عايزه تقربي لربنا ف الكتاب هنا 😍عايزه وصفات شعر وبشره بردوو ف الكتاب ده😇

"فاورب حِلم لم تناله كان شر لو أتاك "

في مرة من المرات بعد ما صليت الفجر في المسجد قولت بدل ما اروح انام أتمشي علي الكورنيش شوية اهو الجو جميل وهادي وانا نفسي اطلع من المود اللي انا فيه لانه حالتي ادهورت ونفسيتي ادمرت حلمي ضاع، كل حاجه راحت من إيدي طيب هي جات عند العبد لله كدَ وميجبش مجموع الواحد مخنوق ازاى موصلش لحلميم اللي حلمه من سنين، طيب أنا تعبت وذاكرت وعملت كل اللي عليا وفي الاخر اخري معهد طب ليه ربنا مخلنيش أدخل الكلية دِ كل دِ أسئلة كانت في دماغي، طب ازاي أتظلم الظلم دَ يعني ازاى اجيب،٦٠٪ وانا مكنتش بقوم من على الكتاب وحاسس أني هتجنن وماشي في الشارع بحاول استوعب اللِ انا فيه بس برضو كل الأفكار سلبيه وبطريقة لا تحتمل، قابلت راجل عجوز قاعد علي الرصيف هو شكله محترم أوي بس لحظت في عينيه كسره كأنه شايل هموم الدنيا على قلبه، مكنش في دماغي حاجة بس قولت اقعد استريح شوية واكمل مشي عشان اروح
قولتله إزيك يا عمي،
-اهلًا يبني!
وفجأة لقيته بص الناحية التانية، ورفع ايديه للسما واشتغل يعيط يعيط جامد اوي
قومت وقعدت بعدها علي الارض تحت رجليه واشتغلت، امسح، دموعه وقولتله خير يا عمي مالك بتعيط طمني طيب قولي لعلي اساعدك في شئ
-تساعدني ازاى يبني، ربنا حكمته وارادته كدَ خلاص انا الحاجة الحلوة اللي في حياتي راحت مني، بس واثق انه ربنا ليه حكمة وهرجع واقول انه ربنا بيبتلي وهو بيختبرني وانا صابر وعارف انه ليه حكمة في كل حاجه حصلت وهرجع واقول الصحة والعافيه أهم من اي شئ
-ليه بتقول كده يا عمي طيب قولي حصل ايه
بص يابني انا ليا بنت اسمها جميلة، والله ربنا يعلم انها هي اللي نورت حياتي امها ماتت وسابتهالي هي واخواتها الكبار محمود واحمد، ولادي اتجوزوا بس هي كانت ديما جمبي وكانت مجتهدة في دراستها كانت من سنتين ثانوية عامة ربنا فرحني بيها وجابت ٩٩٪ وهي كانت مجتهدة جدًا وكانت مبسوطة انها هتدخل كلية قمة وفي فرحة عارمة بس انا مكنتش عاوزها تدخلها لاني عارف اللي ممكن يحصل بس سبتها عشان تحقق حلمها، وفي يوم من الايام وخلاص علي وشك انه نروح نقدم الورق في جامعة عين شمس بنتي تخبطها عربية وانا والله كنت ماشي معاها معرفش حصل دَ كله ازاي منظر مكنتش اتخيله بنتي حصلها كسر في العمود الفقري وكل اعضاء جسمها يعني جسد بلا روح متخيل انها بعد ما كانت بتمشي وتضحك مش قادرة حتي تحرك ايديها يدوب بترمش بعينها والدكاترة قالوا مستحيل تتعافى بس انا واثق انها هتبقي كويسة وظروفي هتتحسن وهسافر بيها بره مصر انا عارف انه حياتي اتشقلبت اتمنيت انها تكون جابت ٥٠٪ ولا حصلها اللي هي فيه بس نعمل اي حكمة ربنا وهو قضاء وقدر اهم حاجه الصحة والعافية يابني عمروا الكلية ما هتكون سبب في نجاحك وانت تعبان فيها كليات القمة دِ مش كل حاجه زي ما الناس فاهمه الصحة والعافيه اهم من اي شئ
بصيت كده وكنت مذبهل حسيت ربنا بعتلي رساله وبيقولي مش أنت عاوز تروح طب اهو شايف اللي حصل مع بنت الراجل ده حسيته بيقولي ارضا باللي اعطتهولك وانا هراضيك بأضعاف حسيته بيقولي الحمد لله انك كويس وبصحتك طيب افترض جبت الطب وحصل معاك كده كنت هتستريح
مشيت وانا حاسس بتوهان واستغراب ودهشة وحيرة كل حاجة كانت محاوطاني ومكنتش بردد غير الحمد لله علي كرمك يارب الحمد لله اني بصحيتي وعافيتي الحمد لله علي كل شئ انا راضي يارب وعلي امل وثقة كبيرة انك هتعوضني خير دخلت اوضتي ومسكت المصحف وصليت ركعتين شكر لاختيار ربنا ليا
------
بعد اربع سنين اتخرجت بتقدير امتياز والاول علي الدفعة واتعينت معيد في المعهد وسافرت بلاد كتير بره، واخدت كورسات كتيرة، وبقيت بدرس لطلبه في كليات بره مصر
وكنت راضي جدًا ومبسوط بكرم ربنا ليا وكنت ديمًا مؤمن بآيه "وعسي أن تكرهوا شيئًا وهو خير لكم"
كنت مؤمن بيها اوي وفعلًا اكتشفت انه ده مكاني وده مصدر رزقي وفعلًا الانسان لو علِم الغيب لاختار الواقع
وصدق اللي قال
"الصحة والعافية اهم من اي شئ غير كده شكليات"
وحقيقي إختيارات ربنا اعظم من اختياراتنا وكل ما هترضى ربنا هيراضيك
"فروب حِلم لم تناله كان شر لو أتاك "

ل/أمنية درازي