مهدي يحكي:
نفتح فعينيا و نرجع نغلق..راصي نحس فيه راح يطرطق بلوجع..تركزت بيديا عالسرير..تقعدت..حطيت مرفقي عالجونو تاعي..عديت يدي على شعري..ثواني و رجع لي صرا لبارح تعدا بين عينيا..عينيا وساعو..تلفت جيهتها بالزربة..قلبي دق بالقاوي و انا نشوف معاها..راقدة قدامي..لافة نص لغطا عليها..عينيه مرشوقين فالسقف و دموعها وديان..تنهدت نحكي..
انا: ندمتي ؟
تبسمت شطر تبسيمة..هزتلي براصها لالا..تفرهدت..خفتها تكون ندمت..معا انو هي لي جات ليا و هي لي كانت حابة..اما منعرفش علاش ضاق صدري من فكرة انها تكون ندمت..قاطعتني تحكي..
ليديا: تعرف انو نتا اول واحد يقيسني بعد هشام ؟
انا: علاه
ليديا: وشنو علاه
انا: علاه خليتيني تلفتت بعينيها ليا..هزتلي بكتافها تحكي..
ليديا: منعرفش..يمكن خاطر حبيت ننتقم منو بطريقتي
انا: اما عارفة انو هاد الشئ مراح يهز فيه حتى شعرة
تنهدت..لفت الغطا عليها..تقعدت فبلاصتها تحكي فرد وقت..
ليديا: ممممم عارفة لمهم اني رضيت روحي..و نتا ؟
انا: وشنو انا ؟
ليديا: علاه كملت معايا رغم انك تحبها
انا: حتى انا راجل و عند حاجيات
تبسمت على جنب..تبسمت بإنكسار تحكي..
ليديا: معنتها عندنا مصالح مشتركة..انا هنا وقت ما حتجتني.. و نتا نعرف بلاصتك وقت ما حتجتك
انا: متأكدة ؟
ليديا: ممممم
تبسمت على جنب..جريئة..رفدت يدي حطيتها على البقع الزروقا لي فرقبتها..تبسيمة خبيثة ترسمت على وجهي..
انا: علاه مصديتينيش
جبدت روحها وقفت شادة الغطا و لافتها عليها..تحكي فنفس الوقت..
ليديا: نتا فرغت غضبك فيا..و انا فرغت حرقتي فيك..معنديش علاه نصدك
رمات كلامها و دخلت لدوش..خلاتني فبلاصتي..غريبة هاد الطفلة..مشي نرمال..سلمتلو بدنها و سمحت فكلش علاجالو..حباتو لهاد الدرجة و فلخر خيرت انها تطفي حرقة قلبها عن طريق راجل وحدوخر..خيرت تمد بدنها لواحد اخر باش طفي لي فيها..هادا هو الحب عند النساء ؟..هاكا يحبو هوما ؟ وقت تتحرق ملي تحبو تروح تسلم روحها لواحد اخر..و انا ؟ منعرفش كيفاه تخيلتها هي لي بين يديا..كأنو بدنها هو لي كان تحتي..مفهمتش ادا هادا هوس بيها..ولا حاجة تانية..هزيت راصي نبعد فهاد الافكار..ميهمنيش فيها..كيما قالت بالضبط..مصالح مشتركة..راح ناخذ لي حاجتي بيه منها و من بدنها و هي تاخذ لي حاجتها بيه مني و قص..اما صح حبة سبيسيال..ادا مكنتش غالط نظن اروع طفلة ذقتها لحد الساعة..صح متختلفش بزاف على بنات الليل..بصح منعرفش علاه حسيت فيها حاجة سبيسال..ضحكت على جنب..نظن مراحش تكون اخر ليلة تجمعنا..رفدت روحي وقفت..قربت لخزانة..خذيت حوايجي..و خرجت لدوش تاع لتحت..دخلت ديراكت تحت الماء..خذيت دوش بالزربة..لبست حوايجي و خرجت..اول ما فتحت الباب قابلتني..نازلة مالدروج..هزيتها و حطيتها..عقدت حواجبي و انا نشوف معاها لابسة سيرفات تاعي..السروال تعوم فيه..و الفاست منحكوش..يديها مولاوش يبانو..وقفت قدامي سواسوا..
انا: واش هادا ؟
ليديا: وشنو ؟
انا: علاه راكي لابسة حوايجي..
ڨحرتلي تحكي..
ليديا: نتا قطعتلي لاغوب تاعي لبارح
ضحكت على جنب وقت تفكرت..كنت كيف الثور حتى مفقتش واش درت..رجعت حكيت..
انا: وين رايحة ؟
ليديا: لدار..اومبعد نجيبلك السيرفات
انا: ممم اك
هزتلي براصها..تعدات عليا من غير ما تزيد حتى كلمة..تلفت نشوف معاها..رافدة شعرها للوق..بقع زروقا واضحين على لحمها الابيض..حكيت حاجبي نضحك على لي عملتو..رجعت حكيت قبل ما تخرج..
انا: ديري لاكابيش تاع السيرفات غطي رقبتك
تلفتت ليا..ڨحرتلي..عارفها فهمت قصدي..دارت لاكابيش..غطاتها كامل..و رجعت تلفتت خرجت..خذيت نفس طويل..طلعت لفوق..اول ما دخلت للبيت قابلتني الروب تاعها..مرمية عالسرير..قربت ليها..رفدتها فيدي نشوف معاها..تقطعت ملور و السنسلة لي فيها طارت وقت جبدتها بالقاوي..ضحكت بالقاوي..تي لي يشوف يقول وحش نهشها..رجعت رميتها عالسرير..قربت لطابل دونوي..رفدت تيليفوني..بقيت لثواني مشوف معاه متردد..فلخر عيطتلها..مرة و زوج و ثلاثة..فكرتها مراحش ترد..كبست عالتيليفون فيدي راح نزلو..مافقت غير على صوتها..
فيرا: الو
قلبي دق بالقاوي..غمضت عينيا بقوة و رجعت فتحتهم نحكي..
انا: بونجور
فيرا: بونجور مهدي
انا: سافا ؟
فيرا: سافا و نتا
انا: مليح..ااا فيرا واش جيت حنقولك
فيرا: غير الخير
انا: فتح كافي جديد و كنت رايح نجربو قلت ادا تحبي تجي معايا نفطرو معا بعض..ادا مزال مفطرتيش
سكتت شوية..عرفتها قاعدة تخمم..شوية و حكات..
فيرا: موافقة معنديش مشكل
خذيت نفس طويل..تبسمت..مكنت متوقع تقولي ايه..رجعت حكيت..
انا: راح نجوز عليك لدار معنتها
فيرا: ل لا استنا منيش فدار
انا: وين راكي ؟
فيرا: قدام المنارة على شط لبحر
انا: اوكي مسافة الطريق و نكون عندك
فيرا: نستنى فيك
قطعت عليا..نزلت التيليفون عاقد حواجبي..كبست عالتيليفون فيدي..منعرفش واش داها للتم..نزلت نلبس فسباطي..رفدت الفاست تاعي و خرجت..ركبت و شديت الطريق لعندها..مسافة الطريق و كنت قدام المنارة..لمحتها قبل ما ننزل..قاعدة عالكرسي..مقابلة لبحر..مفهمتش واش جابها هنا معا الصباح..و مفهمتش واش قاعدة دير..فتحت لباب نزلت ليها..وقفت موراها سواسوا..منتبهتليش..قبل ما نحكي سمعت صوت تيليفونها..عقدت حواجبي نشوف معاها رفداتو..رميت عيني لليكخون..فكرتو هشام..اما طلع رقم غريب منعرفوش..ستغربت وقت شفتها قطعت علين..اما مركزتش معاه..لي يهمني انو مشي هاداك ###..رسمت تبسيمة على وجهي..و وقفت قدامها..
انا: فيرا
طلعت راصها ليا بالزربة..
فيرا: مشفتكش كي جيت
انا: اصلا ادوين لحقت
تبسمتلي..قعدت قدامها نشوف معا لبحر..
انا: شابة لبلاصة هنا
فيرا: مممم
انا: واش جيتي ديري هنا فهاد الوقت
فيرا: والو غير حبيت نجري شوية و نشم هواء نقي
تلفت ليها..اداوين نتبهت لحوايجها..لابسة حوايج سبور..تبسمت معاها..
انا: معنتها اكيد جيعانة
فيرا: ههه وي بزاف
انا: خلينا نروحو مال
وقفت..وقفت جرتها..تلفتت رايحة عقدت حواجبي..رجعت حكيت..
انا: وين رايحة
تلفتت ليا.. تحكي..
فيرا: لطونوبيلتي
انا: اه جبتيها ؟
فيرا: وي
انا: خليها هنا نبعت كاش واحد يديهالك لدار و نروحو بطونوبيلتي
فيرا: نو مكالاه..نتا روح و انا راح نكون موراك احسن
انا: كيما تحبي
تبسمتلي و رجعت تلفتت..بقيت نشوف معاها حتى ركبت..و رجت حتى انا لطونوبيلتي..ركبت و ديماريت..نسوق و عيني عليها مورايا..قضية عسر دقايق و كنا قدامو..شديت فران..نزلت..تلفت ليها..لحقت توصل ليا ديجا..وقفت قدامي..تلفتت للكافي وورجعت شاف معايا..
فيرا: باين فيك كلاس
انا: وي هادا لي بانلي
فيرا: خلينا ندخلو
هزيتلها براصي ايه..سبقتني..لحقتها نمشي و عيني عليها..شدت اخر طابل عند الشباك..قعدت مقابلها..
فيرا: الديكور تاعو بزاف شباب
انا: وي متناسب معا المنظر لي يطل عليه
فيرا: اول مرة ندخل كافي فيه اثاث باخرة
انا: تحسي روحك وسط لبحر
فيرا: بالضبط
قاطعنا السارفور..طلبنا قهوة و كيك..خذا الطلبات و راح..طلعت راصي نشوف معاها..سارحة فالبحر..منعرفش فاش قاعدة تفكر بالضبط و محبيتش نقاطعها..جيست نشوف معاها و نتبسم..فيقها السارفور وقت رجع حط قدامها..شافت
معايا..تبسمتلها..و نزلت راصها تاكل و تشرب فقوتها..رفدت قهوتي نتشرف منها منغير ما نزل عيني عليها..منعرفس علاه اما حاسها متبدلة ليوم..حاجة فيها متبدلة..شوية وقت و حكيت..
انا: فيرا
طلعت راصها ليا..رفدت البابيي تمسح ففمها بلعقل..نزلاتو تحكي..
فيرا: نعم
انا: راح تجي غدوة ؟
فيرا: وين ؟
انا: لحفلة التبرعات
عقدت حواجبها..ستندت بيديها عالطابل..ركزت معايا اكثر..
فيرا: حفلة تبرعات ؟
انا: وي منظمة القرش كل عام تعمل وحدة
تبسمت على جنب..قلبت عينيها تحكي..
فيرا: باش تغطي بيها اعمالها الموسخة
انا: امممم تقدري تقولي
فيرا: موافقة راح نجي
سكت شوية..حاب نسألها ادا راح تجي معا هسام ولا نجوز عليها..اما خفت يكون سؤالي مسي فمحلو..خذيت نفس طويل..رجعت حكيت..
انا: معامن راح تجي
تكات لتالي..تبسمتلي..
فيرا: وحددي
انا: وحدك ؟
فيرا: ممممم
هزيتلها بكتافي..محبيتش نضغط عليها و لا نعرض عليها انها تروح معايا..من غير شي حاسها مبدلة..مشي حاب نفرض روحي عليها..شافت معا ساعتها..و رجعت سافت معاياا..
فيرا: ديزولي مهدي اما لازم نروح دك..تأخرت على خالتي وردية اكيد تكون فاقت و تحوس عليا
انا: مقلتيلهاس بلي خارجة ؟
رفدت روحها وقفت..تحكي فرد وقت..
فيرا: هأة مقلتش كانت راقدة
انا: تحبي نوصلك ؟
فيرا: لا مكالاه..ميرسي عالفطور
انا: من غير مزية
تبسمت معايا..رديتلها التبسيمة..و عطاتني بالظهر خارجة..بقيت نشوف معاها حتى غابت على عينيا..تنهدت بحرقة..معادش نعرف واش لازم نعمل..و موليتش عارف وين راه الصح و وين راح الغالط..
هشام يحكي:
كابس عالفولون بكل قوتي..رجلي تتهز وحدها مالزعاف..شطر عقليىطار وبت قالي العساس انو خرجت على الصباح بكري..راح ترجع..اكيد راح ترجع و ساعتها حسابي معاها..اصلا للدك مزلت نحس فروحي نغلي من لبارح..تي الفرخة مفهمتش كيفاه دارت فبالها بلي نقدر نكون نفكر فبدنها برك..اصلا منعرفش كيفاه طلع معايا هاداك لكلام..لحظة غش..خاطر بالحق صدمتني بردها..متوقعتوش..حتى معرفتش كيفاه حكيت..عارف روحي مكانش لازم نحكي هكاك..اما هي لي مخلاتش فيا عقل..وجها صحيح و تقولي منحبكش..علاه انا سألتها من الاساس..مشي بيدها و مشي كيما
تحب..تحبني ولا متحبنيش مشي شغلي..لي يهمني انها ليا..تاعي انا..ملكي..فقت وقت حبست طونوبيلتها مقابلتي..شرفت لالة..طلعت راصي ليها..طاجت عيني فعينها..ڨحرتلها..هربت بعينيها مني..نطرت الباب فتحتها..قربت ليها..نزلت مطونوبيل..عينيا وساعو و انا نشوف فحوايجها..تي الفرخة لابسة فيزو تاع ##### و فاست قصيرة يا ربي تلحق لتحت صدرها و تريكو تحتو مكبوس مفصل على كرشها..تفاصيل بدنها كامل باينين..علاه شقات روحها لبست كون خرجت كيما خلقها ربي كان احسن..شادة شعرها طمطومة ولا منعرف واش لفوق..اول ما لحقت لعندها..زربت جيهتي باس تتعداني..حركتها كملت على لي بيا..شديتها من يدها بكل قوتي رديتها للور حتى خبطت فالطونوبيل..طلعت راصها ليا ڨحرتلي تحكي..
فيرا: واش بيك ؟ نرمال في عقلك ؟ قريب كسرتلي ظهري
رفدت يدي من غير وعيي خبطت الطونوبيل موراها حتى تهزت..نحكي فوجها..
انا: ### الا ما نكسرلك رااصك مشي غير ظهرك..نرمااال نتي كيفاه تخرجي بهاد اللبسة ؟
طلعت راصها ليا..مزال تڨحرلي..قرنت حواجبها..تحكي و تعاطي..
فيرا: و نتا واش قلقك ؟ جينيتك ؟ ياخي انا لي خارجة هكا مشي نتا
عديت يدي على شعري بالزربة نحاول نهدي روحي باش منغلطش معاها..
انا: شووف كي مزال تحكي
حطيت يديها على صدري دفعتني لتالي تحكي..
فيرا: وعلاه منحكيش ؟ علاه غير نتا لي تحكي
طلعت حواجبي..مصدوم من طريقة كلامها..كملت تحكي..
فيرا: متزيدش دخل روحك فيااا حياتي و ندير فيها لي نحب و معا لي نحب
على اخر كلماتها..حطيت يدي على كرشها دفعتها لتالي حتى رجعت خبطت فالطونوبيل..لسقت فيها اكثر باش متتحركش..نحكي فوجها..
انا: حياااتك لي تحكي عليها ملكي..ملكي انا
تبسمت على جنب..تبسمت بشماتة..تبسمية زادت على لي بيا..مكافتنيش نظرة عينيها لي كلها برود و لا مبالاة..رجعت تحكي..
فيرا: غالط سي هشااام..يمكن يجي نهار يولي بدني ملكك كيما قلت لبارح..اما حياتي و انا حرة فيها و عمرك ما راح توصللها..
طرف لعقل لي كان باقيلي طيرتهولي سايي..مفقتش على روحي كيفاه شديتها من فكها طلعتها ليا..
انا: ### واش هااد الهدرة هبلتي ؟ حاااابة تخرجيني من عقلي دين ###
هزت راصها تحاول تفك روحها مني..عرفت روحي وجعتها..رخفت يديا عليها شوية..رجعت حطت يديها على صدري تحاول تبدعني..تحكي فرد وقت..
فيرا: مشي هادا كلامك لبارح ؟ مشي هادا لي قلتو
خبطت الطونوبيل موراها بكل قوتي..تهزت و تنفظت..غمضت عينيا بقوة نحاول نتمالك اعصابي..نزلت عليها اكثر خدي معا خدها..نحكي فودنها..
انا: متزيديش تهدري ### بلللعي متخلينيش نغلط
مزادت حتى حرف..نفسها تقطع..عارفها دخلت بعضها..نعرفها وقت تكون هكا..حتى انا مقدرتش نجبد روحي..خذيت نفس طويل من ريحتها..كيف المهدئ تماما..كنت راح نبوسها..اما قاطعتني وقت نزلت راصها تحت يدي و خرجت من بين يديا..بعدت..طلعت راصي بالزربة ليها..ڨحرتلي تحكي..
فيرا: خليك بعيد عليا احسن
قبل ما نلحق نردلها..عطاتني بالظهر داخلة..عينيا وساعو و انا نشوف معا التريكو لي تحت الفاست تاعها..مفتوح ملور على شكل مثلث..تحت رقبتها..الوشم باين..غمضت عينيا بقوة و رجعت فتحتهم..بزوج خطوات..زوج خطوات كنت موراها..لفيت يدي على خصرها خطفتها لعتدي حتى خبط ظهرها فصدري..حطيت يديها على يديا..كبست عليا..
فيرا: ه هشاام و واش راك ديير
حطيت شفافي على ودنها نحكي..
انا: نعدين ###.. خرجتي هكا ###..لي يشوف رقبتك يتشهى يحط شفافو على ### هااد تاتو.. ### حياتي
تكوانسات فبلاصتها..سمعتها وقت بلعت ريقها..كبست عليها اكثر..شوية و رجعت حكات..
فيرا: واش دخللللك يتشهااوه ولا لالا..بعددد عليا
عروقي حسيت بيهم وقت تكبسو..شعر راصي وقف معا جملتها..نااوية على اخرتي و على موتها..مفقتس لروحي كيفاه عيطت..
انا: يتشهاااوه حبيتي يتشهاااوه ؟؟
مردتليش..حطيت شفافي عليه..نبووس فيها بقوة..بغزول..نبوس فيه بالزربة بوسات صغار و جملة وحدة بين شفافي يتتعاود.."ليا..تاعي انا"..حسيت بيها وقت ترخفت..كيما حسيت برعستها و بجسمها لي كل مرة يكون بين يديا يسلملي..فقت على صوتها لي خرج متقطع ببحة غريبة..
فيرا: ه هشام ا اطلق ر رانا برا
ساعتها برك فقت على روحي..فقت وين رانا و واش راني ندير..جبدت روحي شوية..تبسمت على جنب و انا نسوف معا الوشم حمممر..عارف روحي حرقتها..اما ناري مطفاتش..حطيت نيفي على رقبتها..و طلعت بيها لشعرها..خذيت نفس طويل من ريحتها..و هي ولا كلمة..مرخوفة بين يديا..عارف تأثيري عليها..كيما عارف انو مهما تنكر عندي بلاصة فقلبها..رفدت يدي فتحتلها شعرها..طاح كامل عليها حتى تغطى الوشم..نحيت يدي الثانية بلعقل على كرشها..نبعد فيها بلا ما نحيها من على بدنها..قرصتها قرصة خفيفة وقت لحقت لخصرها..تهزت و تنفظت..تكبست بكلها..ساعتها برك عرفت انو فاقت من سرحتها..ضحكت على جنب نحكي..
انا: هادا عقابلك..دك ادخلي لدار و ياااويلك نعرفك خرجتي..
تمتمت بين شفافها مفكرتني مسمعتهاش..
فيرا: متوحش
قبل ما نلحق نرد عليها..خلاتني مكوانسي فبلاصتي و دخلت تجري لدار..هاربة مني..كنت حاب نشوف وجها لي عارفو كيفاه يكون وقت نكون قريب ليها لهاديك الدرجة..اما خسارة هربت ههه..بقيت نشوف معاها حتى دخلت..بقيت واقف فبلاصتني نتبسم وحدي..مالا هبال يحكمني وقت تبدا بين يديا..عقلي يولي يصورلي حاجات مطيحش عالبال وقت تكون قدامي..نحب نجبدها لعندي و نغطس فيها و ننسى الدنيا كاملة..من عند ربي حاكم روحي عليها بالسيف..و متعمدة تكمل عليا بابسط تصرفاتها الطفولية لي تهز عروش قلبي مالداخل..غالقة راصها و مشي حابة تفهم اني نغير عليها حتى من نسمة لهواء لي تلعب بشعرها..غالقة راصها و تعذب فيا كأنها قاعدة تعزف على اوتار قلبي بكل برودة..محبتش تفهم..محبتش تفهم اني نعشق ف###..و ##### عليها..و مبقيتش قادر نصبر و لا نتحمل بعدها..
★★★
رايكم ؟ توقعاااتكم😈تصويتاتكم..و تعليقاااتكم لي لاحظت بلي غابو هاد الفترة😒😒
#لمهم نحب نقوللكم🌸 وجدولي روحكم للحلقات الجايين😚خاطر لي قاعدين تستناو فيه كلكم على نار راح يصرا😉🔥
😂😂😂تفاااعلو😌✌
