ما خلَّفه الماضي

الفصل التاسع عشر

أردف زياد بثبات: هتطلقها يعني هتطلقها يا سفيان ودلوقتي.

تحدث حسن بغضب: عال اوي اللي انتو بتهببوه ده ولا كأن كبيركم موجود.

رد زياد بضيق: أنا آسف يا جدي بس هو لازم يطلقها يديني الورقة ديه وتتقطع وننهي الموضوع.

تحدث حسن بجدية: ليه يا زياد لازم يطلقها.

أردف زياد بعدم استيعاب: هو ايه اللي ليه يا جدي ده كدة هيبقي بيجبرها زي ما أدهم عمل مع جميلة.

أردف حسن بهدوء: لع يا ولدي فيه فرق سفيان بيحب اختك.

خجل سفيان ليردف بانفعال: يا جدي ..

اكمل الجد بصرامة: اخرس وانا بتحدت كفاية فضايح إكدة.

صمت سفيان بينما أكمل حسن حديثه: ومع الوقت يا ولدي هي كمان هتحبه واظن انك مش هتلاقي لأختك احسن من سفيان.

رد زياد بتأكيد: اكيد يا جدي بس مش بالطريقة ديه احنا كدة بنفرضه عليها.

غضب سفيان بشدة فخرج من المكتب بل من المنزل بأكمله ..

أردف حسن بغموض: طب وانت يا زياد.

رد زياد بعدم فهم: انا ايه يا جدي.

سأله حسن بمكر: مش ناوي تتجوز.

رد الآخر بسخرية: ياااه يا جدي ده ايه اللي جاب الموضوع ده دلوقتي.

ابتسم حسن مردفا: لع عادي اصل البيت كله هيتجوز اليومين دول.

قطب زياد حاجبيه قائلا بتساؤل: هو في حد تاني هيتجوز غير سفيان.

أردف حسن بمكر: آه شهد جيلها عريس عليه القيمة.

اصفر وجه زياد قائلا بارتباك: وو اانت هتوافق يا جدي.

رد حسن بخبث: مش عارف يا ولدي انت ايه رأيك.

تحدث زياد بتوتر: ااا..انا رأيي هي لسه صغيرة استني شوية يا جدي.

اكمل حسن بتبرير: هو ايه اللي صغيرة يا ولدي اللي اديها اتجوزوا وخلفوا.

لم يرد زياد .. ليكمل حسن بخبث: مش عايز تعرف بيشتغل ايه.

أردف زياد بحنق: هيكون بيشتغل ايه يعني يا جدي.

رد حسن بخبث: بيشتغل ظابط ومعجب بيها اوي.

سأل زياد بغضب: ومين ده بقي أن شاء الله وشافها فين.

اكمل حسن بهدوء: بيشوفها كل يوم ومعجب جوي بيها زي ما قولتلك لع مش بس اكدة وهي كمان معجبه بيه.

تحدث زياد بغضب: والله عال كمان بيشوفوا بعض كل يوم قولي مين الحيوان ده يا جدي وانا اروح اقتله.

ضحك الجد وتميم بشدة علي زياد .. أردف زياد بحنق: انتم بتضحكوا علي ايه دلوقتي اسمع يا جدي انا مش موافق.