هشام يحكي:
شديت فران بالقاوي وقت وصلت..فتحت الباب نزلت..طلعت راصي للبلاصة..السال دي جو تاع هاداك ال###..قربت..وقفت عند الباب..اول ما جيت ندخل حبسوني زوج رجال لي لتم..حكى واحد منهم..
_هشام الراشدي ممنوع عليك تدخل لهنا
ضحكت على جنب..بعدت بخطوة لتالي..عجبتني الفازة تاع مانع رجالو من انهم يخلوني ندخل..رجعت شفت معاه نحكي..
انا: ادخل قولو يخرج يقابل
شاف فصاحبو لي عملو براصو ايه..تلفت دخل من غير ما يشوف فيا..نفخت بالقاوي..شوية و عاود رجع..فتح الباب..
_يستنى فيك
ڨحرتلو..دخلت نضوف معا لبلاصة..الصالة شبه فارغة..طاحت عيني عليه..قاعد فالميني بار لي فطرف..كبست على يدي بكل قوتي..اكيد مراحش نعديهالو..سكتلو طول هادوك اليامات غير علاجالها..اما مراحش نتهنى حتى نفرغ غشي كامل..نوريلو واش معناها يدخل داري و يدنا ليها..قربت ليه بالزربة..متأكد انو عرف بلي راني موراه..اول ما قربت ليه عيطتلو..وقف بالزربة..اول ما تلفت جيهتي رفدت يدي ضربتي على وجهو بكل قوتي..ستند بيدو عالطابل لتم..تف الدم فالارض..رجع طلع راصو ليا..قبل ما نحكي ردلي الضربة..وخرت بخطوات لتالي..رفدت يدي مسحت الدم من فمي..
مهدي: طووولت باش جيت
رجعت درت ليه بالزربة..خطفتو من كول الشوميز تاعو..ضربتو عالحيط..جيت لاسق فيه..نحكي و نهز فيه بالقاوي..
انا: ### ## هوما زوج كلمات نقولهم ل ###...فيراااا منسحقققكش تدنا ل####
تبسم على جنب..شد يديا لي شادو بيهم..طبعني لتالي بكل قوتو يحكي..
مهدي: مشي نتا لي تجي تأمرني و نظن عارف مليح بلي كلامك هادا مراح يبدل والو فيرا مراحش ندير خطوة بعيد عليها
رجعت قربت ليه بالزربة..رفدت ضربتو بكامل قوتي على وجهو..رفدت رجلي ضربتو بالجونو تاعي بين رجليه..عينيه خرجو..عيط بكامل صوتو..طاح ا جونو عالارض..بعدت بخطوات للور نتنفس بالقاوي..رفدت صبعي في وجهو نحكي..
انا: تزيد تجبد اسمها على ## فمك منضربكش برك اقسم يا مهدي..اقسم غير #### و تعرفني نديرها..هادا اخر انذار ليك نزيد نلقى ### جيهتها ####
قلت لي عندي و تلفت..عطيتو بالظهر خارج..اول ما عملت خطوة..وقفني صوتو..
مهدي: نحبها ### نحبهااااا ولا نتا ولا غيرك يقدر يبعدني عليها
عينيا تحلو على وسعهم..تكوانسيت فبلاصتي..الكلمة مزالها تتعاود فودني..تلفت ليه مصدوم..نشوف معاه..لحق يوقف..تبسم على جنب..كم يحكي..
مهدي: مراحش نسمحلك تاخذها مني..مراحش نخليك..
حط يدو على قلبو..يضرب فيه و يحكي..
مهدي: انااا حبيتهااا كيما رااهي..ارملة و عارف اني مشي اول واحد راح يبوسها ومشي اول واحد راح يعنقها..معا هذااا اناا حابها ههي و برك نحبهااااا تفهم واش معنتهاااا
كبست على يدي بكامل قوتي..غمضت عينيا بقوة و رجعت فتحتهم..فقت على روحي..خذيت نفس طويل نحاول نتمالك روحي..تبسمت على جنب نحكي..
انا: اكيد نتا مشي اول خاطر..تعرف علاه ؟ خاطر اناا سبقتك..انا بستها و انا لي عنقتها..و عمرك ما تحلم تقيسها من بعدي خاطرها ليا
غمض عينيه بقوة..عرفتو تكبس..كيما عارف انو تجرح و هاد الشي اخر همي..رجع فتح عينيه..تبسم بإنكسار يحكي..
مهدي:متتفاخرش خاطر لا انا ولا نتا كنا لولين..متكدبش على روحك..يمكن نتا سبقتني بصح كاين لي سبقك..
مقدرتش نردلو..مقدرتش نرجع نحكي..كلامو دخلني فالحيط..و اكثر حاجة قهرتني..انو عندو الحق فكل كلمة..كمل يحكي..
مهدي: علاهاديك انا مراحش نعتبر روحي خاسر..بالعكس اعتبرني منافسك الاول..مليووم و طلع يا هشام ياا نتاا يا انا..واحد فينا برك لي راح يدي فيرااا
فقت وقت خرج اسمها من بين شفافو..عوجت فمي..طلعت حاجبي نحكي..
انا: دخلت فحرب خاسرة
مهدي: نشوفو
عملتلو براصي ايه..نتوعد فيه..عطيتو بالظهر..خرجت نزرب فخطواتي..اول ما خرجت ملتم..خذيت نفس و زوج و ثلاثة..حتى وليت نتنفس بالقاوي..كلامو روهجني..خنقني..<<كاين لي سبقك>>..الكلمة هادي خلاتني ندخل بعضي...الفكرة برك خلاتني نخرج من عقلي..الموضوع هادا بالذات يجنني..فكرة انو ياسين راح يبقى بيني و بينها منحملهاش..منحملهاش حتى طرف..عديت يدي على شعري و وجهي..نهدي فروحي..ركبت..رميت يدي لقرعة الماء..شربت منها..نحاول نطفي ناري لي شعلها فيا..رميتها لتالي..رجعت ديماريت..نسوق و تخمامي فلي صرا..مستحيل..مستحيل نسمحلو يدنا ليها..ادا كان كاين واحد بيناتنا و مات فانا عندي استعداد نقتل حتى الحشرة الصغيرة ادا فكرت توقف بيني و بينها..معاها انا عشت حاجات عمري ما عرفتهم..نقاعد نعيش معاها كلش لاول مرة..الحب..الغيرة..وجع القلب..و حتى الرغبة الملعونة..عمري ما وصلت نحب على طفلة لهاد الدرجة..طول عمري جامي هزت فيا طفلة شعرة..اما هي..هي ستعمرتني و حتلت حتى ابسط تفاصيل حياتي..فيقني من سرحتي صوت تيليفوني..رميت يدي ليه..قلبي دق بالقاوي وقت لقيتو من عند خالتي..اول حاجة جات فبالي هي..فتحتو بالزربة نقرا فالميساج..
خرجت مالكوزينة..طاحت عيني فعينها..تبسمتلها رغم اني عارفة انو هي لي عيطتلو..منقدرش نزعف منها خاطر هو اولى مني..هو كيما وليدها لي رباتو على يدها..اكيد راح تكون فصفو..زربت فخطواتي..اول ما لحقت للباب..حسيت بيدو لي شدتني من يدي بقوة..دورني ليه حتى تخبطت فصدرو..طلعت راصي ليه..يشوف معايا بنظرات مهمتهمش و مقدرتش نفسرهم..كأنو كاين كلام غحلقو و مشي قادر يقولو..نظرتو حاستها ضاااايعة و فيها بزاااف اسئلة..اما مركزتش معاها بزاف..كنت راح نحكي اما قاطعني كيف حكى..
هشام: ادا رحتي فراح تروحي و رجلك معا رجلي..مستحيل نخليك تروحي وحدك
فكرتو راح يمنعني..اما صدمني بكلامو..معرغتش واش نقولو..جيست تبسمتلو..ردلي التبسيمة..رمى يدو فتح الباب..بعدلي شوية خرجت و هو مورايا..ركبت..ثواني و فتح الباب ركب حتى هو..تلفت ليا يحكي..
هشام: واش من ميتم ؟
انا: المتم لي فروما القديمة..مشي بعيد عالدار لي ديتني منها
تلفت لطريق بلا ما يزيد حتى كلمة..ديمارا..تكيت لتالي..عارفة انو مصدقنيش..و انو مستغرب..اما فنفس الوقت منقدرش نصارحو..منقدرش نقولو حابة نروح لتم خاطر البوس لكبير قالي حوسي فذكرياتك..و البلاصة لي بدا منها كلش هي هاداك الميتم..يمكن نلقى راص الخيط لتم..يمكن تكون البداية لتم..
فقت وقت شد فران قدامو..شفت معاه..
هشام: لحقنا
انا: مممم
هشام: اهبطي
هزيتلو براصي..فتح الباب نزل..اول ما غلقها سمعت صوت تيليفوني..جبدتو..لقبتو ميساج..فتحتو نقرا فيه..من عندو..<<متوقعتكش ذكية لهاد الدرجة..عرفتي وين تبداي>>..كبست عالتيليفون فيدي بكل قوتي..بميساجو هادا اكدلي اني فالبلاصة الصح..رديت التيليفون لبلاصتو..رميت يدي للباب فتحتها..خرجت..لقيتو واقف يستنى فيا..زربت بخطواتي ليه..وقفت قدامو..طلعت راصي ليه..قلبي دق بالقاوي..فثواني تعدات بين عينيا هاديك اللحظة لي رماوني فيها برا و تغلق هاد الباب فوجهي..تعدات بين عينيا هاديك الليلة لي عمري ما ننساها..غمضت عينيا بقوة..حطيت يدي على يدو نوازن فروحي..حسيت بيدو لي تلفت على كتفي..كيما سمعت صوتو لي خرج بلهفة و خوف..
هشام: واش بيك ؟؟
فتحت عينيا بلعقل..حطيت يدي فوق يدو..
انا: و والو خلينا ندخلو
هشام: متأكدة !
هزيتلو براصي ايه..نزل بيدو ليدي..شبك صبعتيه فصبعتيا..و قرب للباب فتحها..يمشي و يحكي فرد وقت..
هشام: مراكيش وحدك هنا..هاد المرة راني معاك..
<هشام فيرا حابة تخرج مالدار..راني قاعدة نلهي فيها الحق قبلما تخرج>>..عينيا وساعو..بدلت الطريق..زدت فالفيتاس..طاااير فالطريق..ناوية تهبلني ####..مزااال حتى مرفدتش روحها تحوس عالخرجات..و العالم ربي وين ناوية تروح..منعرفش كيفاه وصلت..شديت فران بالقاوي و هبطت..وقفت عند الباب ندق..شوية و تفتح..دخلت ديراكت..
انا: وين راهي !
وردية: فالكوزينة قتلها تديرلي قهوة قبل ما تخرج
هزيتلها براصي ايه..دخلت ديراكت للكوزينة..طاحت عيني عليها..عاطيتني بالظهر..
فيرا: خالتي طابت راح نروح دك م...
تلفتت قبل ما تكمل كلامها..فمها تحل وقت شافتني قدامها..طاحت عيني فعينها..للحظات رجع تعدا كللم مهدي عليا..و صورة ياسين رجعت شفتها بين عينيا..للحظاات رجعولي نفس الافكار..قاسها ؟ مسها ؟ كانت مرتو ؟ شبع منها !!..هزيت راصي نبعد فهاد الافكار..نحاول قد ما نقدر نسيطر على روحي..عالاقل قدامها خاطر مشي ذنبها..و مشي وقتو الموضوع هادا..مشي وقت نار الغيرة..بالذات دك..هزيتها و حطيتها..بلعت ريقها بالسيف تشوف معايا..
انا: وين لالة ؟
فيرا: ا انا..
قربت ليها اكثر..بزوج خطوات جية فوجها..طلعت راصها ليا..طلعت حاجبي نحكي..
انا: نتي واش ! وين رايحة و نتا فهاد الحالة ؟
فيرا: علاه واش بيها حالتي ؟
انا: فيرا متلعبيليش على اعصابي قلت ل#### وين رايحة
غمضت عينيها بقوة و رجعت فتحتهم..منعرفش علاه حسيتها مشي قد بعضها..قاطعتني وقت حكات..
فيرا: رايحة للميتم لي كنت فيه
عقدت حواجبي مستغرب..نحاول نستوعب لي تقول فيه..
انا: علاه !؟ واش فكرك فيه دك ؟
فيرا: خاطر حلول الالغاز ممكن تكون فابسط تفاصيل ذكرياتنا
انا: واش هاد الهدرة ؟ واش من الغاز و واش قصدك ؟
هزت كتافها..للحظات حسيتها توترت و قاعدة تهرب بعينيها مني..رجعت شديتها من يدها..نحكي
انا: شوفي فيا هنا..فهميني واش قاعد يدور فراصك !
طلعت بعينيها ليا..عاضة شفتها..متأكد بيها حاجة و حابة توصل لكاش حاجة..رجعت حكات..
فيرا: قصدي..قصدي حابة نعرف علاه تحطيت فالميتم و القصة كاملة
انا: ####### بيا ؟ كيفاه طاحت لحكاية فراصك دك ؟ هكا ولا سبة ؟
نطرتلي يدي..جبدت روحها مني تحكي..
فيرا: حبيت دك..و تفكرتها دك..مشي من حقي ؟ متقدرش تمنعني
صدمتني طريقة كلامها..بقيت مسمر فبلاصتي..رفدت صاكها من فوق الكرسي..و تلفتت عطاتني بالظهر خارجة..بقيت نشوف معاها..مقدرتش نصدقها..يمكن شفافها كذبو عليا..اما عينيها مستحيل يكدبو..انفعالها و طريقة كلامها..متأكد مور هاد القصة كاين حاجة..محبيتش نضغط عليها ولا نزيد عليها..راح نسايرها..اما مراحش نتهنى حتى نعرف لي بيها..
فيرا تحكي:
خرجت مالكوزينة..طاحت عيني فعينها..تبسمتلها رغم اني عارفة انو هي لي عيطتلو..منقدرش نزعف منها خاطر هو اولى مني..هو كيما وليدها لي رباتو على يدها..اكيد راح تكون فصفو..زربت فخطواتي..اول ما لحقت للباب..حسيت بيدو لي شدتني من يدي بقوة..دورني ليه حتى تخبطت فصدرو..طلعت راصي ليه..يشوف معايا بنظرات مهمتهمش و مقدرتش نفسرهم..كأنو كاين كلام غحلقو و مشي قادر يقولو..نظرتو حاستها ضاااايعة و فيها بزاااف اسئلة..اما مركزتش معاها بزاف..كنت راح نحكي اما قاطعني كيف حكى..
هشام: ادا رحتي فراح تروحي و رجلك معا رجلي..مستحيل نخليك تروحي وحدك
فكرتو راح يمنعني..اما صدمني بكلامو..معرغتش واش نقولو..جيست تبسمتلو..ردلي التبسيمة..رمى يدو فتح الباب..بعدلي شوية خرجت و هو مورايا..ركبت..ثواني و فتح الباب ركب حتى هو..تلفت ليا يحكي..
هشام: واش من ميتم ؟
انا: المتم لي فروما القديمة..مشي بعيد عالدار لي ديتني منها
تلفت لطريق بلا ما يزيد حتى كلمة..ديمارا..تكيت لتالي..عارفة انو مصدقنيش..و انو مستغرب..اما فنفس الوقت منقدرش نصارحو..منقدرش نقولو حابة نروح لتم خاطر البوس لكبير قالي حوسي فذكرياتك..و البلاصة لي بدا منها كلش هي هاداك الميتم..يمكن نلقى راص الخيط لتم..يمكن تكون البداية لتم..
فقت وقت شد فران قدامو..شفت معاه..
هشام: لحقنا
انا: مممم
هشام: اهبطي
هزيتلو براصي..فتح الباب نزل..اول ما غلقها سمعت صوت تيليفوني..جبدتو..لقبتو ميساج..فتحتو نقرا فيه..من عندو..<<متوقعتكش ذكية لهاد الدرجة..عرفتي وين تبداي>>..كبست عالتيليفون فيدي بكل قوتي..بميساجو هادا اكدلي اني فالبلاصة الصح..رديت التيليفون لبلاصتو..رميت يدي للباب فتحتها..خرجت..لقيتو واقف يستنى فيا..زربت بخطواتي ليه..وقفت قدامو..طلعت راصي ليه..قلبي دق بالقاوي..فثواني تعدات بين عينيا هاديك اللحظة لي رماوني فيها برا و تغلق هاد الباب فوجهي..تعدات بين عينيا هاديك الليلة لي عمري ما ننساها..غمضت عينيا بقوة..حطيت يدي على يدو نوازن فروحي..حسيت بيدو لي تلفت على كتفي..كيما سمعت صوتو لي خرج بلهفة و خوف..
هشام: واش بيك ؟؟
فتحت عينيا بلعقل..حطيت يدي فوق يدو..
انا: و والو خلينا ندخلو
هشام: متأكدة !
هزيتلو براصي ايه..نزل بيدو ليدي..شبك صبعتيه فصبعتيا..و قرب للباب فتحها..يمشي و يحكي فرد وقت..
هشام: مراكيش وحدك هنا..هاد المرة راني معاك..
تبسمت وسط قهرتي..تبسمت خاطر عندو الحق..معنديش علاش نخاف..هاد المرة انا معاه..دخلنا للجنينة..هو يمشي و اما يجيد فيا موراه..عينيا دارو على كل شبر هنا..كل بلاصة عندي فيها ذكرى توجع..و كل ذكرى توجع اكثر ملي قبلها..عمري ما عست هنا نهار شباب..عمري ما عرفت الفرحة فهاد الميتم ولا عرفت واش معنتها الضحكة..فيقني من سرحتي صوت مرأة تعيط مورانا..
_مروووة..مرررووة
حبس هشام فبلاصتو..تلفتنا ليها..مرأة كبيرة شوية..جامي شفتها هنا..و زيد منعرف شكوم مروة لي قاعدة تعيطلها..
هشام: تعرفيها ؟
طلعت راصي ليه..عملتو لالا..عقدت حواجبو مستغرب حتى هو..شوية و وقفت قدامنا تلهث..
_مررروة صغيرتي..و اخيرا تفكرتينا
طلعت حواجبي مسي فاهمة لي قاعدة تحكي..قبل ما نسألها رجعت تحكي..
_مستحيل تكوني نسيتيني فيرا..18 و انا مربياتك و تنسيني..تنساي لي كانت تعيطلك مروة ؟
فمي تحل مالصدمة..عرفتها قاعدة تكذب..قربت ليا اكثر عملتلي جاست بوجها..تصدمت اكثر..تلفت بالزربة لعند هشام لي مفاهم والو..و رجعت تلفت ليها..شكون هادي ؟ و علاس راهي تكدب فوجهي هكا ! و علاش قاعدة تعيطلي مروة ؟ الحاجة الوحيدة لي طاحت فبالي ساعتها انو يكون رسيد لي بعتها و حابة توصلي ميساج..غمضت عينيا بقوة و رجعت فتحتهم..نسمع فيه يحكي..
هشام: لي تحكي فيه هادي صح ؟
زمت شفافهاو انا نشوف فيها..فهمتها حابتني نكدب..خذيت نفس طويل نحكي..
انا: ا ايه
هاهي قاتلك..بصح واش فكرك فينا بنتي
هشام: حابين نعرفو شكون جاب فيرا وقت كانت صغيرة لهنا..و كيفاه وضلت لهاد الميتم و كلس على عايلتها
شافت فيه..و رجعت شافت فيا..هزيتلها براصي ايه..تبسمت تحكي..
_اجابة هاد الشي تلقايها عند المديرة لثديمة تاع الميتم
انا: وين راهي !
_واحد ما علابالو..من نهار دات التقاعد مزدناش شفناها بصح تأكدي انو كلش عندها
عضيت شفتي..تلفت ليه..رجع حكى..
هشام: معنتها مراح نستفادو والو من جيتنا لهنا
_ادا لقيت المديرة لقديمة فراح تلقى كامل الاجابات لي حابينهم..
رجع نزل بعينيه لعندي يحكي..
هشام: خلينا نروحو
_اسبقني..لاحقاتك
هشام: متأكدة ؟
انا: ممممم
هزلي براصو..جبد يدو من يدي بلعقل..و عطاني بالظهر رايح..رجعت تلفت ليها..
انا: شكون نتي !
_ميهمش بزاف
انا: علاش كدبتي و واش تسحقي من عندي ؟!!
_تقدري تقولي راح نعطيك مساعدة من عند البوس..لي فهاد الميتم ميعرفو والو..حوسي على المديرة لقديمة..هي تقولك..نتي برك قوليلها اسمك مروة و وريها الوشم لي فرقبتك
عينيا وساعو..تلقائيا حطيت يدي عالوشم..
انا: ك كيفاه عرفتي
_لي عندي راني قتهولك تقدري تروحي دك..و بالمناسبة اسمك مروة مشي فيرا..
قلبي دق بالقاوي..خلاتني فهلديك الحالة و عطاتني بالظهر راحت..رماتني بكلامها وسط دوامة كبيييرة و راحت و خلاتني..الدنيا دارت بيا..بقيت واقفة فبلاصتي..نرمش فعينيا..نحاول نستوعب لي قالتو و لي قاعد يصرا..كلامها يتعاود بالحرف فودني..الدنيا دارت بيا..غمضت عينيا بقوة..حسيت بيدو لي تلفت على كرشي..و بصدرو لي تحط على ظهري..تكيت عليه نوازن فروحي..راصي حطيتو على كتفو..نتنفس بالقاوي..منيش مصدقة..منيش مصدقة لي سمعتو..كيفاش زعما اسمي مشي فيرا ؟ كيفاه عرفو بالوشم ؟ شكون رشيد هادااا شكووون ؟؟ و واش من حقيقة راح تستنى فيا..شوية و سمعتو يحكي..
هشام: فيرا راكي مليحة ؟ واش قتلك ؟؟
دموعي نزلو..بلعت ريقي بالسيف نحكي..
انا: اديني منا هنا..اديني
حسيت بيديه لي تلفو تحتي..رفدني فحضنو..كبشت فرقبتو..غرست راصي عندو..دموعي نزلو اكثر و اكثر..علاه..علاه قاعد يصرا فيا هكا..كيفاه وصلت لهنا..كيفاه دخلت فهاد اللعبة لي كلها كذب و غدر..واش يسحقو من عندي..واش درتلهم انا..اكيد لحكايات مترابطة فيما بعضاها..شكون انا..حاسة بالضياع..حاسة بوجيعة قوية فقلبي..كأني عمري ما كنت..علاه لهاد الدرجة الناس مولاوش عندهم قلوب..علاه يلعبو بإنتماءات الناس و بوجودهم..علاه ميحسبوش حسااب لاحاسيس الناس..علاااه انا واش درت باش يلعبو بيا هاكا..شهقاتي علاو اكثر و اكثر..يديه كبسو عليا اكثر..نسمع فيه يحكي..
هشام: متبكيش..متبكيش ###..متقنطينيش بدموعك
بكايا قوى لا اراديا..سمعتو وقت تنهد بحرقة..لسقت فيه اكثر..حسيتو مغطيني كامل ببدنو..هو الوحيد لي عندي..هشام رجع الحقيقة الوحيدة فحياتي..هو كلش بقالي..انا مستحيل نغفرلهم..وجعوني..الناس هادو قتلووني..نكرو وجودي و لعبو حتى بإسمي و دمي..حتى الحيوان وقت يتولد يعرف اصلو..اما انا فنكروني كأني مكاش و رماوني هنا و حتى من اسمي و سلبوه مني..و عملو مني لعبة بين يديهم..و رماوني لنار من غير شفقة..لعبو لعبة موسخة لا نعرف اصلها ولا فصلها و حطوني هنا..كان عندو الحق كي قال مشي صدفة..مستحيل نغرفلهم..مستحيل نغفر ولا ننسى لي عملوه فيا..الااا ما نحرقهم كيمااا حرقووني
★★★
رايكم ؟ توقعاتكم ؟😈😈واش حيصرا فالمستقبل ؟؟😈واش يستنى فيهم ؟ شكون رشيد ؟ و علاه اسمها مروة ؟ و واش الجاي🙊
احداااث غير متوقعة تستنى فيكم😉😉
كونوا حاضرين و لتجمجيم واجدين😈😚❤
