عايزه تقربي لربنا ف الكتاب هنا 😍عايزه وصفات شعر وبشره بردوو ف الكتاب ده😇

"للكسلانين فقط" !

.
البوست دا لمين ؟

--للي مفيش في حياته أيّ إنجاز على الإطلاق وعمره بيجري منّه ومش عارف يعمل إيه.
-- للي يومه بينتهي من غير أيّ حاجه مفيده خالص.
--لكلّ واحد حسّ ان السنة بتخلص   ومعملش فيها الهوا.
--باختصار " للكسلانين وبس " 😂
.......التسويف والمماطلة والكسل.......
والمشاكل اللي من النوع ده انا شخصياً شايف ان المشاكل دي  بتيجي من
{المرقعة} وخصوصا المرقعة الفارغة
أنا ليه بتمرقع مرقعة فارغة ؟!
بتتمرقع عشان انت
1-مستهتر :عشان استهتارك الزائد بالامور ببساطة شايف ان الحاجة الي انتا مطالب بيها تافهة
_فيها إيه كتاب 300 صفحة_ اذاكره في يوم _عقلك المرقوع المماطل بيقولك كدا_
بتتضحك ع نفسك وتوهم نفسك بتفاهة وقلة الاشياء الي مطلوبة منك وبالتالي بتاجلها وتسوفها وتطنشها و. و. و. ياكسول/ة  😂
..
2-مغرور : ممكن تكون مدرك ان الحاجة الي قدامك صعبة بس حضرتك شايف نفسك بروفشنال والي ما فيش منه اتينين _والي دهن الهوا دوكو 😅_
فبالتالي تقول خلاص انا هعملها براحتي
اتمرقع الاول وبعدين اعملها في الوقت الضايع _ ما انتا واد بروفشنيال وفاكر نفسك الأهلي  _ وشايف نفسك هتعمل اي حاجة صعبة بسهولة عشان المعلومات الي عندك

3-بتنيم ضميرك: من أهم الاسباب الي بتولد المرقعة عندك  تنييم الضمير وترييح البال وتضحك ع نفسك بكلام زي دي 👇
انا ماليش ذنب
صاحبي هو الي عمل كدا
وتنيم ضميرك بكل سبب وطريقة ممكنة عشان الفترة تعدي بسلام داخلي عليكي 
.. دي الاسباب الأساسية للمرقعة 😅
وده ما يمنعش ان في اسباب ثانوية زي القاء اللوم عالاخرين وتضيع الوقت والسوشيال ميديا وعيرهم بس وقت البوست ما يسمحش ان اتكلم فيهم

نتكلم عن شوية أمثلة بقا  _عشان لو كنت شاكك في نفسك مرقوع ولا لاء_ 😅

             من الامثلة الحية للمرقعة الفارغة 
شاب فى منتصف العشرينات، مشي من شغله اللى كان فيه والمفروض انه هايروح يتقدم لواحدة.. بدل ما يُفرك ويقطع نفسه انه يدوّر على شغل، فضّل انه يهدى اعصابه من الضغط ويروح الجونة او شرم او اى حتة من الحتت الحلوة دى لمدة شهر.. اه والله  شهر بيهدى اعصابه
‏
‏مرقعة دى ولا مش مرقعة

فتاة برضه فى العشرينات.. قاعدة ليل نهار بتدور على شغل.. اى شغل، ولما يجيلها شغل كويس بمرتب محترم وهى لسه متخرجة تقرر انها مش هو ده اللى عايزاه.. هى عايزة حاجة تانية، إيه هى بقى؟ هى نفسها مش عارفة هى عايزة إيه.

مرقعة دى ولا مش مرقعة؟

   مرقعة الشغل برضه هى هى فى كل حتة، نفس الرحرحة نفس الـ"اوف بقى انا ماليش مزاج اشتغل انهاردة" "أنا حاسس انى مكانى مش هنا.. المفروض ابقى موجود فى مكان احسن".. مكانك مش هنا فعلا.. إنت مكانك فوق مرقعة المرفهين بقى دى اللى بتفقع المرارة.. "بابى جابلى هامر بدل مينى كوبر اللى كنت طالباها".. الشغالة الفيلبينية مش بتنطق الإنجليزى صح!

المذهل فى المرقعة دى، إنها إسطمبة واحدة وماشية مع الناس كلها، يعنى المرقعة العاطفية معروفة بكلامها بسيناريوهاتها يعنى مثلا الجملة الشهيرة بتاعت "المشكلة مش فيكِ! المشكلة فيا انا! انا اللى مش فاهم نفسى ولا فاهم مشاعرى!".. إحلف كده؟ بجد والله مش فاهم نفسك؟ حظ اوفر المرة القادمة!

طب انا اكتشفت دلوقتي اني بتمرقع... اعمل إيه  بقا ؟!

لازم تواجه ال3 اسباب الي قلنا عليهم فوق بالمواجهة العكسية الي تهزمهم
‏3 طرق برضه
‏1- الجدية _ يعنى تكون بطل في نفسك كدا ومش مستهتر ومش مقلل من شأن اي حاجة وتدي كل حاجة حقها وتعرف ان ربنا بيجازي عالسعي والجهد مش عالسهولة ويسر الشيء
‏يعني حتي لو الشيء سهل لازم تتعب في تحصيله
‏_يعني حضرتك واد بروفشنيال في الفسيولجي _ والكتااب فاهمه مع نفسك ما فيهاش حاجة لو حضرت للدكتور حتي لو هيبقي تحصيل حاصل
‏2-قولنا السبب التاني إيه  الاغترار
يبقي لازم تعرف انك مهما تعلمت فانت لسه قداامك كتير ومهما بلغت قدراتك فأنت ضئيل _ وفي فرق بين تقليل الشأن  وده غلط مش قصدي عليه _ وبين التواضع والادراك انك لسه قدامك كتير تتعلمه في حياتك واختم رقم ٢ بقول الامام الشافعي _عليه رحمة الله_
العلم ثلاثة أشبار
من أخد الشبر الأول  تكبر
ومن أخذ الشبر الثاني تواضع
ومن اخذ الشبر الثالث علم أنه لم يعلم شيء
والامام الشافعي ليه كلام في الموضوع ده يحسسك انك نكرة _لانه برغم علمه كان يقول عن نفسه أنه لم يصل وما زال امامه الكثير ليتعلمه و. وو. وهكذا_
رقم 3 عشان طولت وايدي وجعتني من الكتابة
ايقاظ الضمير
خلي ضميرك صاحي علطول خلي في إحساس بالذنب والتقصير عشان تشتغل خلي نفسك اللوامة شغالة عليك اربع وعشرين ساعة واشتغل بضمير حتي في المذاكرة
سيبك من ان يكون اسمك ذاكرت 100 صفحة في اليوم واستوعبت 10
لاء ضميرك لو صاحي هيقولك انتا ذاكرت 10 صفح ولازم تعوض النقص ده
انما لو ضميرك نايم هيقولك الله ينور يابطل خلصت ال100 صفحة في ما فيش
تتمرقع باقي اليوم باقي كجايزة ليك
وفيه فرق بين ان ضميرك يبقي صاحي وانك تجلد ذاتك..... بلاش تخلط بينهم عشان ما تتعبش

الخلاصة فى كل ما قرأته او كل ما ستراه من مواقف مرقعة فى حياتك.. ان يا عزيزى كلنا متمرقعين، بطريقة او بأخرى.. ودى حاجة مش عيب! بالعكس! على الاقل هتبقى عارف انت بتتمرقع فى إيه.. وقواعد المرقعة الفارغة دى هتعلمك تتمرقع على مين عشان مايبقاش شكلك وحش.. هو كتاب وماشيين عليه، الجدع اللى يبتكر ويفكر فى قاعدة جديدة يكتبها بإسمه فى كتاب المرقعة وإحنا نصقف له ونقول له "يابن اللعيبة!! حلوة دى!".
لأحمد شوقي
ما صباح الفل عليكم بقا  💙😁