مع انك بتتقي الله قدر امكانك وبتحافظ ع الطاعات وبتدعي و..و.. بس الموضوع طول اوي .. وانت نفسك تفهم فيه ايه .. انا ماشي صح ولا غلط .. اكمل ولا اعيد ترتيب اوراقي ؟!
طيب خليني اقولك ان من حكمة الله في اختبار صدق عباده في الصبر وحسن الظن فيه انه يخليك تقابل الابتلاء بعد الابتلاء .. لدرجة انك تلاقي انها بتضيق اكتر على الرغم انك لجأت لله واستعنت بيه .. مع ذلك تلاقي النتيجه ان الموضوع بيزيد ضيق والابتلائات عددها بيزيد ! فتسأل نفسك هي جت معايا بالعكس ولا ايه ؟!
لكن الموضوع على فكره مش كدا الموضوع ان الاختبار ابتدا ولو نجحت بصبرك وحسن ظنك وثباتك فيه ف اخره جايزه عظيييمه جدا على قدر صبرك .. "ركز في على قدر صبرك"
للاسف ناس كتير ما بتفهمش دا وبتسيب طريق الصدق واللجوء اللي مشيت فيه مع الله وبتفشل ف الاختبار وقله هما اللي بيفهموا اثناء الابتلائات المتتاليه دي والضيق اللي بيزيد عليه ان دا اختبار صدق وحسن ظن وقلبهم ياخدهم لفكرة ان اكيد الجايزه اللي ربنا كاتبهالي كبيره عشان كدا الاختبار اصعب واكبر !!
عشان كدا لما تلاقيها بتضيق اكتر اعرف انك ف اختبار مع الله وانك لو نجحت هاتلاقي مكافئه كبيره جزاء صبرك واسمع بقا المبشرات دي بالفكره دي وراجع كدا مقصد الايات !
"الم (1) أَحَسِبَ النَّاسُ أَن يُتْرَكُوا أَن يَقُولُوا آمَنَّا وَهُمْ لَا يُفْتَنُونَ (2) وَلَقَدْ فَتَنَّا الَّذِينَ مِن قَبْلِهِمْ ۖ فَلَيَعْلَمَنَّ اللَّهُ الَّذِينَ صَدَقُوا وَلَيَعْلَمَنَّ الْكَاذِبِينَ"
لازم تتعرض لفتنه عشان يختبر صدق ايمانك بالله وحسن ظنك فيه !
"وَلَنَبْلُوَنَّكُم بِشَيْءٍ مِّنَ الْخَوْفِ وَالْجُوعِ وَنَقْصٍ مِّنَ الْأَمْوَالِ وَالْأَنفُسِ وَالثَّمَرَاتِ ۗ وَبَشِّرِ الصَّابِرِينَ" هاتبتلى فاصبر وجزائك عند ربنا العظيم الكريم اللي خزائنه ملىء بشرك بيه !
واسمع بقا بشرى يوسف اللي ابتلي ابتلاء عظيم ف اخواته والقي ف البئر وبعد عن ابوه وامه عمر طويل والقي بعدها ف السجن ثم اصبح جزاء صبره وحسن ظنه بعد دا انه بقا عزيز مصر جزاءا ليه ! ويقولك عشان تتعلم من بعده معنى مهم ان كل ما طال الابتلاء وعظم المصاب كل ما كانت مكافئة الصبر عليه اكبر واعظم لما قال "إِنّهُ مَنْ يَتَّقِ وَيَصْبِرْ فَإِنَّ اللَّهَ لَا يُضِيعُ أَجْرَ الْمُحْسِنِينَ" اللي انت عملته مش ضايع والله يضيع ازاي وهو عند الكريم الجواد الشكور ..!
واخيرا افتكر ان على قدر صبرك على عظم الابتلاء ربنا بيعطيك عظم الجزاء بزياده لا تتوقع اد ايه هاتدهشك لانه الكريم الشكور يعطي على قدر عظمته ولو راجعت تاريخ الانبياء ومن بعدهم الصحابه وحتى ناس حواليك في زماننا هاتلاحظ دا جدا
لعل فهمك لحكمة ربنا دلوقتي خلاك تثبت اكتر وتفقه فتكون اقوى في مجابهة الابتلائات وجهاد نفسك .. ولعل غيرك محتاج الكلام دا فرجاءا علق باي ذكر لله وارفع البوست لغيرك ومنشن حد مهموم ومش فاهم الحته دي وشييير على اوسع مدى لعل بيها ربنا يفرج همك 👌❤ ~ !
منشن حد محتاج الكلام دا .. شير .. كومنت بذكر الله وارفع البوست وفرج عن اخوك همه فرج الله همك 😊
- احمد حسني
#كَبسولات_أخلاقية 🌻
أنت تقرأ
عايزه تقربي لربنا ف الكتاب هنا 😍عايزه وصفات شعر وبشره بردوو ف الكتاب ده😇
Historia Cortaف الكتاب ده بوستات تحفيزيه تنميه بشريه وصفات للجسم والبشره وكمان بوستات دينيه كل حاجه ان شاء الله هتلاقيه ف الكتاب ده #البوستات انا جمعتها مش انا إللى كتبتها للأمانه لما اكتب شئ هقولكم انى انا إللى كتباه طب عامله الكتاب ده حاجات عجبتنى وافادتنى وحب...
