تصوييييت
مهدي يحكي:
رفدت القرعة..شربت منها ديراكت فرد مرة..غمضت عينيا بقوة..رميتها على طول يدي خيطت معا الحيط جات مفتتة..تكيت لتالي مروهج..منعرفش شحال شربت حتى لدك..راصي يوجع فيا..و الدنيا عاقدة دور بيا..شربت باش ننساها..باس نقدر نخرجها من راصي..اما حاجة ما نفعت..مزلت نتخيلها..مزال قلبي يدق بإسمها..مزالها فكل بلاصة طيح عيني عليها..محبتش..محبتش تخرج لا من راصي ولا من قلبي و مبقبتش قادر نتحمل هاد الوجع كتر..علاه..علاه دارت فيا هاد الشئ..علاه حرقتني بهاد الطريقة و طيحتني فيها..و الاهم..علاه مقدرتش نكرها..بالعكس كل يوم حبي ليها يكبر اكثر..فيقني من سرحتي صوت الباب لي قاعد يدق من مقبيل و محبش يحبس. تكيت بيديا على طراف الفوتاي..رفدت روحي بالسيف..الارض تتحرك تحتي..منعرفش كيفاه لحقت لتحت..فتحت الباب..عقدت حواجبي و انا نشوف معاها..هزيتها و حطيتها..منعرفش واش جابها لهنا كيما منعرفش علاه قاعدة تبكي قدام باب داري..قلبت عينيا نحكي..
انا: واش تسحقي ؟
مردتليش..بزوج خطوات كانت فوجهي..خبطت الباب موراها بكل قوتها..دخلت تخبط فبا فصدري و تحكي و تعيط و تبكي فرد وقت..
ليديا: يحبهااااا..هشااام يحبهااا يحب فيرااا يحبهااا تسمع فياااا ؟؟ راني نقووولك يحبها
رجعت بخطوات للور نوازن فروحي..غمضت عينيا بقوة و رجعت فتحتهم..نشوف فيها كيفاه مصدومة..منهارة..مشي حاجة جديدة لي قالتو..كنت عارف..عرفت انو عندو مشاعر اتجاهها من اول مرة شفتها فالاجتماع و دافع عليها قدامنا..كنت عارف..اما كنت مخطط اني نستغلها ضدو..عمري ما توقعت انو انا لي راح نطيح..فقت على روحي وقت زاد فصوت بكاها اكثر..شديت يديها لي قاعدة تضرب فيا بيهم..منغير ما نفكر جبدتها لعندي بقوة..حضنتها نحاول نهديها..منعرفش شحال بقينا هكاك..من لول اصلا دايخ و زادت عليا..تنهدت نحكي..
انا: اهدي..سايي دك لي صرا صرا..
معا كلماتي جبدت روحها من حضني بالزربة من غير ما تبعد..طلعت راصها ليا تحكي..
ليديا: ي يعني دك انا لي عطيتو اغلى ما عندي بصح هي لي حبها ؟ ه هاكا ؟؟ انا عطيتو قلبي و كلش عندي بصح هي لي عشقها ؟! هكا قصدك ؟؟
كانت تحكي بوجيعة كبيرة..مفهمتش واش قصدها بالضبط بكلمة "عطيتو اغلى ما عندي" و معرفتش واش نقوللها تان..جيست هزيتلها براصي ايه..بقات لثواني تشوف معايا من غير حتى كلمة..ما فقت غير بشفافها لي تحطو على شفافي..عينيا وساعو..تبوس فيا بغل..بكره..بحقد..تبوس فيا و طعم دموعها ففمي..دخلت بعضي..اصلا دايخ..من غير ما نفكر..لفيت يدي مور رقبتها..جبدتها ليا اكثر و غطست فشفافها..للحظات منعرفش علاه تخيلتها فيرا..حسيت بيديها لي تلفو على رقبتي..نزلت بيديا لجنابها من غير ما نجبد روحي..رفدتها فحضني..و طلعت بيها للفوق..هبطت من شفافي لرقبتي تبوس فيا..مبقيتش واعي على روحي..اصلا مروهج..رميتها عالسرير و جيت فوقها..رفدت يديها تفتح فقفالي الشوميز..حطيت يديا على يدين الروب هبطتهالها ولا يمكن قطعتها مبقيتش عاقل..نزلت عليها اكثر و اكثر حطيت راصي على رقبتها نبوس فيها بقوة..معلاباليش كيفاه درت هكاك..فواحد اللحظات كنت نتخيلها فيرا لي تحتي..فرغت كاامل زعافي..شوقي لفيرا..و رغبتي فيها..عارف روحي عنفتها و تقاويت عليها..اما معملت حتى حركة باش تصدني..بالعكس..متهنيت غير وقت كملت لبديتو..و ساعتها برك فهمت واش قصدها بجملة "عطيتو اغلى ما عندي".. عرفت لي خذاه منها هشام..و عرفت واش خسرت جرتو..جبدت روحي رميت لغطا عليها..ترميت عالسرير قدامها على كرشي و غمضت عينيا..دايخ..و تاعب..و مشي مستوعب لي درتو ولا وين قادر يوصلني..كيما منعرفش علاه تقلقت وقت عرفتها عطاتو شرفها..يمكن كرهي ليه زاد اكثر خاطر خلا طفلة بعد ما دا لي حاجتو بيه..فنفس الوقت خوفي على فيرا تضاعف..يمكن يعمل فيها لي عملو فليديا و انا مستحيل نسمحلو..
فيرا تحكي:
اول ما فتحت عينيا..كلش صرا تعدا قدامي كيف الشريط..رجعت غمضت بقوة..هزيت براصي لالا..منيش حابة نفكر فيهم..و منيش حابة نعرفهم..تاعبة و معينيش نفكر دك بالضبط..منيش حابة نفكر فلي صرا دك..خاطر معيني نبكي..تقعدت فبلاصتي بالسيف..رفدت يدي حطيتها على راصي..نحس فيه راح يطرطق مالوجع..دورت عينيا عالبيت..عقدت حواجبي..اخر حاجة متذكرتها وقت كنت نبكي و كان حاضني..بعدها مبقيتش عارفة..باز اكيد هو لي جابني..تبسمت تلقائيا..اما وين راه ؟ علاش مبقاش معايا ؟ زعما راح ؟..بعدت لغطا..نزلت بلعقل..تمشيت للباب فتحتها..طاحت عيني على باب بيتو..مفتوحة و البيت فارغة..معنتها مكاشو لداخل..تنهدت..ندعي فالسر تاعي يكون مراحش..حابة نشوفو..هبطت لتحت..اول ما قربت لصالة ضربتني ريحتو لنيفي..قلبي دق بالقاوي..عرفتو لتم..زربت فخطواتي اكثر..دخلت..طاحت عيني عليه..ابتسامة عريضة ترسمت على وجهي و انا نشوف فيه..متكي لتالي..مغمض عينيه..
انا: هشام.نعرفك..متأكدة عندك كلام حاب تقولو من صباح ملاحظاتك
هشام: واش ملاحظة ؟
انا: كأنو حاب تسأل على حاجة ولا تعرف حاجة
هشام: مشي مهم
انا: بصح انا يهمني
هشام: حتى انا يهمني نعرف علاه صاري فيك هكا..الانهيار العصبي و تعبك هادا..
قلبي دق بالقاوي..مكنتش عارفة انو القصة مزالها فراصو..فكرتو نسى..خذيت نفس طويل نحكي..
انا: مشي كيف كيف
هشام: لا كيف كيف
تقلقت و تخنقت وقت رجع جبد الموضوع..هاد الموضوع بالذات مشيحابة لا نحكي فيه ولا نتفكرو..خصوصا و انا معاه..جبدت يدي منو..جيت راح نبعد..رجع شدها..و كبس عليا..
هشام: سايي متتوتريش..سيبون اعتبريني مسقسيتكش
تبسمت بين شفافي..منعرفش علاه اما نفرح وقت يحس بيا لهاد الدرجة..فقت وقت حط يدو مور رقبتي..جبدني ليه..حطلي راصي على صدرو و يدو على ظهري..حطيت يدي على صدرو..نسمع فدقات قلبو..شوية وسمعتو حكى..
هشام: فيرا
انا: مممم
هشام: تحبيني ؟
قلبي ضرب ضربة وحدة حسيتو راح يخرج مبلاصتو..شلتني كلمتو لدرجة مقدرتش حتى نطلع راصي نشوف فيه..جسيت كبست على يدي فوق ضدرو و غرست فيها دفرتيا..معرفتش واش نقول..نقولو اني نعشقو ؟..نقولو اني نتنفسو ؟ نقولو اني نموت و نفنى عليه ؟..اما ادا كلن ميبادلنيش الشعور ؟ ادا كان هو ميحبنيش ؟ واش حيصرا..ادا طلعو كامل تصرفاتو معايا مجرد تصرفات عادية بالنسبة ليه..واش حيصرا ؟..معرفتش واش ندير..دخلت فالحيط و معرفتش واش نقول..حسيت بيدو الثانية لي تحكت على جنبي..جبدني عليه شوية..طاحت عيني فعينو..يشوف معايا يستنى فجوابي..دقات قلبي تزايدو اكثر..رجع حكى..
هشام: جاوبي..تحبيني ؟ ايه ولا لالا
غمضت عينيا بقوة..مراحش نكدب..مراحش نقدر نخبي اكثر من هكا..هنا و بزاف..راح نقول لي عندي و لي صرا خليه يصرا..هزيتلو براصي لالا بالزربة..عملتلو لالا باش نقولو اني منحبوش..منحبوش خاطر انا نعشقو..لي نحسو جيهتو مشي حب..لي نحسو جيهة هشام فات العشق..اما من وييين..قبل ما نلحق نكمل لي كنت راح نحكيه..محسيت غير بيدو لي طلقت يدي..و نسمة هواء باااردة ضربتني وقت بعد عليا..فتحت عينيا بالزربة..طلعت راصي عاقدة حواجبي نشوف معاه..لحق يبعد عليا..تصدمت من منظرو..عينيه حمارو اكثر و اكثر..وجهو احمر راح يطرطق..جيت واقفة جرتو..قبب ما نرجع نحكي و نفهمو قاطعني يحكي..
هشام: هاكي طلعتي تاع ثقة..حتى بعد موتو مزلتي تحبيه و مقدرتيش تحبي بعدو
فمي تحل من الصدمة..من جيهة تصدمت من كلامو و من جيهة وجعتني نبرة صوتو..فاش قاعد يحكي؟..واش قصدو بهاد الهدرة..تي مخلانيش حتى نكمل نحكي..قبل ما نعاود نهدر..بزوج خطوات كان قدامي..شدني من فكي طلعني ليه..صبعتيه حسيتهم تغرسو فوجهي..يتنفس بالقاوي بين شفافي..صدرو طالع هابط مالزعاف..رفدت يدي حطيتها فوق يدو نحكي بالسيف..
انا: ه هشام و وجعتني
مردليش..قرب ليا اكثر حتى شفافي ولاو يقيسو معا شفافو..تروهجت و دخلت بعضي..شي من قربو..و شي من زعافو..كل حرف يقولو يكبس عليه..
هشام: بصح تعرفي حاجة..حتى ادا كنتي تحبيه..ميهمنيش
انا: ه هشام ا استنى اسمع
مردليش..شد يديا بيدو الثانية و رجعهم مور ظهري..لسقني فيه اكثر حتى مولاتش مسافة بيناتنا..طلق وجهي..تبسم على جنب..اما حسيت بالوجع وسط تبسيمتو..حسيت بيه..بصح مشي ذنبي..غلطتو خاطر مخلانيش نكمل لي عندي و معطانيش فرصة..قص على لكلام لي كنت راح نقولو كيف عدى يدو على طولي..من كتفي حتى لفخضي..كبس على فخضي حتى حسيت بصبعتيه ختارقو لحمي..يحكي بغل..بزعاااف..بحرقة بين شفافي..
هشام: ميهمنيش..ميهمنيش تحبيه ولا لالا..تأكدي انك ليا..و تأكدي انو هاد البدن تاعي انا..ميهمنيش ادا كنتي ليه شي نهار..اما تأكدي انو فيوم من لايام راح تكوني تحتي و لياا انا و راح نطبع اسمي على كل شبر من بدنك هادا..
فمي تحل من الصدمة..عينيا وساعو..رمشت عينيا شحال من مرة نحاول نستوعب لي سمعتو منو..اخر حاجة توقعت اني نسمعها..اخر شي ستنيتو..صدمني..ااحاجة الوحيدة لي قدرت نفهمها من كلامو انو ميحبنيش كيما توقعت..الحاجة الوحيدة لي يدل عليها كلامو انو جيست حاب عليا و على بدني..غمضت عينيا بقوة..دموعي نزلو وحدهم..رجعت فتحتهم..لقيتو باقي يشوف معايا..اما نظرتو حسيتها تبدلت عالنظرة لي شفتها وقت كان يحكي..يدو لي شايدة يديا ترخفت تلقائيا..جبدت روحي منو بالزربة..طبعتو لتالي بيديا..رجع بخطوات للور..رفدت يديا نمسح فدموعي..نحكي فرد وقت..
انا: هادا لي طلع معاك هشام ؟ هادا لي حاب عليه ؟ حابني تحتك هشام ؟ هاداااااا لي عنددددك ؟؟
صوتي ماشي و يعلى من غير ما نحس..بقى يشوف معايا..من غير حتى كلمة..محكى حتى حرف..جيست يشوف فيا..للحظلت حسيتو ندم..اما لكللم لي يفوت يخرج و يقيس عمرو ما يرجع..بلعت ريقي بالسيف..قربت ليه اكثر..ورقفت قدامو قد قد..نشوف معا عينيه..وجعني..قتلني..وجعني بزااف..كلامو وجعني و دبحني و مخلاش فيا..فتحت يديا..نعيط..نحكي بوجيعة..
انا: حاب على بدني هشام ؟ هاني قدامك اعمل لي تحبو ادا هادا لي حاب توصلو
غمض عينيه بقوة و رجع فتحهم..هزلي براصو لالا..شدني من يدي بكل قوتو دورني بقوة حتى خبط ظهري فصدرو..قلبي دق بالقاوي..جيت راح نجبد روحي..اما كبس على يديا لي لسقهم فكرشي..حط راصو على رقبتي..فرفطت بين يديه نعيط..
انا: اطلقنننني..هشااام اطلق
هشام: ### تزيدي تعاودي ## الهدرة لي قلتيها دك #### صح
عينيا وساعو من طريقة كلامو..محسيت غير بيدو لي بعدت شعري على جنب..و شفافو لي تحطو عالوشم تاعي مالتالي بقوة..بدني رعشو قلبي خض بالقاوي..دموعي لي كانو ينزلو حبسو فرد وقت..تكوانسييت فبلاصتي و انا نحس بشفافو لي يحرقو فرقبتي..يبوس فيه بقوة..خلا جسمي يرعش بين يديه..شوية و بعد..طلع بشفافو لودني..نفسو يحرق فيا لدرجة اني دخلت بعضي و مبقيتش قادرة نحكي..من غير شي قربو يعمل فيا لعمايل..خلي كي يكون فهاد الحالة..حكى فودني بصوت مكبوس..
هشام: ### مكانش قصدي لي فهمتيه..اما لي لازم تفهميه انك ليا..تاعي انا و برك..حبيتي ولا كرهتي نتي ليا انا..نحلفك يا فيرا..نحلفلك لوكان تفكري فواحد غيري اني نقتلك و نقتلو و منعمل حساب لحتى واحد و نتي تعرفيني
اول ما كمل كلامو..رجع طبع بوسة على رقبتي كأنو حابني منردش عليه و كأنو عارف انو شفافو لي يتحطو علي يدخلوني فبعضي و يخلوني ننسى روحي و شكون انا و زعافي و وجعي و روحي و كلش فالدنيا..فقت وقت طلقني..فقت وقت جبد روحو مني..فقت وقت سمعت صوت خطواتو يبعدو و مقدرتس حتى نتلفت ليه..من جيهة موجوعة من كلامو و من جيهة ضاااايعة..طحت عالارض معا صوت الباب لي تخبط بقوة..جيت قاعدة عالارض..دموعي رجعو نزلو قطرات كيف لحجر عالارض..مفهمتش..مفهمتش طينتو ولا تفكيرو..وجعني بكلامو و منبعد قالي مشي قصدو لي فهمتو..واااش قصدو ماال..وين حااب يوصل بلي قالو..لا خلاني نحكي ولا خلاني نفهم لي قالو..وااش قصدوو بأنا تااعو و هو قاعد يعدب فياا هكا..وقت قلت كلش تصلح و راح نرجعو كيما اي زوج متفاهمين..عمل فيا هكا..من ربع سااعة كنا لابااس بينا..علااه..علااه صرا فينا هكاا..ضيعني و مبقيتش قادرة نعرف كفاه نتعامل معاه..فوق كاامل لي بيا..زادلي طعنة وحدوخرا و وجع وحدوخر..منعرفض واش قصدو بالضبط بلي قالو..لي نعرفو اني مستحيل ننسى اي حرف خرج مشفافو و راح ندمو عليه..هو لي جابها لروحو..و هي لي حب يخسرها..بكلامو خلاني نعرف انيكنت راح نعمل غلطة حياتي لوكان عترفتلو..
★★★
رايكم فيها لبنات😏توقعااتكم ؟
ليديا و مهدي واش حيديرو مور الموصيبة لي داروها😱..و هشاام و فيرا😈واش مصيرهم بعد الان😏😏❤
صوتو الحلقات😒اصلا مكاش تفاعل هكاك و نحط
