حطيت يدي على راصي بالسيف..نحاول نفتح عينيا..وجيعة قوية فكتفي..نحس فحاجة تقيلة على رجلي..اول ما تفكرت لي صرا..عينيا تحلو على وسعهم..نزلت راصي بالزربة..قلبي حسيتو حبس..النفس تغلق عليا و انا نشوف معاها..طايحة على رجلي..نزلت يديا بااسيف ليها..دورتها ليا..قلبي دق بالقاوي و انا نشوف فالدم نازل من جبهتها..مفكرتش مرتين..طلعتها بالزربة رديتها لتالي عالكرسي..تقعدت فبلاصتي..نضرب فيها بكفوف خفاف على وجها نحاول نفيقها..
انا: ف فيرا..فيرا افتحي عينيك..فيراااا تسمعي فياا
والو..والو مردتليش..حطيت يدي على وجها نبعد فشعرها لتالي..يديا يرعشو..منقدرش..منقدرش نعيش ادا صراتلها حاجة..مستحيل نغفر لروحي لوكان تصرالها حاااجة..نزلت راصي بالزربة لتحت الكرسي..متأكد كانت كاين قرعة ماء هنا..رفدتها بالزربة فيدي..رجعت طلعت ليها..فتحتها نرش فيها عليها..نحكي فرد وقت..
انا: فيرا افتحي عينيك..افتحيهم متعمليش فيا هاكا..فيرااا
واالو..مردتليش..بلعت ريقي بالسيف..قبل ما نلحق نعمل حتى حاجة..كبست على عينيها..نزلت بيدي ليدها..شديتها..حطيت يدي على راصها بلاصة الضربة..نحكي معاها..
انا: حاولي يا روحي..حاولي..افتحيهم عيش حبي متعمليش فيا هاكا..عارفك تسمعي فيا
كبست على يدي اكثر..عينيها تحلو شطر..
فيرا: ه هشام
غمضت عينيا..خذيت نفس طوييييل..كأنو الروح رجعتلي..من غير ما نفكر..جبدتها لحضني..كبست عليها بكامل قوتي..نعدي فيدي على شعرها..
انا: يا روح هشام..خوفتيني عليك ###
رفدت يدها كبست على جنبي..نسمع فيها تحكي..
فيرا: ر راك م مليح ؟
عينيا خرجو..سؤالها ردني للواقع و فيقني على روحي..حطيت يدي على ظهري جبدتها مني بالزربة..رفدت يدي ترعش حطيتها عالدم لي نازل من راصها..نزلت راصي ليها..نسأل فيها..
انا: يوجع فيك !! فيرا راكي مليحة !؟
فيرا: ا انا مليحة
تنهدت براحة..مشي مصدق انها تعدات على خير..جاب ربي دورت الطونوبيل فاخر لحظة..خبطنا فالشجرة احسن من انو نخبطو فالحيط و ندڨدڨو..فيقتني وقت رجعت تكات على صدري..نسمع فيها تحكي..
فيرا: هشام و واش صرا
عديت يدي على طول ظهرها نهدي فيها..عارفها تخلعت..خذيت نفس نحكي..
انا: والو..متخافيش غير ليفران تقطعو
سمعتها وقت تنهدت..اما متأكد انو مستحيل يكونو تقطعو وحدهم..حطيت يدي على جنبها..جبدتها من عندي شوية..تكيتها لتالي رفدت يدي رجعت بعدتلها شعرها..قربت للجرح لي فجبهتها اكثر نشوف معاه..جاب ربي مشي غميق..غير سطحي..رميت يدي للانجات لي فطونوبيل..حطيتهالها عليه..شديتلها يدها حطيتها عليه..
انا: ابقاي شايداتو و خليك هنا..نعيط لواحد مرجالي يجي يدينا
هزتلي براصها ايه..تلفت للباب نزلت..اول ما وقفت حسي بوجيعة قوية فكتفي..غمضت عينيا بقوة و رجعت فتحتهم..تلفت ليها..لقيتها مركزة معايا..تبسمتلها بالسيف نطمن فيها..ردتلي التبسيمة..تمشيت للقدام..نشوف معا الطونوبيل..تخبطت فالشجرة دخلت بعضها..تنهدت..جبدت تيليفوني نعيطلو..شوية و رد..
امين: وين راك ###
انا: متبداش ###### عليا منيش ناقصك
امين: واش صرااا !
انا: ابعتلي كاش واحد يجي يديني مالطريق الصغيرة لي قبل الرومبوان
امين: طريقك دارك ؟ بصح علاه ؟
انا: دخلت ف## شجرة لتم
امين: متزيدليييش !! ياخي سالامات
انا: ايه ### ايييه بركا ما تكتر فالهدرة و اتحرك
امين: داكور صايي نص ساعة يكون عندك
غلقت عليه..نزلت التيليفون..قربت جيهتها..فتحت الباب..طلعت بعينيها ليا..نزلت على ركبة و نص قدامها..رفدت يدي نعدي فيها على وجها..نحكي فرد وقت..
انا: يوجع فيك ؟
فيرا: هأة
انا: متكدبيش عليا فيرا قولي الصح يوجع فيك ؟
فيرا: شوية برك بصح والله مليحة
نخفت بالقاوي..رميت يدي للقرعة تاع الماء رجعت فتحتها..
انا: اشربي
تقعدت شوية..قربت شفافها..شربتلها و رجعت غلقتها..طلعت راصي ليها..نحيتلها لانجات لي فيدها..تعمرت بالدم..رميتها و رجعت جبدت وحدوخرا..مسحتلها بلاصة الدم بيها..حبس مبقاش يسيل اما لازم يتعقم الجرح..قبل ما نرجع نوض..حسيت بيدها لي تحطت على خدي..تلفت ليها..تشوف معايا بعينين ذابلين كملو على لي بيا..حطيت يدي فوق يدها..نستنى فيها تحكي..
فيرا: خفت بزاف م...
نزلت بيدي لشفافها..حطيت يدي عليهم سكتها نحكي..
: متزيديش تعاودي ## هاد الكلمة كي تكوني معا ###..انا مستحيل نخلي حاجة تقيسك م..
قبل ما نكمل نحكي..حطت يدها فوق يدي لي على فمها..حسيت بشفافها السخونين وقت طبعت بوسة على كفي..جسمي تكهرب..بدني قشعر..قبل ما نلحب ندير حتى غلايكسيون..ترمات عليا عنقتني غرست راصها فرقبتي..تبسمت..نزلت راصي بستها من شعرها..و رجعت كبست عليها اكثر..منعرفش شحال تعدا وقت علينا لتم و حنا معنقين بعض فهاديك الحالة..فقت على صوت طونوبيل لي تزمرلنا..جبدتها عليا شوية..تلفتت شوف معاه..و اخيرا وصل..وقفت نشوف معاها مديتلها يدي..
انا: هايا خلينا نروحو
شدت فيها..هبطتها بلعقل..
انا: تقدري تمشي ؟ مراكيش ديخانة ؟
هزتلي براصها لالا..جبدتها مكتفها لصدري..نمشي و هي فحضني..فتحت باب الطونوبيل ملور..بعدتلها باش تقدر تطلع..طلعت و لحقتها..غلقت الباب..رجعت رميت يدي جبدتها لعندي..جات على صدري..رفدت يدها كبشت فتيشرت تاعي..نزلت راصي ايها تبسمتلها..ردتلي التبسيمة..قطع علينا صوت الراجل لي يسوڨ..
_سلامتك بوس
انا: مممم
_نديك لدار و لا للفيلا ؟
انا: روح للفيلا
_حاضر
ديمارا..تكيت لتالي..تحركت شوية فوق صدري..غمضت عينيا..كتفي قاعد ينزغ فيا..اما مشي حاب نبعدها عليا..اصلا لتو مزلت مخلوع و صورتها و هي فاقدة الوعي بين عينيا..قلبي لتو مزالو يخبط..منيش مصدق انها بخير و مصرالها والو و بين يديا..الخوف معرفتو غير معاها..خوفي الوحيد لي عرفتو فحياتي كامل هو اني نخسرها شي نهار..مستحيل كنت نسامح روحي لوكان تقاست..اما لي محيرني كيفاه صرا هاكا..متأكد اني جوزت الطونوبيل عالكونطرول..منعرف..يمكن مقصودة..كلش نتوقعو معا هاد ##### لي خدام معاهم..افكار يدوني و افكار يجيبو حتى محسيتش
بالطريق..فقت وقت شد فران..طلعت راصي..تقعدت بالسيف..جبدت روحها شوية عليا..فتحت الباب نزلت..مديتلها يدي شدتني و نزلت..دخلنا معا بعض..وقفت عند الباب دقيت..تلفت ليها لقيتها مركز معايا..هزيتلها براصي نسأل فيها..هزت كتافها و ضحكت..مفهمتش واش بيها..اما ضحكتها خلاتني حتى انا نضحك من غير ما نفهم..شوية و تفتح الباب..تلفت ليها..شهقت فرد مرة و هي تشوف فينا..
وردية: واااش صراالكم !!
انا: والو غير اكسيدون صغيرة
وردية: اكسيدوووون !!
انا: خلينا ندخلو اومبعد نحكو
فاقت على روحها..بعدتلنا بالزربة مالباب..دخلت و باقي يدي فيدها..دخلت بيها لصالة..قعدتها عالفوتاي و وقفت قدامها..دخلت مورانا بالزربة..نسمع فيها تحكي مورايا..
وردية: راكم ملاح ؟؟
تلفت ليها..قبل ما نجاوبها سبقتني..
فيرا: ملاح متخافيش
قربت ليها اكثر..قعدت قدامها..حطات يدها على راصها بلاصة الضربة..تشوف معاها..
وردية: يا ناري على بنتي هادي متكون غير عين و ضربتكم..هشام و نتا ياخي مبيك والو ؟
هزيتلها براصي لالا نحكي..
انا: خالتي عندي خدمة عقميلها الجرح نتي نكملها و نرجع
طلعت راصها ليا بالزربة..نزلت بعينيا ليها..عقدت حواجبها تسأل فيا..
فيرا: بصح هشام نت..
قاطعتها كي حطيت يدي على شعرها نحكي..
انا: ياروحي لازم نروح امين قاعد يستنى فيا..تهني نكمل و نرجعلك..تفاهمنا ؟
عضت شفتها..هزتلي براصها ايه..نزلت عليها اكثر بستها بلاصة الضربة و جبدت روحي..
فيرا: انتبه على روحك
انا: حتى نتي
تبسمتلي..تلفت لخالتي غمزتلها..طمنتني بعينيها..عطيتهم بالظهر و خرجت..فتحت لقجر تاع الطابل لي لتم..رفدت مفتاح الطونوبيل الثانية و خرجت..لوكان متهنيتش عليها معاها مكنتش راح نروح و نخليها..متأكد راح ترد بالها عليها..هبطت للڨاراج..ديت الطونوبيل و ديماريت..ديراكت لعندو..كلش قاعد نفكر فيه هو لي راح نسمعو من هاديك المديرة..تفكيري غير فالشئ لي راح تقولو..حتى منعرفش كيفاه وصلت لعندهم..فتحت الباب نزلت..طلعت راصي نشوف معاها..دار صغيرة مطرفة..عقدت حواجبي و انا نشوف فأمين قاعد معا مرأة كبير..### ## لحق يقعد يشرب معاها قهوة و حنا منعرفو لا اصلها لا واش كاين تحت راصها..تنهدت..قربت اكثر فتحت هاديك الباب الصغيرة..دخلت..كل خطوة نعملها جيهتهم قلبي يدق اكثر..اول ما لحقت ليهم..طلعت راصها ليا..شافت معايا..
_لحق صاحبك
تلفت ليا بالزربة..وقف يحكي..
امين: سلامتك..سافا ؟
انا: مممم
_متحكيش معاه..مراهوش لاتي الظاهر عندو بزاف اسئلة
تبسمت على جنب..بعدلي تمين من وجهي..قعدت مقابلها..تكيت لتالي نحكي..
انا: يظهرلي راح نتفاهمو
_معندي ما نتفاهم معاكم قول لي عندك و روح من هنا
تقعدت..تكيت بيديا على الطابل..حكيت من غير مقدام مدام هي حابة هاكا..
انا: فيرا جبروت
تبسيمة ترسمت على وجها..عقدت حواجبي..تنهدت تحكي..
_قصدك مروة
انا: واش قصدك ؟
_واش حاب تعرف بالضبط ؟
انا: كلش يخصها
_منعرفش بزاف حاجات..
انا: احكي لي تعرفيه
_هي من اب ايطالي و ام جزائرية..
طلعت حواجبي..كنت متوقع حاجة هاكا..تبسمت بين شفافي..هادا هو التفسير الوحيد لي يفسر طلاقة لسانها فلغتنا..و عينيها لكبار المكحلين النواغ..شعرها الطويل الاسود..و بشرتها الصافية لي مايلة لسمورية..و راصها اليابس لي معندوش علاقة بالايطاليات..مجاتنيش حاجة غريبة..خاطر كانت باينة انو فيها عرق شرقي..قطع سرحتي صوتها و هي تكمل تحكي..
_جابوها للميتم لقديم كي كان عمرها عام و شهرين..جابتها يماها
عينيا وساعو معا اخر كلمة خرجت من فمها..فمي تحل..غمضت عينيا و رجعت فتحتهم..نحاول نستوعب لي سمعتو دك..سمعت و مسي مصدق لي سمعتو..تي فكرتهم ميتين..
انا: ك كيفاه
_كيما سمعت..نظن باباها مات و يماها جات حطتها و راحت..منعرفس يمكن مقدرتش على تربيتها..مزلت سافية لحد الساعة على هاديك الليلة لي حطتها فحضني..من دموعها عرفتها كانت مجبورة..يمكن حست بنتها عائق فوجها..كانت تبان صغيرة فلعمر اكيد مزالها عايشة..هادا كلش نعرفو
بلعت ريقي بالسيف..مخي حبس..مقدرتش نزيد حتى حرف..جيست طبعت الكرسي للور وقفت..نبعد منهم من غير ما نحس..راصي نحس فيه راح يطرطق..نسمع فيه يعيطلي اما مقدرتش ندور ليه..تفكيري فحاجة وحدة دك..كيفاه راح نقوللها..كيفاه راح نقوللها انو يماها خلاتها و سمحت فيها..كيفاه راح نقوللها يماك سمحت فيك خاطر حساتك حمل ثقيل..راح تدمر..تي هيمن الاصل الكلمة هادي بالذات تاع "عائق" دخلها بعضها..شفت لي صرا فيها وقت سمعت ياسين قالها عليها..كيفاه راح نرجع نقولهالها انا دك..للحظات تعدات بين عينيا صورتها وقت جاها الانهيار العصبي هاديك المرة..مستحيل نقدر نتحمل نشوفها قهاديك الحالة مرة ثانية..كيفاه راح ندير..و الاهم حتى ادا ادا حبيت نخبي عليها..كيفااه راح نقدر..كيفاه راح نقدر نسوف فعينيها و انا مخبي هاكا حاجة..ندمت..نندمت و نعلت الساعة لي قررت فيها نحوس عالحقيقة. طحت بين نارين و معادش عرفتش واش لازم ندير..
