وقفت عند الباب..رجليا مشي حامليني..دموعي محبوش يحبسو..نبكي بلا صوت..فتحت صاكي..نحوس عالمفاتح..فتحت الباب و طبعتها مورايا..نتمشى بالسيف جيهة الدروج..مشي قاعدة حتى نشوف قدامي..قلبي قاعد يوجع فيا..و راصي نحس فيه تقيل راح يطرطق..حبست عند الدروج راح نطلع..لفت انتباهي الضوء لي خارج من بيتها..منعرفش علاه اما تمشيت جيهتها..طبعت الباب شوية..نشوف معاها..قاعدة عالسرير و كتاب قرآن فيدها..تقرا بصوت هادي..تبسمت وسط دموعي..منتبهتليش..قربت ليها بخطوات تقال..وقفت قدامها..طلقت الصاك من يدي طاح عالارض..طلعت راصها ليا مخلوعة..عينيا وساعو..شهقت..عرفتها حالتي داخلة بعضها..قبل ما تنوض حبستها نحكي..
انا: م متنوضيش..خ خليك
طلعت قدامها..حطيت راصي على رجلها..حطت يدها على راصي..
وردية: فيرا بنتي واش بيك !!! واش صرالك ؟؟ فكرتك كنتي معا هشام
تبسمت وقت سمعت اسمو..رجعت حكيت و تبسسمة انكسار مرسومة على وجهي..
انا: هشام راح..سمح فيا..خلاني من اول مشكل..
صوتي تخنق بالبكاء..حطيت يديا على وجهي..رجعت طرطقت بالبكاء..سمعتها وقت رجعت حكات..
وردية: هشام مستحيل يعملها..منعرفش واش صرا بصح هشام مستحيل يخليك..
مرديتلهاش..جسيت قويت فالبكاء اكثر..وقت تفكرت وعودو..و كلامو انو مراحش يخليني..ما حسيت غير بيدها تمسح على شعري و تحكي..
وردية: " ألم نشرح لك صدرك..و وضعنا عنك وزرك..الذي انقض ظهرك..و رفعنا لك ذكرك..فإن مع العسر يسرا..ان مع العسر يسرا..فاذا فرغت فانصب..و الا ربك فرغب"
صوتها كان هادي..حنين..جسمي قشعر..هادي ثاني مرة نسمع فيها القرآن فحياتي كاملة..المرة الاولى كانت وقت سمعتو من عند الطباخة تاع الميتم..و ساعتها دخلت الاسلام..و هادي ثاني مرة..نزلت يديا بلعقل من على وجهي..نشوف معاها تتبسملي..رجعت حكات..
وردية: ربي وعدنا مرتين انو بعد العسر يسر..و مستحيل رب العرش يخلف وعدو..اتهني و اصبري برك..ادا مشي ليوم غدوة..ادا مشي غدوة لي بعدو..جروحك راح تداوى
دموعي لي كانو ينزلو حبسو مرة وحدة..تبسمتلها بالسيف..غمضت عينيا..منعرفش علاه اما كلامها ريحني..حتى منعرفش كيفاه غفيت عندها..
هشام يحكي:
بقيت واقف فبلاصتي..كابس على يدي بكامل قوتي..منيش مصدق لي دارتو..نحس فروحي نغلي..الغاز طالع من رجليا لراصي..متقلقتش خاطر راحت الصفقة كيما تقلقت من خوفي عليها..هي بهاد التصرف خلات العينين عليها..هو مستحيل ينحي عينو عليها بعد اليوم..انا لي نعرفو..عديت يديا فيزوج على وجهي بالزربة نحاول نتحكم فاعصابي..راح يحطها بين عينيه..حمايتها منو صعابت اكثر بعد ## الجاست لي دارتو..مفهمتش كيفاه طاحت فبالها..مفهمتش اصلا كيفاه قدرت ديرها..مخي نحس فيه تغلق..الحاجة الوحيدة لي قادر نخمم فيها فالوقت الحالي..انو هو راح يركز عليها ماليوم و طلع..تي الفكرة برك نحس فيها خرجتني من عقلي..نعرفو..و نعرف عقلو وين يديه..هي صعبت عليا مهمة حمايتها اكثر..نفخت بالقاوي..طلعت راصي نشوف معاهم..كامل مركزين معايا..### زهري..هزيتلهم براصي باش يتحركو..و طلعت لطونوبيل..رميت يدي لقرعة الماء جبدتها..شربتها منها فرد مرة نحاول نهدي روحي..رجلي تتهز مالعصب..رميت القرعة..خبطت الفولون بكامل قوتي..علااااه..علاااه عقلها الصغير هاداك مصر يهبلني و يخرجني من عقلي علاااه مصرة تحط روحها فمواقف يخلو العينين عليها..ناااوية تخرجني من عقلي..مخلاتش فيااا عقل يخمم..انا نفكر فمصلحتهاو كيفاه نخليها بعيدة عالدومان..انا لي وليت نزرب باش ندي لي حابو منالمنظمة و نخرج منها باش نقدر نعيش معاها حياة طبيعية..و هههي لي كل مرة مصرة تردني للور..سنين بااش كسبت ثقة رجاالي جات هياا فنص ساعة ردتني بعام كاامل للور..كبست عالفولون بكل قوتي..ديماريت طاير..راصي نحس فيه راح يطرطق..النفس يتغلق عليا فكل مرة نتفكر انو هادلك ال### راح يولي حاط عينو عليها..نقتلو..والله نقتلو قبل وقتو لوكان يقرب جيهتها و لا يحاول حتى يهدر معاها..منعرفش كيفاه لقيت روحي قدام الدار..نزلت و خبطت الباب مورايا..طلعت لدار..فتحت الباب و دخلت..طبعتها مورايا..دخلت ديراكت لصالة..قربت لطابلة رفدت القرعة و الكاس..و رجعت لتالي..ترميت عالفوتاي..عمرت فالكاس..غمضت عينيا بقوة و انا نشوف فقطرات الشراب يطيحو
فالكاس..للحظات رجعت صورة دموعها و هوما نازلين على خدودها لحمورا تعدات بين عينيا....كبست عالكاس فيدي..فتحت عينيا مروهج وقت رجعت سمعت صدى صوتها وقت عيطت بإسمي لتم..النفس تغلق عليا..رفدت الكاس شربتو فرد مرة و رجعت عمرت وحدوخر..اكثر حاجة كنت حاب عليها ساعتها اني ندور ليها وقت عيطتلي..نعنقها..ندخلها بين ضلوعي و نخبيها منهم كامل.. نمسح هادوك الدموع لي نازلين من عينيها..#### مفهمتش منين تجيب ## هادوك الدموع كامل..كأنها تعمل فيها بلعااني..مليون مرة قتلها متبكيش و هي مستمعش..مصرة تقتلني بالعرق..كنت حاب ساعتها نخبيها مالدنيا كامل..اما مشي بيدي قدام رجالي كاملين كانت حاجة مستحيلة..كان لازم نكبسها و نقسها عليها باش تتعلم تسمع الكلام..يمكن بالغت فردة فعلي و لا قلت كلام فلحظة غش..كلو من خوفي عليها..رجعت شربت الكاس الثاني..و الثالث..و الرابع..نشرب باش نحاول ننسى منظر هادوك الدموع..نحاول ننسى صوت شهقاتها لي مزالو يرن فودني..جيت نعمر كاس وحدوخر لقيتها خلاصت..نفخت بالقاوي..رميتها على طول يدي..سمعت صوتها وقت تكسرت..ستندت بيديا على طراف الفوتاي نحاول نوقف..الدنيا دارت بيا..محسيت غير ببدن سندني و يد تحطت على صدري..فتحت عينيا مروهج..عينيا وساعو و انا نشوف فيها قدامي..رفدت يدي بالسيف حطيتها على خدها..غمضت عينيها تتبسملي..
انا: ف فيرا
رجعت فتحتهم..شدت يدي لي على خدها..نزلتها لشاففها طبعت بوسة على كف يدي..عقدت حواجبي..محسيت بوالو..شعرة متحركت فيا..قلبي مدقش..كانو مشي حبيبتي لي هنا..قبل ما نلحق نحكي..نزلت بيدها ليدي..تمشات تجر فيا موراها للبيت..مقدرتش نحي يدي من يدها..مرة نشوفها نورمال و مرة نشوف فشعرها احمر..مروهج مشي قادر حتى نفتح عينيا..اسمها برك لي يخرج من بين شفافي..دخلت للبيت و تلفتت ليا..بقيت واقف قدامها من غير حتى حركة..مشي مستوعب لي قاعد يصرا..محسيت غير بيديها لي قاعدين يقتحولي قفالي الشوميز..و شفافها لي يطبعو فبوسات على صدري..لفيت يدي على ظهرها..كبست عليها..
انا: ف فيرا ه هادي نتي ؟
اخر حاجة متذكرها هي وقت قاتلي "ممم انا حبيبي".. و رمات روحها عالسرير و جبدتني معاها و كملت نزلتلها الروب..بعدها مبقيت عاقل على والو..لا وين راني و ولا واش صرا..و لا ادا كانت هاديك فيرا و لا قاعد نحلم..
فقت صباح..وجيعة قوية فراصي..فتحت عينيا بلعقل..نشوف معا السقف..فلحظة تنفظت مبلاصتي وقت تفكرت..لي صرا..جيت قاعد..السرير قدامي فارغ..قلبي يضرب فالالف..جيت واقف..منعرغش كيفاه لبست حوايجي..غمضت عينيا بقوة نحاول نتفكر..تعداو صور بين عينيا..متأكد مكنتش نحلم..متأكد انو البارح كانت بين يديا
مرأة..كيما متأكد انها مشي فيرا..خاطر مزلت متفكر اللحظة لي حوست فيها عالوشم فرقبتها و ملقيتوش..مزلت متذكر وقت دزيتها عليا..هزيت براصي لالا..مستحيل..مستحيل نكون عملتها..طلعت راصي بالزربة على صوت الباب لي تفتح..عينيا خرجو و انا نشوف فليديا..الدنيا دارت بيا..رجليا معادوش حامليني..غمضت عينيا بقوة وورجعت فتحتهم..نحاول نستوعب لي نشوف فيه..قربت ليا..وقفت قدامي باش تبوسني..منعرفش على روحي كيفاه طبعتها عالحيط بكل قوتي و جيت قدامها..
انا: وااااش راااكي ديري هنااااا
عينيا تحلو على وسعهم..بلعت ريقها بالسيف تحاول تحكي..
ليديا: ه هشام واش بيك !! واش صرالك لبارح كنت نورمال !!
هزيتلها براصي لالا..نحس فروحي راح نطرطق..قربت ليها سديتها من كتافها نهز فيها..
انا: مصرا والو ###..قوووولي..انطقي لبااارح مصراا والو بيناتناااا
نطرتلي يديا منها..دزتني لتالي بكل قوتها..تحكي و تخبط فصدري..
ليديا: كيفااه مصراا واالو !! مستوعب لي قاعد تقول فيه !! تدي مني لي حاجتك بيه اومبعد تقولي مصرا والو !! نسيت كلامك ليا ليلة لبارح !! كلام الغزل و البوس !! نسيت انك نحيتلي الروب تاعي بيديك !! و دك تجي تقولي مصرا واالو هشاام ؟؟
انا: اخرجي
ليديا: اه ؟
انا: اخررررررجي..قلت ل### اخررررررجي
تهزت و تنفظت..رفدت يدها تمسح فدموعها..تحكي فرد وقت..
ليظيا: حاوزني و اعمل لي حبيت عليه..بصح متقدرش تنكر حقيقة انو نتاا ليلة لبااارح عديتها معايا اناااا
قالت لي عندها و خرجت تجري..خلاتني مكوانسيي فبلاصتي..لالا..مستحيل لالااااا..كيفااه درتها..كيفاااه مسيتها..كيفاه قدرت نديرها..كيفاه قست وحدة من غيرها..انا..انا كنت مفكرها هي..اناااا حسبتها فيراااا..كيفااه..طحت عالسرير مورايا..جيت قاعد..حاط راصي بين يديا..قلبي نحس فيه راح يخرج مبلاصتو..كيفاه راح نقدر نشوف فيها ماليوم و طلع..كيفاه راح نقدر نواجها..و نشوف فعينيها..انا غدرتها..انا قست وحدة من غيرها..مستحيل تغفرلي..و مستحيل نغفر لروحي..انا بيدي دمرت كلش بيناتنا..حطمتها و حطمت روحي..كيفااه قدرت نديرها..مشي متذكر..مشي متذكر حتى حاجة..اخر حاجة متذكرها وقت دزيتها بعد ما ملقيتش الوشم..كيفاااه هاكا..كنت متأكد اني مقستهاش..اما دك لي متأكد منو..اني حرقتها و حرقت روحي..كان لازم نعرف انها مشي هي مالدقيقة لي باستني فيها و محسيت بوالو..كان لازمني نعرفها بلي مشي هي مالدقيقة لي مدقش قلبي فيها من لسمتها..كااان لازم نعرفها..اما انا دمرت ثقتها فيا..
مهدي يحكي:
بقيت فالطونوبيل نستنى فيها بعد ما عيطتلي..منعرفش واش جابها لدار هشام..شوية و هبطت ليا تجري..الضحكة مرسومة على وجها..
فتحت الباب طلعت..شافت معايا..
انا: علاه جبتيني لهنا صباح ربي !
ليديا: عندي ليك سوربرايز
عقدت حواجبي..نستنى فيها تكمل..نزلت راصها لصاكها..جبدت تيليفونها..شوية و حطاتو فوجهي..عييا وساعو و انا نشوف فتصاورها راقدة فوق صدر هشام كيما خلقها ربي..رجعت شفت معاها بالزربة..
انا: متقوليليش !!!
هزتلي براصها ايه تحكي..
ليديا: يعني مشي تماما بصح ديت لي حاجتي بيه
انا: واش قصدك بمشي تماما !!
ليديا: ميهمش..لمهم اسمع..عارف دك واش راح نظير بهاد التصاور ؟
بلعت ريقي بالسيف..عارف واش راه يدور فعقلها..
انا: راح توريهم لفيرا !!
ضحكت بتقوعير تحكي..
ليديا: مشي تماما..يعني اكيد راح تسوقهم بصح مشي دك
انا: واش قصدك !!
ليديا: خمم شوية..هشام اكيد مراحش يروح يقوللها..راح يبقى يشوف فيها و هو خادعها..يعني وقت نوريهملها راح تكرهو اكثر ملي قادرة تكرهو ادا وريتهملها دك
ضحكت بإستهزاء..كملت تحكي..
ليديا: و ادا صرات الحاجة لي راني شاكة فيها يكون احسن
انا: واش هاد الحاجة !!
ليديا: وقت تصرا راح نقولك..هايا دك ديماري خلينا نبعدو من هنا قبل ما يشوفنا
قلبت عينيا..تلفت لطريق..ديماريت..مفهمتش علاه راهي فرحاة لهاد الدرجة..و لي مفهموش اكثر هي علاه انا مرانيش فرحان مع اني عارف انو هاد الحاجة راح تخلي فيرا تكره حتى تشوف فوجهو..اما حاجة داخلي تنغز فيا..بدل ما نفرح انا تخنقت من كلامها..بقيت نسوق و مرة على مرة نرمي عيني ليها..تضحك و طاير بالفرحة..غريبة الطفلة هادي..عمري ما شفت كيما هي..
★★★
رايكم ؟ توقعااااتكم !!؟ اتفاااعلو😑انا مزلت عند كلامي..نسحقكم كاااامل تبانو بلا استثناءات🌝💛واش هي خطة ليديا ؟ و زعما راح تنجح ؟ واش مصير فيرا و هشام ؟ و كيقاه راح يخرج هشام روحو من هاد الموصيبة !!؟
