هشام يحكي:
نفتح فعينيا و نرجع نغلق..نحس فحاجة طرية سخونة تحتي..كبست عليها فحضني..نتحسس فيها..فتحت عينيا بالزربة وقت تفكرت..نزلت براصي ليها..راقدة فحضني كيف القطة الصغيرة..مكبشة فيا..قلبي دق بالقاوي وقت سترجعت كامل احداث ليلة لبارح..رفدت يدي عديتها على وجها..بعدت شعرها لتالي..غمضت عينيا خذيت نفس طوييييل..منيش مصدق لي صرا..منيش مصدق انها ولات ملكي..انها ولات تاعي و اني اول واحد يقسيها..منيش مصدق اني طبعت اسمي عليها و ولات ليا بكلش فيها..الدنيا مسي سايعتني من فرحتي..قربت شفافي ليها..بستها من راصها..غسرتها فيا اكثر..روحي..صغرونتي..نفسي.. ولات ليا..انا مستحيل نسلم فيها..مستحيل يجي نهارر نبعد عليها..منعرفس كيلاه و لا وقتاه غرقت فيها لهاد الدرجة..تي حتى بعد ما ملكتها انا مزلت حاب عليها..كنت مفكر انو وقت لي تولي ليا راح ينقص هبالي عليها و رغبتي فيها..اما العكس..صار العكس..لقيت روحي حاب عليها اكثر و اكثر..مشبعتهاش..بالعكس معا كل بوسة..معا كل لمسة نحس روحي حاب عليها اكثر..مستحيل يجي نهار نمل منها..تماما كيما قالت..القدر خلاها ليا..مقدرتش حتى نسألها كيفاه و وعلاه زواجهم كان غير عالورق..نسيت الدنيا و هي بين يديا..صح يمكن ذقت بنات بزاف فحياتي..اما لي حسيتو معاها..عمري ما حسيت حتى ربعو معا وحدة غيرها..كنت حاسها كيف الحورية الصغيرة لي خارج مالبحر..حورية عمري ما قست كيفها..صح يمكن مشي اجمل وحدة شفتها..اما خلاتني طاير فالسماء بلمسة وحدة منها و بحرف صغير من بين شفافها..كيف الحلم تماما..ملاكي الصغيرة عيشتني ليلة عمري..الليلة لي عمري ما راح ننساها..ولا نتخطاها..غمضت عينيا نستحلى فقربها..تحركت شوية فحضني..حطيت يدي على ظهرها العريان..جسمي تكهرب..تبسمت..حتى و هي راقدة تعرف كيفاه تشعلني..جبدتها بلعقل مني..حطيتلها راصها عالمخدة..راقدة كأنها فدنيا وحدوخرا..حطيتلها يدها عالمخدة..غطيتها بلعقل..نزلت عليها اكثر بستها جنب شفافها..طلعت لودنها همستلها..
هشام: نعشق ف### صغرونتي
تحركت شوية..تبسمت..جبدت روحي وقفت..ديت حوايج مالخزانة..و دخلت لدوش..دوشت بالزربة..حاس روحي طاير مالفرحة..عمري ما حسيت هاكا احساس..كاني لبارح فليل ملكت الدنيا كاملة..كانو جبل نزاح على كتافي..بعد ما ولات ليا..مستحيل نسمح لاي مخلوق يقسها ولا يقرب جيهتها..لبست حوايجي بعد ما كملت..خرجت..ضحكت وقت طاحت عيني عليها..مزالها راقدة..خرجت ماابيت من غير ما نعمل حس..مشي حاب نفيقها..عارفها تعبانة..دخلت للكوزينة..فتحت الفريجيدار..عوجت فمي و انا نشوف معاه..فارغ..اصلا نسيت نعمرو..نفخت بالقاوي..رجعت غلقتو..رحت لصالة..رفدت مفاتحي ملتم و خرجت..اول ما لحقت لتحت عقدت حواجبي و انا نشوف فواحد مرجالي واقف لتم..عقدت حواجبي..زربت فخطواتي ليه..وقفت قدامو..
انا: واش راك دير هنا ؟
_بوس جبت الطونوبيل تاع عيون الجليد.. معرفتش وين نديها خاطر بقات فبلاصة الحفلة علاهاديك جبتها لهنا
نفخت بالقاوي..حتى انا نسيتها كامل..رجعت حكيت..
انا: اديها للفيلا
_حاضر بوس
نزل راصو..تعدا عليا باش يرجع يديها..سكت شوية نفكر..رجعت حبستو..
انا: استنى
_نعم
انا: اهبط لسوبرماركت قبل جيب قضيان لدار
_واش نجيب
انا: منعرفش كلس تلقاه على يدك
_حاضر
هزيتلو براصي..و رجعت تلفت طلعت..حبست عند الباب فتحتها..احسن شي انا جبت لمفاتح معايا احسن ما نفيقها..دخلت..دزيتها مورايا..عقدت حواجبي وقت قابلتني باب البيت مفتوحة..زربت فخطواتي ليها..وقفت عندها..السرير فارغ..و باب الدوش مفتوحة..قلبي دق بالقاوي..منعرفش علاه اما خوف تملكني ساعتها..بلعت ريقي بالسيف و انا نسمع فصوت طالع مالكوزينة..تلفت بالزربة ليها..وقفت عند الباب..عينيا وساعو و انا نشوف معاها..طلعت عينيا من رجليها للفوق تصوير بطئ..لابسة شوميز تاعي لي دوب مغطية اللازم فاللازم..وقتاه لحقت تنوض..قلبي عصر عليا وقت طاحت عيني فعينها..دموع !!..قاعدة تبكي ياخي !!!..رجلبا فشلو قدام دموعها..قلبي حسيتو نزل عالارض..الحاجة الوحيدة لي طاخت فبالي ساعتها انها تكون ندمت..ندمت بعد ما عيشتني ليلة لعمر..هاديك الحاجة الوحيدة لي خطرت على بالي..خوف سيطر عليا..خرجت اسمها من بين شفافي بالسيف..
انا: ف فيرا..
كأنها كانت تستنى فيا نعيطلها..كأنها كانت ناطرتني..اول ما نطقت اسمها..جرات لعندي..ترمات عليا بكل قوتها حتى رجعت بخطوات لتالي..لفت يديها على ظهري..تصدمت..رفدت يديا بالسيف لفيتهم على ظهرها..نسمع فيها تحكي و تشهق..
فيرا: ف فكرتك ر رحت..ح حسابلتي ندمت و خليتني و وحدي
غمضت عينيا مروهج من كلامها..كبست عليها اكثر فحضني..كون قدرت راني دخلتها بين ضلوعي..ساعتها برك عرفت واش معناها تعشق طفلة..عرفت واش معنتها الحب..واش معنتها يكون اكبر مخاوفكم انكم تخسرو بعض..ساعتها عرفت واش يسوى العشق..و معنى انها تكون نفسك و كبش فحياتك..و الخوف من بعدها..فالدقيقة هاديك لي حسينا فيها بنفس الخوف..خوف من انو يكون الثاني قرر يبعد..فهاديك الدقيقة عرفت انو قصتي معاهت راح تكون اكبر من انها تخلاص شي نهار..تنهدت براحة نحكي..
انا: اشششش واحد هاد الهدرة..انا مستحيل يجي نهار نتخلى عليك و لا نبعد خطوة منك..
جبدت روحها مني..تشوف فيا بهادوك العينين البريئة..تبسمتلها..رفدت يدي نسمح فقطرات دموعها..شوية و حكات..
فيرا: وين كنت مال
ضحكت..حطيت يدي على شعرها نحكي..
انا: بعت واحد يشريلي قضيان لدار
فيرا: صح ؟
انا: مممم..واش بيها حالتك هاكا
فيرا: واش بيها ؟
انا: شعرك داخل بعضو و عينيك حمورا
هزتلي بكتافها..تڨحرلي فنفس الوقت..
فيرا: موليتش عاجباتك ؟
صوتها لي خرج بغصة دموع وجعني..خلاني نعرف لي قاعد يدور فراصها و خوفها..تنهدت..تبسمتلها.. كبست على وجها بين يديا..قربت ليها اكثر..حطيت جبهتي على جبتها..غمضت عينيها..رفدت يديها حطتهم فوق يديا..حكيت بين شفافها..
انا: لي قاعد يدور فعقلك هاداك نحيه..انا مستحيل نسمح فيك..خصووصا بعد ما وليتي ليا..عمرك ما تفكري اني راح نخليك بعد ما سلمتيلي..بالعكس يا روحي نتي ليلة لبارح وليتي مرتي..شرفي و عرضي و ملكي..و حطي مليح فبالك بلي عرقي دزيري..### نموت و منسمحش فيك..وقت نعشقو نموتو و منستسلموش..
كبست على يديا لي تحت يديها اكثر..خرجت تنهيدة منها..عرفتها رتاحت..فتحت عينيها تشوف معايا..حكات بصوت هادي..
فيرا: نموت فيك ا...
قبل ما تلحق تكمل..غطست فشفافها..و ما جبدت روحي غير وقت حسيتها تفرفط تحاول تتنفس..جبدت روحي عليها شوية..ضحكت نحكي..
انا: عيشلي الصغرون لي يموت فيا
نحات يديها من يديا..خبات وجها..عرفتها حشمت..ضحكت بأعلى صوتي..مالا صغرونة طحت فيها..قبل ما نرجع نحكي..قص عليا صوت الباب..نحات يديها من وجها بالزربة..شافت معايا تسأل فيا..
فيرا: شكون جا ؟
أنا: اكيد الراجل لي بعتو
جاوبتها و هطيتها بالظهر رايح نفتح..حبست فبلاصتي وقت سمعت خطواتها مورايا فالكولوار..تلفتلها نڨحرلها..
انا: وين لالة ؟؟
هزيتلي بكتافها..هزيتها و حطيتها..نحكي
انا: ### ناوي توقفي هاكا قدامو ؟
سكت..تشوف فيا مبهمة..راصها مغلوق..عديت يدي على وجهي بالزربة نهدي فروحي..شعلتني فدقيقة..رجعت حكيت.ظ
انا: اممشي للبيت احسن ماااا نلحق ليك نوريك كيفاه تخرجيلي هاكا قداااموو
تهزت و تنفظت مالعيطة..مزادت حتى حرف..تلفت عطاتني بالظهر..دخلت تجري و غلقت الباب..هادا ما ينفع معاها..جاية معايا بلا حشمة ناوية نباصي بيه و بيها..قربت لباب فتحتو..ڨحرتلو..مفهم والو..وجهو صفار..
_س سمحلي بوس ادا تأخرت
مرديتلوش..شديت من عندو نحكي..
انا: تقدر تروح دك
هزلي براصو ايه..خبطت الباب فوجهو و دخلت بالقضيان للكوزينة..حطيتو فوق الطابلة..فتحتهم..جبدت القهوة و لحليب..حطيت كلش قدامي..ندير فالفطور..حطيت كلش عالطابل وقت كملت..ستغربت كي معاودتش خرجت..حطيت من يدي و رحت ليها..طاحت عيني عليها خارجة مالدوش..قلبي دق بالقاوي و انا نشوف معاها..شعرها مشمخ نازل عليها..لابسة تيشرت تاعي لاحقلها لنص فخاذها..بلعت ريقي بالسيف..فيقني من سرحتي صوتها..
فيرا: كملت ؟
هزيت راصي نبعد فالافكار لي تملكوني ساعتها..هزيتلها براصي ايه..تلفت لسرير..لحقت تبدل الشراشف..تبسمت بين شفافي وقت تعداو بين عينيا لحظات ليلة لبارح..رجعت تلفت ليها..خدودها حمارو..حاطة راصها فالارض و تلعب بصوابعها..ضحكت نحكي..
انا: ارواحي ارواحي
طلعت راصها ليا..قربت مني بخطوات صغار..وقفت قدامي..نزلت راصي ليها..
انا: يووو علاه خدودك حمارو هاكا..
حطيت يدي على جبهتها..نضحك..
انا: راكي سخونة متكونيش مرضتي ؟
جبدت روحها مني..ڨحرتلي تحكي..
فيرا: ساامط حبس
انا: ههههه واش نحبس
مردتليش..حطت يدها على صدري طبعتني و تعدات عليا..ضحكت عرفتها حشمت..لحقتها..لقبتها قاعدة عالطابل..غاطسة راصها فالماكلة كي عادتها..منعرفش وين راهي تروح بهاد الماكلة كاملة..جبدت الكرسي مقابلها..قعدت حتى انا..ناكل و نشوف معاها..يمكن لوكان نبقى نشوف فيها سنسن منعياش..و لا نمل..و لا نشبع منها..فيقني من سرحتي صوت تيليفوني..طلعت راصها ليا..حبست تشوف معايا..جبدتو لقيتو ميساج من عند امين..فتحتو نقرا فيه..<<لي قتلي نحوسلك عليها راني لقيتها..ارواح ليا دك نبعتلك الموقع>>..قلبي دق بالقاوي..طلعت راصي بالزربة ليها..طاحت عيني فعينها..منعرفش كيفاه نسيت القضية هادي كامل..نسيت اني قتلو يحوس على مديرة الميتم لقديمة..بلعت ريقي بالسيف و هي تسأل فيا بعينيها..تبسمتلها نحاول نبان طبيعي..
فيرا: واش كاين ؟
انا: والو غير امين ستدعاني قال خدمة
فيرا: راح تروح ؟
هزيتلها براصي ايه..رجعت حكات..
فيرا: متخلينيش هنا وحدي..ادني لدار
سكت شوية نفكر..منقدرش نخليها وحدها هنا..احسن شي نديها لدار..رجعت حكيت..
انا: ادا كملتي خلينا نروحو
وقفت فبلاصتها..وقفت جرتها..هزيتها و حطيتها..
انا: تروحي هاكا ؟
نزلت راصها تشوف معا حوايجها..و رجعت شافت فيا..
انا: نروح نلبس الروب تاع لبارح ؟
ڨحرتلها..هادا لي ناقص..
انا: امشي البسي كاش سيرفات من عندي
فيرا: علاه واش بيها الروب تاعي ؟
انا: فيراا متهبلينيش ديري لي قتلك عليه خليني رايض
عوجت فمها..قلبت عينيها و رتحت و خلاتني فبلاصتي..تنهدت..احسن شي مزادتش فالهدرة خاطر مشي حاب على مداربة من اول نهار..رفدت الطابلة..اول ما خرجت مالكوزينة تلفت على صوت الباب لي تفتح..تبسمت و انا نشوف فيها..لابسة سيرفات نواغ تاعي..تغطس و تعوم فيها..شديت ضحكتي بالسيف..قربت ليا..وقفت قدامي..
فيرا: عاجبك الحال دك ؟
انا: ممممم
قلبت عينيها..رجعت حكيت..
انا: خلينا نروحو
هزتلي براصها..تمشيت للباب و هي مورايا..اول ما فنحت الباب تلفت ليها..عقدت حواجبها..رميت يدي مور رقبتها جبدت لاكابيش تاع الفاست..درتهالها..بقيت واقف فوجها ندخل فشعرها..
فيرا: علاه ؟
انا: شعرك مشمخ تمرضي
تبسمتلي..نزلت عليها اكثر بستها من نيفها الصغرون..خدودها حمارو..نشيخ عليها وقت تحشم هاكا..نزلت بيدي ليدها..سبكت صوابعي فصوابعها و خرجنا ملتم معا بعض..نزلنا لتحت..طلقت يدها فتحت الطونوبيل..ركبت..لحقتها..ديماريت زايد فالفيتاس..اعطيني غير نوصل و نحل مسكل المديرة هادا..حاي نفهم لي صرا..نفهم واش صاري و لي مخبي خاطر متأكد كاين حاجة مور هاد لحكاية..نسوق بيد..و يد الثانية شاد يدها بيها..ساكتين..يمكن فمواقف هاكا يكون الصمت احسن حاجة..مشي حاب نحكي..جيست نشم فريحتها و هي قريبة ليا..لحقت قريب لمنعطف..حطيت رجلي على لي فران..باش نقص السرعة..عينيا خرجو وقن محبتش..حاولت و حاولت والو..يدي لي كانت شادة يدها ترخفت تلقائيا..شديت الفولون بزوج يدين..نسمع فيها تعيط..
فيرا: ه هشااام وااش رااك دير ننقص راااح ندخلوو فالحيييييط
مقدررررتش..وااالو..تلفت ليها بالزربة..قلبي خرج و انا نشوف فيها كيفاه مخلووعة و تعيط..حتى صوتها معداش سمعتو..موليت نسمع واااالو غير نشوف معاها..الطونوبيل خرجت على سيطرتي ساايي..مستحيل..مستحيل نقبل تصرالها حاجة و هي معايا..نمووت و متتقاسش شعرة منها..رجعت تلفت بالزربة لطريق..راااح نخبطو فالحيط..منعرفش كيفاه دورت الفولون بالزربة و منعرفش واش صرا و فاش خبطنا كلش صرا بالزربة..ما حسيت غير بخبطة قوية و ما سمعت غير اسمي لي خرج من فمها..كيما حسيت بجسمها لي طاح عليا..و الطونوبيل لي حبست..منعرفش واش صرا بالضبط..جيست ندعي تكون مليحة..
★★★
الحلقة😚
واااش صرااا ؟😱😱و واش حكااية لي فراان😏😉و واش حيصرا فحكاية المديرة😈
صوتوا الحلقات 🌼🌼🌼و تفاااعلو😚
