عايزه تقربي لربنا ف الكتاب هنا 😍عايزه وصفات شعر وبشره بردوو ف الكتاب ده😇

هو طويل بس لازم تقرأيه :

صحيح هتوبي إمتى بقى عن علاقات الحب الحرام 💔 ⁉
هتقولي :
بس أنا عارفة بنات كتير اتجوزا عن حب وعايشين سعداء ومبسوطين !

هقولك :
مين قال كده ؟؟
مين قاللك إن اللي اتجوزوا كدة سعداء .؟؟
ظاهرياً ممكن آه يكونوا سعداء ؛ لكن أسرار البيوت لا يعلمها إلا الله ..
ومحدش بيحب يبان ناقصه حاجة قدام الناس ..😒

وعلشان تتأكدي إنهم مش سعداء ..عايزك تجاوبي بنفسك وبكل صراحة على الأسئلة دي :
تفتكري إن اللي عصت ربنا علشان الجواز ربنا هيباركلها ويخليها سعيدة ؟
تفتكري ربنا هيساويها ببنت عمرها ما صاحبت ولد ولا قالت لولد بحبك ⁉

أكييييد لأ .. مش هتتساوى🚫 !
شوفي وتأملي في قول الله تعالى :
(أَمْ حَسِبَ الَّذِينَ اجْتَرَحُوا السَّيِّئَاتِ أَنْ نَجَعَلَهُمْ كَالَّذِينَ آمَنُوا وَعَمِلُوا الصَّالِحَاتِ سَوَاءً مَحْيَاهُمْ وَمَمَاتُهُمْ سَاءَ مَا يَحْكُمُونَ)[الجاثية:21] ..

🌠تفتكري إنك حتى لو اتجوزتيه هترتاحي.
لما تفتكري إنك فى يوم من الأيام أغضبتي ربك ملك الملوك علشان ولد مخلوق ضعيف ؟؟ معتقدش أبداً إنك هتكوني مرتاحة.!

👑هتقولي :
بس الصراحة أنا خايفة لو مكلمتش ولاد ومحبيتش إني أعنس ومتجوزش !

⛵هقولك يا أختي :
الزواج قسمة ونصيب، الزواج مقدر ومكتوب، والنبي ﷺ بيقول :
( كتب الله مقادير الخلائق قبل أن يخلق السموات والأرض بخمسين ألف سنة ).. رواه مسلم

🍥خايفة على رزقك ليه بقى ؟؟
لو ربنا كاتبلك الزواج هتتزوجي وزوجك هيجيلك لحد عندك ولو كنتي فوق القمر !
لآآآازم تتيقني إن الزواج رزق من ربنا .. ومفيش حد عاقل في الدنيا بيعصي الرزاق علشان ياخد الرزق 😃

متستعجليش الرزق بالحرام ، وخليكي واثقة وعندك يقين في رزق ربنا لكِ .
هتقولي :بس أنا صبرت كتيـــــــــــــر، وحاولت كتير إني مغضبش ربنا بس غصب عني برجع وأقع، نفسي زي أي بنت أحب واتحب !

😢كل لما أروح فرح أو أشوف اتنين ماسكين إيد بعضأو أصحابي يحكولي عن مغامرتهم مع اللي بيحبوهم ،
💔قلبي بيضعف وببقى هموت وحد يقولي كلمة حلوة، نفسي أتجوز بقى علشان أرتاح 😞

هقولك :
ومين قالك إن اللي اتجوزوا إرتاحوا ؟
إنتي عارفة هترتاحي إمتى ؟
😊لما يكون قلبك راضي بقضاء ربنا وتكوني متأكدة إن ربنا أعلم باللي فيه الخير ليكي، ويريد ليكي الخير في جميع أحوالك،

📄وصيتي ليكي : الصبر ثم الصبر ثم الصبر..

👑هتقولي :
مش قادرة أصبر خلآآآآاص ..! مش قادرة أعيش من غير حب !

🌠هقولك :
إنتي كده بتعذبي نفسك بالحب الحرام !!
أصل قلبك💚 مش بإيدك .. ومينفعش تعلقيه بغير الله
يقول الإمام ابن القيم رحمه الله عن الحب الحرام :
" من أحب أحداً سوى الله عُذِّب به ولابد "

يعني الشاب اللي بتحبيه ..هيبقى سبب عذابك في الدنيا وفى الأخرة ..لو مرجعتيش وتوبتي !لإن إنتي سلَمتي قلبك للعبد ، فربنا وكلك ليه ! إنتي اللي اختارتي تسيبي قلبك لعبة فى إيديه ؛ فمتزعليش لما تتألمي بسببه طول الوقت !!

💔️قلبك هيتعذب بحبه لإنك :
حبتيه وعرفتيه .. وربنا نهاكي عن كده لمصلحتك ..
ومع ذلك عصيتى ربنا علشانه !!حبتيه أكثر من ربنا !
وعلشان كده متستغربيش لما تلاقي ربنا أمرك بحاجات ومبتعمليهاش ..وحبيبك لو أمرك بتنفذي !

✍️ـ مبتقدريش تصلى أو تقرأي قرآن ربع ساعة !
وبتقدري تكلميه بالساعات وتقفي معاه بالساعات وتخرجي معاه بالساعات !!
لأن حبك ليه أصبح أكبر من حبك لربنا !!!

⛵ـ ربنا نهاكى عن حاجات ومع ذلك هو لما بيطلبها منك بتعمليها علشان متزعليهوش !!
غضب ربنا أصبح أسهل عليكى من غضبه ؛ مع إن قلبك وقلب اللي بتحبيه بإيد ربنا !!! وده اسمه " شِرْك المحبّة "

📑قال الله تعالى:
( وَمِنَ النَّاسِ مَنْ يَتَّخِذُ مِنْ دُونِ اللَّهِ أَنْدَادًا يُحِبُّونَهُمْ كَحُبِّ اللَّهِ وَالَّذِينَ آمَنُوا أَشَدُّ حُبًّا لِلَّهِ وَلَوْ يَرَى الَّذِينَ ظَلَمُوا إِذْ يَرَوْنَ الْعَذَابَ أَنَّ الْقُوَّةَ لِلَّهِ جَمِيعًا وَأَنَّ اللَّهَ شَدِيدُ الْعَذَابِ ( 165 ) ) النور.

📑وقال تعالى:
{ قُلْ إنْ كَانَ آبَاؤُكُمْ وَأَبْنَاؤُكُمْ وَإِخْوَانُكُمْ وَأَزْوَاجُكُمْ وَعَشِيرَتُكُمْ وَأَمْوَالٌ اقْتَرَفْتُمُوهَا وَتِجَارَةٌ تَخْشَوْنَ كَسَادَهَا وَمَسَاكِنُ تَرْضَوْنَهَا أَحَبَّ إلَيْكُمْ مِنْ اللَّهِ وَرَسُولِهِ وَجِهَادٍ فِي سَبِيلِهِ فَتَرَبَّصُوا حَتَّى يَأْتِيَ اللَّهُ بِأَمْرِهِ وَاَللَّهُ لَا يَهْدِي الْقَوْمَ الْفَاسِقِينَ } (التوبة:24)

👑يا أختي يا غالية .. 😊
ربنا كرّمك وحماكي من كده بشريعته ، ليه بعدتي وضيعتي نفسك ⁉
ليه تقبلي إن قلبك يُستهلك بالشكل ده ؟! علشان سعادة مفيش حد يملكها لقلبك إلا هو ⁉
ـ ولاعلشان رزق مكتوب لك من قبل ما تتولدي !
ـ ولا تسخّط علشان لسه ربنا مرزقكيش بالحب الحلال الحقيقي اللي هو مودة ورحمة ومسئولية فعايزة تاخدي بداله أي حاجة حرام ⁉
اقفي مع نفسك وأسأليها قبل ما تقفي قدام ربنا ويسألك.!✋

#حياتي_دعوة
#أقبلت_إليك