عايزه تقربي لربنا ف الكتاب هنا 😍عايزه وصفات شعر وبشره بردوو ف الكتاب ده😇

نحط البوست ده في برواز " 🌸

"

في مقولة حلوة حلوة اوي بتقول "أنما يجد المشقة في المألوفات والعوائد من تركها لغير الله أما من تركها صادقا مخلصا من قلبه لله فإنه لا يجد في تركها مشقة إلا في أول وهلة ليمتحن أصادق هو في تركها أم كاذب، فإن صبر على تلك المشقة قليلا استحالت لذة‏"

يعني ببساطة خالص لو هتعمل عشان الناس هتبقي هم علي قلبك  انما لو هتعمل الحاجه لوجه الله ربنا هيعينك وهتلقيها سهلة ولو قبلت صعوبة هتبقي في البداية بس عشان ربنا يختبر صدق ايمانك فلو صدقت يتحول المشقة لسعادة😊

وأنك محال تترك شئ لله الا وربنا يعوضك اللي احسن منه ده حقك علي الله بس برضه لزم تفهمي ان العوض ده بيختلف واعظم وافضل عوض هو الأنس بالله ومحبته وطمأنينة القلب به وقوته ونشاطه وفرحه ورضاه عن ربه تعالى‏😍

المقولة دي فكرتني بــ اول مرة اغطي شعري كنت بعيط ومخنوقه اوي وكاره الموضوع وكانت امي مصممه عليه فكانت اسواء ست ساعات في حياتي هما ساعات الدراسة او وقت الخروج مع اني كنت بفرح جداا لما اغطي شعري وقت الصلاة او اشوف قريبي الكبار مغطين شعرهم بسانا عايزة اخرج يشعري اروح المدرسة بيه! وطبعا مكنش ينفع لاني في الوقت ده كنت بلغت خلاص "لزم نعود بنتنا علي الحجاب خطوة خطوة ونحببهم فيه " اشوف نفسي من غير الحجاب الله البس الطرحه ابقي يع قوي خصوصا ان وشي صغير وأنفي طويل شويتين ومكنش في حد معايا يعلمني الفه أزي فبعد ماكنت فرحانه بنفسي بقا خروجي من البيت حاجه صعبة اوي👌

في الوقت ده كان ليا صاحب متربين مع بعض من واحنا في حضانه " وده طبعا غلط ومش من الدين في شئ" بس ربنا يكرمه قالي بصي البسيه عشان أنتي عايزة ده و عشان ده الصح طول ماانتي لابسه عشان مامتك فأنتي مش لابسه اصلا! وبقا يديني جيرسي كل مرة اروح بيه المدرسة وانا فرحانه وبضحك ..

ولبست الحجاب صح كان حته طرحه صغنونه كدهون بس لبسته وثبت عليه ومبقتش اخلعه قصاد حتي قريبي الشباب،لدرجه اني خربشت واحد فيهم بالسكينه في ايديه وضوافري رسمت خريطة العالم في وش التاني عشان استظرفوا وشدوا الطرحه من علي شعري والكل بقا مستغرب حصل  ايه ومالها دي! بقا الحجاب أحب الاشياء لقلبي والله ورغم اني بنوته وجلبت علي حب الزينه والاطراء لكن سبحان الله ربنا كان بيهدي لي نفسي بسرعه افتكر ليالي كتييير كنت ببكي فيها واكلم ربنا واقوله انت اللي عالم لو سبت نفسي لنفسي هضل واضيع يارب قويني علي نفسي عايزة البس زي البنات عايزة ابقي حلوة يارب عايزة ابان للناس واللي كان مصعب عليا الامر اني اتنقلت من بلدي في الثانوي فمكنش ليا اصحاب يقويني ولما رحت الجامعة اتكفيت علي بوزي تاني وقصرت الطرحه بس رجعت لنفسي سريعا صحيح اتنقلت بين طرحه صغنونه لخمار للنقاب 👑♥️

قيسوا علي كل فتن حياتنا نفس الكلام ..
صحيح الامر مش سهل صحيح الفتن والذنوب دايما لابسه توب جميل صحيح القرار دايما صعب بس لو سلمت نفسك لله وعملت الامر لله هتشوف بعيون قلبك وعيون القلب محال تضلك ادعوا ليا معاكم بالثبات نفسي وربنا يثبتنا جميعا  يارب
- منقول🌸