عايزه تقربي لربنا ف الكتاب هنا 😍عايزه وصفات شعر وبشره بردوو ف الكتاب ده😇

انت بتكره نفسك

عشان تنجح في أي حاجة لازم تكون واثق من نفسك بس للأسف كتير مننا بيواجه مشكلة انعدام الثقة بالنفس
اللي هو انا مش هقدر أعمل حاجة
انا مش هنجح أنا ضعيف انا ما عنديش إمكانيات بس بعد البحث والتمحيص وصلت لان في 8 حاجات بيخلوك مش واثق في نفسك
لو قدرت تتغلب عليهم حليت معظم مشاكلك الجاية

1- انت بتكره نفسك

أيوة أكبر حاجة ممكن تأذيك هي انك تكون أول واحد بتكسر نفسك أول واحد بيقطع طريق الوصول انك بدل ما تواجه الناس المحبطين ، لاء بتكون  سند ليهم ضد نفسك
انك تعاتب نفسك وتكسر مقاديفها وتجلدها على أقل تقصير
شعور الاحساس بالذنب من أقل غلطة واحتقار قيمتك
باختصار لما تكون انت أول المحبطين لنفسك ما تستناش انك تنجح
طب ازاي اتغلب على المشكلة دي؟

بانك تغيير حوارك الداخلي عن نفسك،  بانك ترد على  الصوت السلبى ده بردود إيجابية.بانك تسامح نفسك عن أخطائك.بانك تتحدى معتقداتك السلبية عن نفسك.

2-عاوز تكون مثالي

المثالية والكمالية هي واحدة من أكبر المشاكل اللي بتكون سبب تدمير احترام الذات. انك شايف عاوز تبقي شخص ما فيش فيه غلطة وما بيغلطش ولا هيغلط

طب ازاي اتغلب على المشكلة دي؟

- بانك تحدد توقعات واقعية لنفسك، وتفكر بوعي ازاي ان أهدافك قابلة للتحقيق وتفتكر دايما أن الحياة بشكل عام مش مثالية ومش هتحقق فيها الكمال.

3- أنت بتكره جسمك

في الغالب صورة الجسم السلبية بترتبط بضعف الثقة بالنفس والعكس صحيح، وده بيبقي ليه تأثير كبير وواضح في الانتاجية بتاعتك والتقدم وكل ما منت راضي عن جسمك وشكلك وبتحاول تكون أفضل كل ما كانت انتاجيتك أكبر وتقدمك اكتر .

طب ازاي اتغلب على المشكلة دي؟

- بانك تتجنب مقارنة نفسك بالآخرين، لأن المقارنة بتسرق الفرحة لان اكيد هتشوف الأفضل منك، وكمان المقارنة بتكون سبب في انعدام الأمن،
- ولازم برضه اتقبل أن كل شخص مختلف عن التاني
- واخر حاجة اعرف نقاط قوتك فين.
_بس كدا ؟
= لاء طبعا
لازم كمان
-تمشي علي نظام غذائي صحي ولازم تمارس التمارين الرياضية اليومية لأن دا هيساعدك على تحسين مظهرك وفى نفس الوقت إطلاق هرمونات الأندورفين، وهي هرمونات تشعر الجسم بالراحة.

-وما تنساش تعتني بمظهرك لان ده هيفرق.

4-  أنك تفكر أنك ليس لك فائدة أو قيمة
كلنا بنشك في قدرتنا في بعض مجالات حياتنا، لكن الشعور العميق بانك ما لكش فايدة او ما عندكش موهبة او انك عالة عالمجتمع ووجودك زي عدمه
الشعور ده بالتحديد مش هيخليك تتقدم خطوة

طب ازاي اتغلب على المشكلة دي؟

ياحبيبي تقبل أن كل شخص له موهبة معينة ربنا ميزه بها 
.بطل تفكر أن الآخرين أفضل منك.
أنت المسئول عن طريقة معاملة الناس لك.
ببساطة : لك حاجة في هذا العالم فقم

5-  أنت شخص حساس للغاية

الحساسية الزيااادة والزعل من أقل الشيء والتذمر من أقل كلمة
مشكلة هتتدمر ثقتك بنفسك، انك تاخد اي انتقاد بانه او اي وصف سواء صح او غلط علي صدرك وتعمل بيه وتحطه قدامك 24 ساعة بتفكر فيه وازاي الكلمة اتقالت يبقي انتا كدا مع السلامة .

طب ازاي اتغلب على المشكلة دي؟

بص ياجميل لو كان النقد ده غير حقيقى حاول أن تدافع عن نفسك ولو الشخص اللي قدامك مصر على كلامه امشي وسيبه وارمي كلامه ورا ضهرك ؟
طب لو كنت شاكك أن النقد ده فيه شيئ من الحقيقة  ..تعمل إيه ؟
لازم تاخد  الانتقادات دي على محمل الجد وتجرى تغييرات علي نفسك  للأفضل. امضى للأمام ولا تفكر فيما قيل واستمر فى تحسين نفسك.

6- الخوف والقلق

الخوف والاعتقاد بأنك عاجز عن تغيير أي شيء في عالمك هيسببلك مشكلة عدم احترام الذات والقلق من المستقبل وانك تشيل الهم قبل وقوعه ده هيشيبك بدري.

طب ازاي اتغلب على المشكلة دي؟

لازم تقدر تمييز بين المخاوف الحقيقية والأفكار الي ما لهاش أساس
لازم تدعم ثقتك بنفسك  من خلال مواجهة مخاوفك،
ارسم هرم الخوف ، وحط أكبر مخاوفك في الأعلى ومخاوفك الصغيرة في الأسفل.

7- الشعور بالغضب

الغضب هو عاطفة عادية عند كل الناس ، لكن المشاعر تتشوه امتا ؟
لما يكون  تقديرك لذاتك قليل او معدوم ، لما ما تفكرش في نفسك ، لما تحس ان أفكارك ومشاعرك مش  مهمة للآخرين، الأذى والغضب المكبوت لو اتراكم جواك هيشوه مشاعرك هيخليك منفعل من أقل الشيء  هيخليك شكاك هيخليك حساس هيخليك ما تثقش في حد  ولا حتي نفسك هيخليك تكره نفسك فبلاش تشوه مشاعرك ،

طب ازاي اتغلب على المشكلة دي؟

-اتعلم ازاي تبقى هادئ، اقرأ كتب في النقطة دي اتفرج علي فيديوهات عن الحتة دي خد دورة أون لاين عن ازاي توصل للنقطة دي ومن وجهة نظري افضل طريقة للتغلب عالمشكلة دي هي انك ما تسبش مشاعرك لحد ما تنفجر

-اتعود عاالاسترخاء واتدرب عاالتنفس العميق عشان تقلل معدل ضربات قلبك

8- إرضاء الآخرين على حساب نفسك

واحدة من أكبر المشاكل مع انخفاض الثقة بالنفس هي ان تجري ورا إرضاء الآخرين على حساب نفسك.

طب ازاي اتغلب على المشكلة دي؟

-اتعلم ازاي تقول لا:
-  قيمتك مش متوقفة علي موافقة الآخرين - لان اللي هيحبك هيحبك لشخصك مش عشان اللي بتعملهوله

-نصيحة لازم تبقي أناني في بعض الأحيان: أو على الأقل فكر في احتياجاتك للتغيير.
-وحط حدود للآخرين.
-.....ولنا في الحديث بقية
-سالفل عليكم  ☺💙