عايزه تقربي لربنا ف الكتاب هنا 😍عايزه وصفات شعر وبشره بردوو ف الكتاب ده😇

- شوية نقط تخص حفظ القرآن ⁦!

1 - حفظ القرآن مش محتاج حد فاضي ومتفرغ ... هو أصلا فكرته تناوله أثناء انشغالات الحياة

2 - سريع التفلت ودي فيها رحمة مش حاجة تجيب إحباط علشان نكرره

3 - فيه فجوة زمنية بشعة بين العربية بتاعتنا ووقت نزوله فمبقيناش بنستشعر إعجازه زيهم فمحتاجين نسمع كتير في التفسير

4 - الحمدلله تسجيلات د احمد عبد المنعم عبقرية وكتب التفسير موجودة

5 - عادي جدا تبدأ بتجويد وحش ومخارج وحشة ودي مش حاجة تجيب خجل خالص أو تكون حاجز للخطوة .. ابدأ حتى لو مبتنطقش عربي أصلاً

6 - الحفظ غير التلاوة .. الحفظ هو الأصل في تلّقي القرآن

7 - مش هتتحول لشيخ بالحفظ مبيعملش معاصي إطلاقاً ... هتعمل وهتقع بس عالاقل هتبقى عارف طريق العودة ... نور في أسوء اللحظات !

8 - إن الذي ليس في جوفه شئ من القرآن كالبيت الخرب ( فعلا )

9 - القرآن هينمي فكرك وشخصيتك إسلوبك وكلامك ... حتى علاقاتك مع الناس هتتغير بالقرآن !

10 - تاني حتى العلاقات بالناس بتتغير بسبب القرآن ! أكثر رحمة وأكثر حكمة !

11 - الحفظ يستمر اثناء الامتحانات ، الشغل ، ضغوطات الحياة ، يقل كميته ع حسب الوضع بس ميقفش

12 - اللي هيحفظ لوحده غالبا هيقف 

13- لازم صاحب قرآن غير المحفظ نفسه كمان ( ممكن يكون حد ف البيت أو حد تقدر تكلمه اي وقت فون تسمع )

نساي ... حفظك بطئ ... مشغوليات ملهاش آخر ... من استعان بالله أعانه الله الدعاء ثم الدعاء ، لو اتخلينا للحظة وضع أهل القرآن في القبر أو حتى عند لقاء الله هنوقف كل حاجة عشان نبقى بس من أهل الله وخاصته !

بس تاني الأصل حفظه أثناء انشغالات الحياة !

أهل الله وخاصته ..

منقول بتصرف ..