عايزه تقربي لربنا ف الكتاب هنا 😍عايزه وصفات شعر وبشره بردوو ف الكتاب ده😇

أفكارك تجذب أقدارك"

بنت بتحكي بتقول كان ليا واحدة صاحبتي مخطوبة كل شوية تقولي " أنا حاسه إنه هيسيبني ، أنا خايفه حبه ليا يقل ، ممكن يكون بيخوني !!
الخطوبة اتفشكلت "

- أعرف واحدة بتقولي " أنا لما بدعي ربنا بقوله أنا نفسي ف كذا ، أنا عارفه انها مش هتتحقق بس بدعي "
لما الدعوة متحققتش قعدت تعيط و تقولي ليه يااحمد مش أنا دعيت و انت بتقولي اي دعوة بتتحقق !!

- كان فيه شخصية أعرفها بتقول " الدنيا سودا ، و البلد دي وحشة ، و محدش هيحقق أي حاجة من أحلامه ، و و و و "
الشخصية دي معملتش و لا إنجاز تعرف تتكلم فيه !!

- بنت بتحكي في واحدة صاحبتي بتقولي إنها بقالها ٨ سنين بتحب واحد و مش ناوية تتجوز غيره ، أهلي رافضين و هو مش مناسب ليا على الإطلاق ، بس بتقولي مش عايزة أشوف نفسي مع حد غيره .. " النهاردة قراية فاتحتها "

- واحدة تانية ماكانتش حافظة غير جزء واحد من القرآن ،  و تقولي أنا حاملة لكتاب الله ، كنت بقولها انتي لسه مختمتيش طيب ، تقولي لا مانا هاختمه و هاخد إيجازة
" ختمته بعد سنه و ٤ شهور من كلامها معايا و بالإيجازة "

- بنت بتحكي صاحبتي كانت ٩٥ كيلو ، و كانت بتعيط لما حد يقولها انتي تخينه جداا ، و تطلع زعلها ف الأكل ، صحيت ف يوم قررت تخس ، كل يوم الصبح تبص ف المرايه و تقول " خسيت النهاردة عن امبارح جدا ، الحمدلله همشي ساعة و مش هاكل حلويات
" خلال ٤ شهور وزنها ٦٥ كيلو "

طول مانت مقتنع انها مش هتتحل هي فعلًا مش هتتحل !

سيدنا عبد الله بن مسعود بيقول "البلاء مُعلق بالنُطق به "

وافتكر ان " كُل مُتوَقَّع آتٍ "

ربنا سبحانه و تعالى بيقول ( فما ظنكم برب العالمين )
خلي ظنك بربنا خير مهما كانت الامور متعقدة وتأكد تمامًا ان ربنا هيراضيك فالوقت الصح بالحاجة الي نفسك فيها

د / إبراهيم الفقي قال في كتابه " اهتم بذاتك "
فكر بالأفضل ، و توقع الأفضل ، و قم بالأفضل "

كل دا بيتلخص في جملة ، أنا ماشي بيها و كاتبها ف اوضتي قدام سريري
" أفكارك تجذب أقدارك "
اللي هتفكر فيه و هتعيش جواه هيحصل هيحصل والله هيحصل

و أولا و ثانيا و أخيرا " ربنااا "
( أنا عند ظن عبدي بي ، إن كان خيرا فله ، و إن كان شرا فله )

انت اللي بتتحكم ف نظام حياتك .. "أفكارك تجذب أقدارك"