رفدت الكاس فيدي..ترشفت منو و رجعت نزلتو..تنهدت بملل..نتخنق فهاكا بلايص..منعرفش فاش قام يديرو هاكا حفلات..تبرعات ولا منعرف واش..ادا عينهم يتبرعو يقدرو يتبرعو من غير دعايات و صحافة..تلفت جيهتو..نشوف معاه..كيف عادتو فأي حفلة..يشد اخر طابل فالزاوية باش يقدر يشوف كامل الحاضرين..رجال الصحافة دايرين بيه..يستعرض فروحو..هادا كامل باش يغطي على اعمال القرش..اكره حاجة عندي هي وقت نكون انا و هو فبلاصة وحدة..نكره نظراتو..نكره الحقيقة لي مخبيها..نكره الشوفة فيه خاطر تردني سنين لتالي..رشيد كيراف..يمكن يكون اكثر انسان كرهتو فحياتي كاملة..مرات يقولي راصي نفرغ سلاحي فراصو و ننهي قصة الانتقام هادي برصاصة وحدة..اما قليلة فيه..قليلة فيه الموت بهاد السهولة..تنهدت..رجعت شربت من الكاس ضربة وحدة..غمضت عينيا بقوة..تعدات عليا صورتها لبارح..تبسمت بين شفافي..فتحت عينيا..عديت لساني على سفافي وقت تذكرت لي صرا..رعشتها..كيفاه دخلت بعضها..كيفاه حمار الوشم تاعها..كيفاه هربت..لقيت روحي نضحك و انا نتفكر فيها من غير ما نحس..احسن حاجة مكاشها هنا..منحبش تكون قريبة لهكا ناس..جاب ربي مسمعتش بالحفلة و الا كانت راح تجي رغم كلش نعرفها و نعرف عقلها كيفاه يخدم..طلعت راصي للباب..عقدت حواجبي و انا نشوف معاهم..مهدي و ليديا !!..طلعت حاجبي مستغرب..واش جابها هادي ؟..و معاه ؟..بقيت مركز معاها و هي جاية جيهتي..خلاها فنص الطريق و شد طابل مقابلتني..نزلت راصي ليها لحقت ليا..هزيتها و حطيتها..
انا: واش جابك ؟
ليديا: عرضني مهدي
انا: و منين تعرفيه ؟
ليديا: تلاقيتو مرة فواحد لاصال دي جو نظن تاعو و لينا اصدقاء..علاه ؟
سكت شوية..منعرفش علاه اما مرتحتش لهاد القضية..هي و مهدي يعرفو بعض ! و اصدقاء ملفوق !!..هزيتلها بكتافي بمعنى والو..رجعت شاورت بيدي لسارفور قد جيهتي..رفدت كاس..رفدت حتى هي..رجعت تلفت عند رشيد..باقي يحكي معا الصحافة..اما متأكد انو عينو عاى كل واحد فينا..نسمع فيها تحكي..
ليديا: نقدر نبقى معاك ؟
انا: جيتي معاه مشي معايا
ليديا: لا هو وصلني برك..يعني مشي معنتها نبقى معاه طول السهرة
هزيت كتافي بلا مبالاة..سمعتها وقت تنهدت..على غفلة طلعت راصي..عينيا وساعو وقت طاحت عيني فعينها..قلبي دق بالقاوي..واقفة عند الباب تڨحرلي..بلعت ريقي بالسيف..نشوف معاها و مشي مصدق..واش جابها !!..كيفاه جات ؟..متحركتش مبلاصتها..جيست تشوف فيا بعينين نار..نتبهتلي اني سارح..تلفتت تشوف وين راني نشوف..شوية و ضحكت تحكي..
ليدا: مكنتش عارفة راح تکون هنا
مرديتلهاش..عينيا بقاو معلقين فهاديك الصغرونة لي لتم..معا انها واقفة بعيد على الاصواء فالظلمة..اما ضحكتها لي ترسمت على جنب بخبث شفتها..و فهمت نظرتها..كبست على الكاس فيدي و انا نشوف فيها تقرب ليه من غير ما تنزل عينيها لي قاعدين يتحداو فيا..تقرب ليه و خطواتها نحس فيهم جمر فوق قلبي..هزيتلها براصي لالا نحذر فيها..اما مردتليش..عملتها و وقفت قدامو..ضحك معاها .منعرف واش قاللها باش خلى ضحكتها تترسم على وجها..غمضت عينيا بقوة نحاول نتمالك اعصابي..رجعت فتحتهم..نسيت وين راني و نسيت لي راهي قدامي و الناس و نسيت كلش..حاب نروح ليها..حاب نجبدها من وسطهم كامل..كل مرة نشوف ضحكتها ناري تشعل اكثر..متضحكش معااه..بواش من حق تضحك معاه و تخليه يسرح فيها بهاديك الطريقة و هو يحبها..بواش من حق تضحك قدام واحد غيري و هادوك العينين لي يتعسقو يتغمضو و يخرج صوتها لي كلو اغراء..بواااش من حق تحط يدها على فمها بهاديك الطريقة و هي تضحك و تخليه يركز معا شفافها..بواااش من حق تغري راجل من غيري..مبقاش فيا صبر..نحس فروحي قاعد نغلي مالداااخل تاعي..مع اني عارف انو مشي قصدها انها تبان مغرية لهاد الدرجة..اما ميهمنيييييش لي يهمني انها قاعدة تضحك معاه..لي يهمني انو عينو شافت كتافها العريانين..و شعرها الاسود لي هابط..و شاف جمال لكحل عليها و على بدنها بهاديك الروب الطويلة لي زادت على لي بيا..دقات قلبي ماشية و تعلى اكثر و اكثر..لا ركزت معا الحفلة ولا معا الخطاب لي قاعدين يلقو فيه ولا معا الناس لي قاعدة تتبرع..عيني عليها..عقلي قاعد يقولي نروح ليه #### هنا و هي نفجخها بطريحة تنسى اسمها عليها..لا شافت فيا ولا دارت جيهتي..مع اني متأكد انها عارفة اني قاعد نستنها فيها تدور ليا..فيقني من سرحتي صوتها و هي تحكي..
ليديا: الظاهر حتى فيرا تعرف مهدي..اما من وقفتهم باين مشي معرفو سطحية كيما معرفتي بيه هههه
تلفت ليها..ڨحرتلها..
انا: واش قصدك ؟
ليديا: شوف كيفاه منسجمين معا بعضاهم يبانو كوبل
غمضت عينيا بقوووة و رجعت فتحتهم..تروهجت من كلامها و من الفكرة..رجعت حكات..
ليديا: منعرف ادا حتى معا راجلها لول كانت هكا منسجمة معاه..بصح مدام كانو مزوجين معنتها كانو كوبل بزاف شباب
من غير ما نحس..خبطت الكاس عالطابل..تلفت ليها بالزربة..شديتها من كتفها..كبست عليها بكامل قوتي..طلعتها ليا حتى جا وجها معا وجهي..
ليديا: ا اه هشام و وجعتني
انا: ### ## تزيدي كلمة متلومي غير روحك
عينيها وساعو..حطت يدها فوق يدي تسيي تجبد روحها..تحكي فرد وقت..
ليديا: م مقلت و والو اااه يدي
انا: منعاودش كلامي
طلقتها بغزول..رجعت بخطوات للور..حطت يدها على كتفها تتوجع..عديت يدي على سعري بالزربة..نااقص انا..ناقص كلام يزيدعلى لي بيا..تي كي يتجبد اسمو برك نهبل..خلي كي تقولي كانو كوبل شباب و لا منعرف واش..دورت راصي ليها..قلبي دق بالقاوي وسط صدري وقت طاحت عيني فعينها..تشوف معايا مقرنة حواجبها..اكيد فهمت بالعكس وقت شافتني قريب ليديا لهاديك الدرجة..مخها و نعرفو واش يصورلها..تي فاش قام تشوف فيا اصلا مصباح و هي مدورة وجها..قبل ما نعمل حتى غياكسيون..عينيا خرجو و انا نشوف فيه نزل عليها اكثر..حط شفااافو على خدها..باسها !!..لي نشوف فيه قدامي صحيح !! باسها !!مدارت حتى ردت فعل..عينيها وساعو و هي راشقتهم فيا..فثواني..ثواني برك كانو كافيين باش نفقد طرف لعقل لي كان باقيلي..هو باسها..باس صغرونتي..باس حبيبتي انا..قاس املاكي..مبقيتش نخمم..نسيت وين راني و ناس لي دايرين بيا..معلاباليش كيفاه وصلت لعندو..و هي عينيه مرشوقين فيا تترجى فيا بيهم..اما لااا..هنا و قص فيرا جبروت..هنااا و بزااااف..قبل ما يلحق يطلع راصو رفدت يدي ضربتو على وجهو بكاااامل القوة لي عاطيهالي ربي..طاح لتالي على الطابل لي موراه..كلش كان فيها جا عالارض..صوت لعياط قوى فودني..ليديا قربت تجريمنو نزلت عندو للارض..و ناس تلمت علينا..قبل ما نرجع نضربو مرة ثانية..قبل ما نحكي و نفظح روحي..جا صوتو مالتالي..عطيتو دوات فودني..
رشيد: هشااااااااام
تلفت ليه بالزربة..نشوف معاه..كيفاه يشوف فيا..ننهج..نتنفس بالقاوي و نحس فالنفس خلاص عليا..حاب نقتلو..نفررررغ سلااحي فيه..#### هنااا قدامهم كااامل..عملي براصو لالا..نظرتو كانت كافية باش نفهم قصدو..نظرتو وصلتني الف معنى و معنى..اما مكنت راح نتراجع قبل ما ندفن هاد ### لي حط شفافو عليها..باقي نشوف معاه و هو يشوف معايا وسط كامل هاديك الضجة..اما فلحظات عينيه تعداوني و تلفت يشوف للجيهة لوخرة..تلفت نشوف عينيه وين راهم..عينيا وساعو و انا نسوف معاها..واقفة عند الطابل..يديها على فمها..لونها مخطوف..رجعت تلفت ليه بالزربة..تبسم على جنب..فهمتو..فهمت كل حرف حرب يوصلهولي..مستحيل..مستحيل نسمحلو يحط عينو عليها..نمووت و منسحش يقرب منها خطوة ولا يحكي معاها حرف..خامج و نعرف تخمامو وين يديه..مفكرتش مرتين..بزوج خطوات كنت قدامها..وقفت بينها و بينو..غطيتها عليه ببدني..طلعت راصها ليا بالزربة..خرج صوتها يرعش..
فيرا: ه هشام..
خليتهاش تكمل..شديتها من يدها بكااامل قوتي..خرجت ملتم نزرب فخطواتي و نجر فيها مورايا و هي تجري تحاول تلحقني..نتنفس بالقاوي و النفس تغلق عليا..مزال منظرهم بين عينيا..مستحيل نعديهالها..مستحيل ننساهالها..اما لي يهمني دك اني نبعدها قبل من هنا..نبعدها من نظراتو لي عراوها..نبعدها من بعد حسابي معاها وحدو..
فيرا تحكي:
يسوق طاااير فالطريق..تكمشت على روحي اكثر..مغمضة عينيا بقوة..حاسة الطونوبيل راح طير بينا..منيش مصدقة.. لي دارو قدامهم كامل..و لي صادمني اكثر هو سكوتو..محكى معايا حتى حرف ملي ركبنا..واااالو..صوت انفاسو قاوي فودني..عارفة و متأكدة انو هدوء ما قبل العاصفة..مراحش يعديهالي..قلبي نحس فيه راح يخرج مبلاصتو..النفس نسيت كيفاه يتنفسوه..اللخرة تاعي هادي..عمري..فحيااتي ما سفتو فهاديك الجالة لي كان فيها وقت ضرب مهدي..عينيه..نظرتو..عروقو..عضلاتو لي تكبسو..تي فلحظات حسيت الشوميز راح تطرطق على بدنو..وجهو حمممر..و عينيه لڨري ولاو ظلمة..مبقاش فيا..خايفة..خاايفة و مرعوبة ملي جاي..و ملي باش يصرا..فقت وقت سد فران بالقاوي..فتحت عينيا بالزربة..قلبي خرج مبلاصتو وقت عرفت روحي قدام دارو..ناووي يتفرد بيا..تلفت ليه بالزربة..طاحت عيني على يديه لي شاظ بيهم الفولون بكامل قوتو..عروقو تحسهم راح يطرطقو..قبل ما نلحق نحكي فتح الباب و نزل..خيطها بكامل قوتو..تهزيت و تنفظت معاها..جا من جيهتي..فتح الباب..طلعت راصي ليه..نشوف معاها..تمنيت فهاديك الدقيقة الارض تنشق و تبلعني..حكى بصوت ناقص..امل تحس احبالو الصوتية راح يطرطقو..
هشام: اهبطي
من غير ما نحس..لا اراظيا عملتلو براصي لالا..غمض عينيه بقوة و رجع فتحهم..حسيتو لحق للخر تاعو..
هسام: اهبببببطي ### قتلك
انا: ل لالا ه هشام م متعملس هكا خ خليني ن نفهمك م...
قبل ما نلحق نهدر ولا نكمل..نزل عليا اكثر شدني من يدو حطها مزر رقبتو..و رفدني فوق كتفو..عينيا خرجو..كبس عليا اكثر..غلق الباب برجلو و تلفت داخل بيا..يديه كابسين عليا بكل قوتو..بقيت نفرفط نحاول نفك روحي منو اما واااالو..لا حياة لمن تنادي..تقول وحش و مبقاش يسمع..هادوك الدروج طلعهم بالعشرة تقول مراهو رافد واالو..و كل ما يقرب اكثر..دقات قلبي يزيدو اكثر و اكثر..لحق عند الباب..
انا: هشاام يهديك ربي نزلني خليني نرووح على هاكااا
مردليس..منعرفش كيفاه دار فتحها..دخل شعرة لا خبطة راصي معا الباب..خبطها برجلو لحيوط تهزو معاها..نفس تسكر عليا مالخوف..نزل شوية للارض..حطني..طلعت راصي ليه..قلبي رعش وسط ضلوعي و انا نشوف معا عينيه..لكلام وحل فحلقي..جيست نتبع فيه..رفد يدو ترعش..عدا صوابعو على خدي بلاصة وين باسني مهدي..جسمي رعش..حكى بصوت هااااادي علخر..تماما كيما هدوء لي يسبق العاصفة
هشام: باسك هنا ا حبي ؟
رجليا فشلو..معرفت ما نقول ولا واش نحكي..فلحظة ملامحو تكبسو..جبد يدو عيط بكااااامل صوتو..
هشام: بااااااااسك ### باااااااااسك
فمي تحل من الصدمة و من منظرو..جبد روحو عليا يدور قدامي و راصو بين يديه..كابس على راصو بكل قوتو..و يتمتم..
هشام: باااسك..هووو باااسك
انا: ه هشام ا اصبر
اول ما حكيت..و ياريتني ما حكيت..تلفت ليا بالزربة..قدم ليا كيف الثور.. شدني من كتافي بكامل قوتو..رجع بيا للور حتى خبطت فالحيط و هو حاصرني معا ببدنو..نزل راصو ليا يحكي و يعيط..صوتو هز الدار..
هشام: متفهمييييش..### نتتي متفهمييييش..متفهميش واش معنتها نتي تاعي !! مكفاانيش انا واحد قااسك قبلي بااش رااكي تزيدي عليااا مكفاانيش انو واحد قاس كل شبر منك قبببلي باش تكملي نتي على لي بيااا
عينيا وساعو ملي قاعد يقول فيه..و ملي قاعدة نسمع فيه..من غير سابق انذار..جوز يدو مور رقبتي شدني من شعري..غمضت عينيا بقوة ملوجع..طلعني ليه..يحكي و يلهث بين شفافي..صوتو يروح و يولي..يحكي بصوت هادي كلو وجع..يحكي بهمس عصرلي قلبي
هشام: علاه فيرا..علاااه..علاه قااعدة تديري فياا هاكااا ###.. علاااه مكفانيش عذابي..و ناار لي فيا..مكفانيش اني نعشقك و كاين لي قاسك قبلي..مكفاكش لي درتيه فيا باش قاعدة تزيدي عليا بقربك ليه..مكفااكش اني وقت نتفكر انو كاي واحد حط يدو عليك قبلي نحس قلبي يتفتت فبلاصتو و ناري تشعل..علاه فيرا.. علاه.. حبيتك.. عشقت ف### و مشي قادر حتى نكون قريب ليك و نتي تزيدي عليا
حط جبهتو فوق جبهتي..يتنفس بالقاوي..صدرو طالع هابط..اما انا..انا كنت فدنيا وحدوخرا..كنت فعالم وحدوخر..عالم فيه غير انا و هو..منيش مصدقة لي سمعتو..رمشت يعينيا شحال من مرة نحاول نستوعب لي قالو..تنهدت..تنهدت تنهيدة خرجت من عروس قلبي..تنهدية فرح..تنهيدة عشق..تنهيدة حب..فيقاتو على روحو..فتح عينيه شوية شوية..طاحو فعينيا..عينيا لي تعمرو بالدموع..منعرفش علاه اما حسيتو فاق على لي كان فيه..يدو ترخفت تلقائيا من شعري.. و خرج نفس طويل..نفس تاااعب..مقهوووور..جبد روحو بلعقل عليا..يرجع بخطوات للور و عينيا معلقين فعينيه..دقات قلبي قاعدة نسمع فيهم..ماشيين و يعلاااو..يناادولو..هزلي براصو لالا يحكي..
هشام: ا انساي..انساي لي سمعتيه..انساااي
بقيت نشوف معا لثواني من غير كلام..قلبي نحسو سايي راح يحبس من شدة ماراهو يضرب..رجليا معادوش حامليني و جسمي يرعش..حابني ننسى بعد كلش قالو ؟..اا فيرا ؟ راح تسكتي دك ؟ بعد ما عرفتي لي معذب حبيبك و قاهرو ؟ راح تبقاي مخبية الحقيقة و حبك ليه و تخليه يتعذب وحدو ؟ راح تديري عليه و تسكتي فيرا ؟..راح تسمحي فحبك ؟ مستحيل..يمكن انا وحدة ضعيفة..اما وقت يكون الامر متعلق بيه و بحبي ليه..فانا عندي استعداد نواجه الدنيا بلي فيها..تبسمت بالسيف..من غير مقدمات..من غير ما نفكر..قربت ليه نجري..منعرفش منين جاتني هاديك الجرأة اما جريت ليه..طلعت على طراطش صوابعي و شديت وجهو بين يديا..مولاتش مسافة بيناتنا..بدني لاسق بدنو و نيفي يقيس فنيفو بعد ما هبط راصو ليا..غمضت عينيا نحكي بين شفافو..
انا: انا ليك..ادا نتا تحبني فأنا نمووت عليك..ادا نتا تعشقني انا مهبووولة بيك..ادا انا ليك نتا ليا هشام..ليا انا..عمري ما كنت و لا راح نكون لواحد غيرك..جسمي و قلبي و عقلي كلي على بعضي ليك..عمرو ما مسني ولا كان راجلي خاطر القدر خبااني ليك..هشام وحدك انا ليك وحدك حَبيبي..و نمووت فيك..
سكت..نتنفس بالقاوي..نسمع فدقات قلبي..قلبو لي حسيتو تحط على اسمي ساعتها..مافقت غير على يديه لي حاوطو كرشي..و دخلني فيه..و شفافو لي تحطو على شفافي..للحظات غطسنا فبعض..و ما جبد روحو غير وقت تقطع علينا النفس..حط جبهتو على جبهتي يحكي و يلهث..
هشام: منيش مصدق فيرا..منيش مصدق لي سمعتو منك ###.. منيش مصدق..يااا ### انااا ##### عليييييك
حط راصو على رقبتي..نزل يد الروب..و هبط لكتافي يطبع فبوساتو..مفكرتش..و مترددتش..و مندمتش..رفدت يديا..حطيتهم على الشوميز تاعو نفتح فقفاليها..و نزل فيها..جبد روحو مني مصدوم..يشوف فيا بعينين ذابلين كأنو مصي مصدق..حكى بصوت نااقص مخنوق..
هشام: م متأكدة ؟
مكنتش فحالة احسن منو و انا بين يديه..هزيتلو براصي ايه نحكي..
انا: عمري ما كنت متأكدة من حاجة كيما دك..حابة نكون ليك..خاطر عمري ما راح نعطي قلبي لواحد غيرك..
تبسيمة ترسمت على وجهو..عينيه للحظات شفت فيهم لمعة الدموع اما كذبت عينيا..طلع بشفافو لجبهتي..باسني منها بوسة احترام..بوسة عشق..بوسة تقدير..بوسة وصلتلي حبو..و اكدتلي اني منيش غالطة..رجعت نزل لسفافي يبوس فيا.. فلي راح نعملو..حسيت بيديه لي تلفو على خصري حتى موليتش نحس بالارض تحتي..رفدني فحضنو من غير ما يبعد..دخل بيا للبيت..حطني عالسرير و جا فوقي..كان راح يبعد اما جبدتو ليا اكثر..نزلتلو يد الشوميز..و غطسنا فبعض..طرنا لعالمنا..فهاداك النهار هشام تأكد اني صح ليه و خباني القدر ليه باس يكون اول و اخر راجل فحياتي..فهاداك النهار انا غلقت باب قلبي من بعد ما دخلو و عطيتو المفتاح..هاداك النهار تان انا سرقت قلبو و شديتو فيدي..و صار ملكي انا و برك كيما انا ملكو..فهاداك النهار قطرات دمي كتبت بداية فصول قصتنا..فهاداك النهار تكتبنا لبعض..نسينا لتم شكون حنا..و قواعد لعبة شطرنج الموت نسينا الاسرار و الالغاز..نسينا الدنيا بلي فيها..غير انا و هو..
<<حبيبي اني ليوم كتبت لك..اليوم روحي رُبطت بروحك..فلا تتركني ولا تبتعد فالحبل المربوط قصير ان غاب نفسك عني..انقطع نفسي و نشق قلبي..و ما الحياة بعدك الا موت و جحيم>>
★★★
الحلقة بناااات😍😍😍
راااايكم ؟؟😱😱توقعااتكم😍😍😍😈🔥
وااش راهو يستنى فيهم😍واش حيصرا💃💃راح بعيسو فلعسل بعد اليوم .😏😏نوو حبيباتي نووو..دك نقولو بسم الله🌝😚
كونو. وااجداااات💃😈🔥
تصويتاتكم
