليلا.. خالد:مش فاهم..
ياسر:الحمدلله انك مش فاهم..اجي امتى يعني؟..
سيلا:ابقى تعال الساعة ٧ بليل..
ياسر:يالهووووي كتيييييييييير اووووووي كدا...
سيلا:معلشي بقا نعملك ايه.. حظك كدا..
خالد:هو انا هفضل شبه الأطرش ف الزفه كدا كتير؟..
ياسر وقد نهض من مكانه:ماشي.. خليك اطرش كدا..
كان خالد ع وشك التحدث ولكن قاطعه صوت طرق ع الباب.. فاذن للطارق بالدخول وكان عامر..عامر بابتسامه:صباح الخير ع الجميع..
الجميع:صباح النور..
خالد:شوفت الناس الي تدخل تصبح.. مش انت..
سيلا باندماج معهم:براحة عليه ي خالد دا عاشق ولهان بس..
عامر:مين؟.. دا عاشق ولهان؟.. دا حمار......
قاطعه خروج جومانا من الحمام وهي تحمل نور بين ذراعيه.. يا الله كم هي جميله وبريئة!!.. وظل ينظر إلى عيونها بهيام وهي كذلك.. خالد بخبث:وادي الحمار التاني..
ياسر:احلف😳🙄.. والله غتته زي بعض😂😂..
كان عامر ع وشك التحدث ولكن قاطعه صوت طرق ع الباب.. فاذن خالد للطارق بالدخول وكانت هالة..ارتسمت ع وجه ياسر ابتسامة ساحرة فوق الوصف من شده سعادته.. وهي قد رسمت ع وجهها إبتسامة خفيفه.. مال خالد ع سيلا قليلا وقال بصوت منخفض:حلو فيلم أحاسيس الي احنا شايفينه دا..
سيلا بابتسامه:بس والله شكلهم حلو..ربنا يهديهم لبعض..
خالد:اه والله واهو نبقى سبب اننا وفقنا ٤ رؤوس ف الحلال.. ولا ايه رايك؟.
قرر خالد قطع تلك اللحظة الرومانسيه قائلا لهالة:خير ي هاله ف حاجة ولا ايه؟..
عادت هالة الي ارض الواقع وابعدت نظرها عن ياسر مما اغاظه.. هاله:لا ابدا بس نسيت موبايلي..
أمسكته سيلا واعطتها اياه:اهو ي قلبي ماتخافيش..
أخذته هاله وقالت:ميرسي ي قلبي.. واسفه لو اتطفلت عليكم.. يالا سلام..
ياسر بلهفه:ايه ايه فين؟.. خليكي شويه..
حاول الجميع كتم ضحكته ع مظهره الولهان هذا.. هالة بخجل:مش هينفع.. عندي.. عندي شغل كتير..وكمان برضو انا لوحدي ف الشغل..
ياسر بسرعة:لو عايزه اخرجهالك دلوقتى تروح تشتغل معاكي ماعنديش مانع والله..
خالد:نعم ي روح امك.. ماتتظبط..
عامر:استنى بس دا قلبه الي بيتكلم مش عقله دلوقتى..
سيلا:المهم ان ف حاجة بتتكلم.. وبعدين ي هاله ي قلبي وزعي الشغل ع السكرتاريه كلهم..عشان ما يبقاش تقيل عليكي..
هالة بابتسامه:اوك يا قلبي.. يالا باي.. اشوفك بليل..
وخرجت من الغرفه.. اتجه ياسر الي الباب ووقف بهيام بجواره.. عامر:ودا من ايه دا لا مؤاخذه؟..
ياسر بهيام:هس بس مالكش دعوه بيا دلوقتى..
ضحكت جومانا ضحكة خفيفه ع ياسر ثم وضعت نور ع الفراش وبدأت ف إكمال تجهيزه وكان ذلك تحت أنظار عامر الهائمة..اخذ خالد ينادي ع عامر ولكن لا حياة لمن تنادي..حتي قال اسمه بصوت عالي.. عامر:ايه ي حلوف انت ف ايه؟..
خالد:اطرشت؟.. بنادي عليك بقالي ساعة..
عامر:ايوا عايز ايه يعني انت دلوقتى؟..
خالد بخبث:ايه الي جابك؟.. ولا الهوا الي رماك😏😉؟..
عامر:تعرف ان دمك تقيل.. انا جبتلك صورة من العقد اهي.. قلت اعديها عليك وانا رايح الشغل..
واعطاه الورقه.. خالد وهو ينظر اليها:حلو اوي.. بقولك بقا تعال كدا عايزك ف حوار..
تعجب عامر لانه يعلم أن مواضيع خالد دائما كارثية..اخذه خالد واتجها الي الخارج..كان يوجد ابتسامة خفيفه ع وجه جومانا ثم انتهت من تجهيز نور واتجه وجلس بجوار سيلا ثم جلست جومانا ع الفراش ولاتزال تلك الابتسامة ع وجهها..حتي قالت لها سيلا:جومانا.. ممكن اسالك سؤال؟..
جومانا:اه طبعا اتفضلي..
سيلا:هو.. هو ايه الي حصل خلاكي تاخدي.. قرار انك تتغيري كدا؟..
جومانا بابتسامه:كنت متأكدة ان دا السؤال..بصي ي سيلا انا ابويا كان مربيني ان اي حاجة بعوزها بتجيلي حتى لو مش بتاعتي.. فدا خلي حتة الطمع الي جوايا تعلا عن اللزوم.. كنت دايما اشوف ف الأفلام الحب بين البطل والبطلة وكنت ساعات اقعد اقول هو انا ممكن الاقي حد يحبني وانا كدا..لما كبرت اكتشفت ان الي بيترموا حوالين رجلي كتير بس مش حبا فيا انا.. لا حبا ف فلوس ومركز ابويا..فضلت بقا كدا لحد ماشوفت خالد.. الي شدني ليه انه ماكانش مهتم بيا ولا حاطتني ف دماغه..كان تقيل.. كنت فكراه بيرسم نفسه عليا وكدا وكنت بحاول اتقرب من نور عشانه بس للاسف لاني عمري ما اتعاملت مع أطفال ف حياتي.. فبدل ما كنت بقربه مني كنت ببعده.. وكنت ناويه اني انسحب من حياته دا بعد ما حاولت بكل طريقه.. بس لاقيته بدا يتعامل معايا كويس ويقولي كلام حلو.. قلت جايز نجحت.. بس لما جيت البيت.. يوم العلقه.. وشوفت نظراتكم لبعض.. لاقيت ف حاجة جوايا بتقولي انكم بتحبوا بعض ودا دايقني عشان كدا كنت بعاملك بالطريقه دي..
سيلا:وايه الي غير كل دا؟..
جومانا:إمبارح انا جيت عشان اسأل ياسر عن خالد..بس ماطلعتش منه بجمله مفيده.. وانا خارجة من باب المستشفى لاقيت خالد شايلك بين ايديه ودمك ع قميصه وباين عليه الخوف والقلق بدرجة رهيبه.. فضلت ماشيه ورا الترولي لحد ماانتي دخلتي اوضه العمليات.. وساعتها اتأكدت انه مش بس بيحبك لا بيعشقك.. قرأت انه الراجل عمر ما دموعه تنزل الا لحبيبته او بسببها.. مابيركعش ع ركبه من الكسرة الا لواحدة ملكت قلبه وعقله وكيانه كله..ساعتها قررت اني اروح اطمنه لحد ما انتي تخرجي من العمليات واول ما بصيت ف عيونه شوفت عشق مش بس حب.. ساعتها قررت اني اعتذرله ع كل حاجة ولو ماقبلش اعتذاري هرجع ع طول لامريكا.. لاني مااعرفش حد هنا غير خالد.. بس الحمدلله اقبل اعتذاري وساعتها قررت انه هفتح معاكم كلكم صفحة جديدة.. يمكن اعيش بجد زي ماانا عايزة..
كانت سيلا تستمع الي كلام جومانا وهي مبتسمه بسعادة لكلامها..سعيده انها قد قررت أن تكن ف الطريق الصحيح قبل فوات الأوان وقبل ان تكن إحدى ضحايا ذلك الوسط العقيم.. وكذلك سعيده لكلامها عن كيف كان خالد وهي ف غرفه العمليات..بعد أن انتهت جومانا.. قالت سيلا بابتسامة:جومانا ممكن طلب؟..
جومانا:اه طبعا اكيد..
سيلا بابتسامة:ممكن اخدك بالحضن؟..
تعجبت جومانا من ذلك الطلب ولكنها وافقت.. اتجهت جومانا إليها وقامت سيلا باحتضانها باخوة وسعادة وقالت:من النهارده انتي مش لوحدك.. انا معاكي وبجد مبسوطة اوي انك هتبقى اختي..
ضمتها جومانا بسعادة وقالت:تعرفي ان دي اول مره يبقى ليا اخت واول مرة احس بالحب والدفا دا..
كانت سيلا ع وشك التحدث ولكن قاطعها دخول كلا من خالد وعامر.. وتعجبا عندما وجدوهما يحتضنان بعضهما هكذا.. ابتعدتا عن بعضهما البعض بهدوء..قال خالد بتعجب:ودا ايه أصله دا؟..
سيلا بابتسامة:ايه؟..بحضن اختي.. فيها حاجة؟..
ابتسم خالد ابتسامة ساحرة لتاكده ان الامور أصبحت الان جيده بينهم وقال بابتسامة:لا ي قلبي مافيش حاجه.. احضني براحتك..
عامر بتلقائية:مش براحتك اوي يعني..
شعرت جومانا بالخجل عندما قال ذلك..وعندها أدرك عامر ما الذي قاله وظهر عليه بعض التوتر.. سيلا بخبث:الله.. وانت مالك بقا ي سيادة الرائد؟😏..
عامر بتوتر:ايه مالي.. ما ماليش.. انا تمام اهو..
خالد وقد جلس بجوار سيلا:تصدق صدقتك..وبعدين انت مش وراك شغل.. يالا بقا روح شوف شغلك..
عامر:رايح ي خويا اهو.. ارتاح بقا..
خالد:مرتاح ي خويا وماتنساش الي اتفقنا عليه..
عامر:تمام.. يالا سلام..
وخطف نظرة سريعة الي عيون جومانا التي كانت تنظر له بخجل تشعر به للمرة الأولى.. ثم غادر الغرفه..شعرت جومانا انه من اللائق تركهم بمفردهم..فاخذت نور بحجة انها ستشتري له بعض الأغراض وذهبت.. والان هما ف الغرفه بمفردهم..كانت سيلا تشعر بالخجل ولكنها تخلت عنه وقالت:خالد هو.. هو انت ناوي تعمل ايه؟..
خالد وقد فهم مقصدها:هربيهم بس..
أمسكت سيلا بيده وقالت:خالد ممكن عشان خاطري تبعد عنهم ومالكش دعوة بيهم..وكويس انها جت على قد كدا..
ضغط خالد ع يدها برفق حتى يشعرها بالأمان وقال لها بصوت حنون:ي حبيبتي لازم يتعاقبوا ع الي عملوه دا عشان مايفكروش يعملوها تاني..لازم اوريهم انا اقدر اعمل فيهم ايه كويس..
سيلا:طاب ممكن ماتعملش حاجة ف ماما ولا ف حبيبه؟.. انا عارفه انك هتستغرب بس ف الاول وف الآخر دي امي ودي واحدة ف يوم من الايام كانت صاحبتي واكلت معاها عيش وملح.. ممكن؟..
لم يكن خالد سيفعل لهم شئ.. فهو يحبس هشام فقط..ولكنه طبع قبلة حب رقيقة ع راسها وقال:ممكن ي عمري.. يالا بقا عشان ترتاحي شويه..
وبالفعل اتجهت سيلا الي الفراش وغطت ف النوم ويديها بين يديه.. مر باقي اليوم عاديا جدا ولكنه بالطبع لم يخلوا من نظرات ياسر لهاله ولا عامر لجومانا..بينما ف اليوم التالي.. خرجت سيلا من المستشفى بعد أن تأكد ياسر انها بصحة جيده تسمح لها بالخروج.. صعدت سيلا الي سيارة خالد وكان نور ف المقعد الخلفي وكان الصمت هو سيد الموقف.. حتى قرر خالد ان يقوم بتشغيل الراديو ليكسر ذلك الصمت..وظل يتنقل بين القنوات حتى جاء الي مسامع سيلا موسيقى اغنيه (مش فارق) للمطرب رامي صبري والتي تحمل معها إحدى الذكريات المؤلمة لسيلا .. فقالت:خالد ممكن تسيبها؟..
وبالفعل تركها خالد وظلا يستمعان لها وكانت سيلا بين الحين والآخر تخطف نظرة الي خالد..