عايزه تقربي لربنا ف الكتاب هنا 😍عايزه وصفات شعر وبشره بردوو ف الكتاب ده😇

"إزاي أبدأ/How to start"

لطلبة الثانوي والجامعات ولأي طالب ف أي مجال..نصايح مهمة ومصادر ومعلومات عن ازاي تبدأ في اي مجال معين او تحقق أحلامك..
ازاي ابدأ وخصوصا لو كانت حياتي ادمرت والماضي بتاعي سلبي

وأنا بقلب انهاردة عالنت قرأت مقولة جميلة جدا ومعبرة جدا ل"تاشا روبو"  بتقول فيها
"ترك الماضي خلفنا قد يكون أمرًا شاقًا لأننا اعتدنا العيش بالطريقة الحالية وأي تغيير يمكن أن يكون مخيفًا.إذا كان ألم الوضع الحالي يتغلب على خوفك من التغيير، يمكنك وضع بعض الجهد لبدأ حياة جديدة. لن تحدث التغييرات في ليلة وضحاها لكن بتحمل المسئولية وبذل بعض الجهود سيمكنك تغيير حياتك ومكانتك."
وبعد ما قرأت قلت لازم اكتب بوست عن التغيير وازاي تبدأ
البوست هيكون 3اجزاء
كل جزء فيه خطوة هتفرق معاك جدا 

جزء 1 من 3:
.......(اشتغل على انك تخلق مستقبل أفضل ليك).......
_طب ازاي ياعم احمد ؟!
....صلي على رسول الله وخش معايا على رقم واحد .....

1 حط أهداف لنفسك.  ولو ما بتعرفش يبقي تعمل اللي هقولك عليه دلوقتي
تفكر الحاجات اللي عاوز تحققها عشان مستقبلك يبقي أفضل من دلوقتي ومن ظروف ماضيك اللي انتا عشته .و اكتب أهداف واضحة وموجزة تقدر  تحققها. يعني تتأكد أن أهدافك واقعية ومحددة وقابلة للقياس ومحددة بوقت وقابلة للتحقيق.ودول شروط تحقيق الهدف

وما تنساش برضه تحط اعتبارك الحاجات اللي انتا مش عايزها في حياتك.لانه هيفرق معاك
نسيت أقولك ع حاجة مهمة
اشتغلمل على هدف واحد في كل مرة.ما تشتغلش علي اكتر من هدف لانه هيوقفك وهيحسسك بالاحباط والبطء
واخر نصيحة في الهدف  ودي عشان بحبك
قسم أهدافك إلى خطوات صغيرة  ده هيساعدك على إنجاز أهدافك بمرور الوقت.

2 جمع لنفسك نظام دعم. فكر في الأفراد اللي بيأثروا في حياتك تأثير كويس ويساعدوك على تحقيق أهدافك. إ
لو هتروح مكان جديد ما تعرفش فيه حد _ زي الجامعة مثلا_، فلازم تحافظ على تواصلك مع أصحابك بتوع زمان و في نفس الوقت تحاول  تكسب ناس جديدة كويسةيسندوك تكمل المسيرة . اتمسك بعيلتك اللي أظهروا حبهم ودعمهم ليك في الماضي. غذي علاقتك بهم ونميها، كن صادقًا وودودًا وجديرًا بالثقة
نظام دعمك ممكن يبقي فيه أفراد ذوي سلطة وخبرة زي معلمك. اطلب نصيحتهم واتبعها ونفذها لو كنت بتثق فيهم . تواصل زي ده هيساعدك في المستقبل لما تستقر حياتك وتحتاج  توصية للتقديم في وظيفة أو للالتحاق بالجامعة.

3 اتجنب الأفراد السلبيين. اتجنب الجلوس مع الأصدقاء اللي ليهم تأثير سلبي في حياتك. عشان لو الصحاب دول مش بيحاولوا يغيروا من نفسهم ويبدوأ من جديد زيك ، هيحاولوا يوقعوك ويحبطوك عشان تفضل جنبهم وما تتقدمش خطوة عنهم
وعشان تقدر تتخلي عن أسلوبك القديم في الحياة. لازم تتجاهلهم وتركز على تحسين حياتك.
وبرضوا لازم تسد فراغهم بناس تتكلم معاهم  ويقدمولك الدعم خلال المرحلة الانتقالية اللي في حياتك دي.

4 اتعامل مع الأمور بشكل يومي واعتيادي . واتأكد أنك تأخذ خطوات يومية في طريق تحقيق أهدافك. في بداية كل يوم، فكر كويس في جدولك انهاردة إيه الحاجات اللي لازم تعملها . وإيه اللي انتا محتاج تعمله وتنفذه انهاردة، وقيًم يومك، ايه هو التقدم اللي حققته واالي انتا وصلتله؟ مش ضروري  تنجز كل الأمور اللي رتبت لها، المهم هو أن تستمر في المحاولة.

وخليك فاكر وعارف
" لن تستطيع تغيير الأمور إلى الحالة المثالية بين ليلة وضحاها"
الموضوع عايز مجاهدة ومعافرة وأيام وسقوط وفشل ونجاح ومقاومة وليلة زرقا سعادتك... ما هو لو كان سهل كان فعله الجميع 😂

5 انت اللي معاك زمام المسئولية. انت صاحب السلطة والاختيار
ليك تحكم مباشر في أفكارك ومشاعرك وسلوكك وحياتك.خذ خد قرار واضح علي أساس أهدافك . اختار الخطوة الجااية بنشاط.

مش مهم مين اللي كان مسئول عن اللي حصل في حياتك في الماضي،
المهم انك انتا المسئول عن تحسين الحاضر والمستقبل بتوعك.
انك تفضل مكانك وترمي اللوم علي فلان وعلان في اللي حياتك وصلتله أمر سهل وبسيط بس ما تستخدمش الناس حجة عشان تستمر في عيش الحياة البغيضة اللي  مش هترضيك .
...
كنت ناوي انزل ال 3 أجزاء مع بعض بس بصراحة حسيتهم كتير وهيبقي ملل ليكم
فقلت أنزله علي فترات
لو عاوز ال الجزئين اللي فاضلين يوصلوك سيب كومنت وما تنساش تمنشن لرفيق الدرب  وتقولي رأيك م الاخر  ☺😉💙💙