ما خلَّفه الماضي

الفصل الثالث

كانت وعد في طريقها لرؤية يُسر ولكنها صُدمت عندما رأت يُسر واقفة مع ذلك الشخص الوقح الذي سبق وركلته بسبب سوء اخلاقه، كانت دموع يسر تسيل بغزارة  فذهبت إليها مسرعة وقامت بإبعاد رامي عنها وأمسكت يديها ..

تحدثت وعد بخوف: يُسر مالك ياحبيبتي عملك حاجة الحيوان ده.

نظرت يُسر إلي رامي بخوف وتحدثت من بين شهقاتها: صور، معاه صور غغريبة يا وعد لينا مش عارفة ازاي ببس؛ ظلت تبكي لم تستطع أن تكمل أما وعد فقد احتضنتها بشدة واجلستها علي مقعد قريب وعادت لرامي وذهبت به بعيدا عن أبنة عمها فأستغل فادي الفرصة وقام بتصويرهما معا وابتسم بخبث أما عند وعد ..

(وعد) بسخرية: انت فاكر انك كدة جامد اوي يعني واني هخاف من الهبل ده شوية صور فوتوشوب ميتضحكش بيها علي عيل صغير.

نظر لها رامي بخبث ثم وجه نظره اتجاه يُسر التي تبكي بخوف ليقول: مش مهم انتي تخافي كفاية أن القمر ديه تخاف.

وعد قد اشتعلت غضبا منه فقامت بصفعه أمام الجميع ثم ركلته بقدمها في معدته مرة أخري وأنهت انفعالها بأن بصقت عليه ثم انصرفت أما فادي فأسرع إلي صديقه المشتعل غضبا كي يهدأه ..

تحدث فادي بلهفة: اهدا اهدا يارامي وتعال نفكر هنعمل ايه.

تحدث رامي بغضب: سبني يا فادي أنا عمال اقول بنت ومش عايز امد ايدي عليها بس الظاهر هي اللي عايزة تتهان.

كان سيذهب إليها ولكن أوقفه فادي بقوله: تمام براحتك بس أنا معايا بقي صور حقيقية مش مفبركة زي بتاعتك.

نظر له رامي قاطبا لجبينه بتساؤل: ازاي يعني مش فاهم.

أراه الصورة التي التقطها لهما وهما يتحدثان معا فابتسم رامي وقام بإرسال الصورة إليها فورا في رسالة قائلا: مستنيكي انتي وبنت عمك بعد يومين نتكلم مع بعض شوية ولو مجيتوش هبعت الصور ديه للوالد اشوفك بعد يومين يادودو مش بنت عمك بتقولك كدة برده.

صُدمت وعد من الرسالة قائلة بغيظ: يابن الجزمة!!

جلست هي ويُسر بغرفتها ولا تدري ماذا تفعل ويُسر مستمرة في البكاء أما وعد كانت شاردة ولكنها انزعجت من بكاء يُسر تأففت واقتربت منها قائلة بحنان: يُسر حبيبتي بصي هو احنا اللي في الصور ديه؟! هزت يسر رأسها بالنفي لتكمل وعد بهدوء: طيب مالك بقي خايفة كدة ده موضوع اهبل اوي متديهوش اكبر من حجمه أنا هتصرف متشغليش بالك انتي يا ياسو.

نظرت لها يُسر بتساؤل: بجد يا دودو بس هتتصرفي ازاي ده شكله ولد بتاع مشاكل.

ردت وعد بغضب مصطنع: ايه ده انتي بتشكي في قدراتي وبعدين من امتي وعدتك وعد وخلفت بيه انتي صاحبتي وبنت عمي واكتر من اختي كمان مش عايزاكي تخافي وانا معاكي تمام، يلا بقي امسحي دموعك ديه وروحي علي شقتكم قبل ما هبة تيجي تندهلك وانتي عارفة علاقتنا حلوة ازاي وانا مبطقهاش.