هشام يحكي:
حبس اليخت عند الميناء..خذيت نفس طويل..وقفت مبلاصتي..خرجت لبرا..طاحت عيني عليها..باقا واقفة غاديكا..عاطياني بالظهر..غمضت عينيا بقوة و رجعت فتحتهم..نحول نتمالك اعصابي..ركبتهالي الفرخة..تمشيت شيرتها..وقفت بعيدعليها شوي نحكي..
انا: تحرك
تلفتت ليا..من غير ما تشوف معايا..عينيها مطلعتهمش حتى لعينيا..وقفت قدامي قد قد و راصها فالارض..نزلت بعينيا نشوف معاها..رجعت حكات..
فيرا: ابعد
كبست على قبضة يدي..نتحكم فاعصابي..تلفت و خليتها..نزلت ماليخت..درت ليها..قربت للحافة..كنت راح نمدلها يدي باش تنزل..اما سبقتني و سوطات للارض..تماشات قبلي شيرة الكرهبة..لحقتها..تي راصي قاعد يقول نفشخلها داك الراص اما حاكم روحي غير بالسيف عليها..هي لي خذات اكا القرار متاع ###..و هي لي راح تتحملو نتايجو..وصلت للكرهبة..لحقت تركب..فتحتها الباب ركبت زادا..ديماريت..نسوق و نرحي فالطريق..صوتها مطلعش جملة طريق كاملة حاضنة روحها و ساكتة..لا حكات و لا عملت جاست..غزلتني اكثر ماني مغزل..منعرفش على روحي كيفاه وصلت غاديكا..شديت فران بالقاوي..تلفت ليها نحكي..
انا: انزل
تلفتت لعندي..ڨحرتلي ڨحرة متاع موت تحكي..
فيرا: مش حتى تقولي انتا..هاني نازلة
هشام: متزايديش معايا بالكلام مكانش والله الا ما نهدلك هاداك الفم
فيرا: محسوب هاني خفتك
قبل ما نلحق نرد عليها..نزلت بالزربة و خبطت الباب..كبست عالفولون بكامل قوتي..لزيت على سناني مالداخل نهدي فروحي..على شوية كنت راح نلحقها نوريها الخوف كيفاه داير..اما حكمت روحي فاخر لحظة عليهاتلفت شيرتها..لحقت توصل للباب..بقيت نشوف معاها حتى دخلت و غلقتها فوجهي..تنهدت..عديت يدي على وجهي و شعري بالزربة..نهدي فروحي..رجعت ديماريت..نسوڨ و تفكيري عندها..نسوڨ و تخمامي كامل فيها..هبلتني الفرخة..خرجتني من صميم عقلي و مبقيتش نعقل على روحي وقت نبدا معاها..تي معرفتش واش الاخطر قربها ولا بعدها..مبقيتش نقدر نخمم فوجودها..
حبست عند باب الباتيمون..فتحت الباب نزلت..طلعت هادوك الدروج بالسيف..حاس روحي مهدود..تاعب عاللخر..نزلت راصي للجيب نحوس على مفاتحي..اول ما لحقت طلعت راصي..عينيا وساعو و انا نشوف معاها..متكية عالباب..تبكي و تشهق..زربت فخطواتي ليها..وقفت قدامها..طلعت راصها بالزربة..عينيا حامو على وجها كامل..عينيها لمنفوخين لحمورا..نيفها لحمر مالبكاء..دموعها لي نازلين شلال..و خصلات شعرها لي لاسق فوجها مالدموع..صدمتني..اول مرة نشوف حالتها داخلة بعضها لهاد الدرجة..
انا: ليديا !!
اول ما حكيت..من غير مقدرمات..ترمات عليا..لفت يديها على رقبتي..كبست عليا بكل قوتها..رقدت يديا بالسيف حطيتهم على ظهرها..نحاول نفهم لي صاير معاها..
انا: ليديا شبيك !! شصاير !!!
ليديا: ب بابا..ه هشاااام ب بابااااا
عقدت حواجبي..نزلت بيديا لجنابها..كبست عليها بعدتها شوية من عندي..نحاول نفهم لي تحكي فيه..رفدت يدي حطيتها على وجها نبعد فيه لتالي..
انا: شبيه..احكي
ليديا: ب بابااا ماااات هشاااام ماااات
انا: شنووووة
عينيا وساعو..رجعت ترمات فحضني تبكي..رمشت عينيا نحاول نستوعب لي قالتو..كملت تحكي..
ليديا: مااات..مااات و هو غاضب عليا و حالف مندخل جنازتو..مااات هشام ماااات
بلعت ريقي بالسيف..عديت يدي على طول ظهرها نهدي فيها..معرفتش واش نحكي..لفيت يدي على خصرها..رجعت بيها للور شوي و هي باقي تبكي..فتحت الباب..جبدتها شوية عليا..
انا: خلينا ندخلو..
مردتليش..دخلت و جبدتها معايا..سكرت الباب برجلي..باقي شادها من خصرها نمشي فيها..دخلت بيها لصالة..قعدتها عالفوتاي..كنت راح نجبد روحي..اما رجعت كبشت فيا..طلعت راصها ليا تحكي بالشهقة..
ليديا: امانك هشام متخلينيش..بربي متروحش
تنهدت..سخفتني عاللخر..قعدت قدامها..كبشت فصدري..تبكي بالشهقة..رفدت يدي نعدي فيها على طول ظهرها..
انا: يزي ليديا..يزي ملبكاء دموعك مراحش يرجعوه..
ليديا: م مقدرتش ن نشوفو هشام..مقدرتش نودعو قبل موتو..
كبست عليها اكثر فحضني..معرفت واش نحكي..كيما منعرف شحال تعدا علينا وقت فهاديك الحالة..سخفتني حالتها..طول عمرها قوية..متوقعتش باش نشوفها مهدودة لهاد الدرجة..معرفت ادا نفكر فيها و كيفاه نواسيها..و لا فهاديك الفرخة لي محبتش تتنحى من بالي هي و تصرفاتها متاع وذني..
فيرا تحكي:
رفدت كاس القهوة بين يديا..ترشفت منو..رجعت نزلتو..تنهدت..نسمع فيها تحكي..
وردية: ليوم زادا معيطش اكا الهامل ؟
انا: هأة
عضيت شفتي..جمعة كاملة تعدات على اكا الليلة..لا عيط ولا جا..كبست عالكاس فيدي..مش غلطتو..انا لي قررت..و انا لي حكيت..مش حاملة فكرة اني نكون عبئ عليه..ولا عائق فطريقو..تي هو بسببي ضيع مهمتو و فسدت عليه..يمكن احسن قرار خذيتو اني نبعد عليه..مع انو هاد الشي قاعد يحرق فيا..وجيعتي كل يوم تزيد اكثر و اكثر..لفراق قاعد يدبح فيا..اما منقدرش نوقف فطريقو..المرة هاديكا خسر مهمة بسبتي..يمكن المرة الجاية يخسر حاجة اهم من هكا..و انا منيش مستعدة نكون سبب فجرحو..منيش مستعدة نوقف فطريقو..فيقني من سرحتي تيليفوني لي دق قدامي..عقدت حواجبي رفدتو..بلعت ريقي و انا نقرا فاسمو..رديت عليه..
انا: الو
مهدي: بونجور
انا: بونجور
مهدي: سافا ؟
انا: لاباس عليا و نتا
مهدي: لاباس..فيرا هاني قدام الباب اخرجي ليا
انا: شنووووة
بلعت ريقي..وقفت بالزربة..تلفتت ليا مخلوعة تسأل فيا بعينيها..طمنتها بعينيا..نسمع فيه يحكي..
مهدي: شبيك تفجعت هكا..شقلت انا ؟
انا: لا حتى شي..هاني جاية
مهدي: باهي نستنى فيك
قطعت عليه..نشوف معاها..
وردية: شكون هادا ! و فين ماشية ؟
انا: مهدي عند الباب قال اخرجي ليا
وردية: علاه جا بالسلامة هادا زادا
انا: شمعرفني انا هاني غادية لعندو و نشوفو
وردية: ردي بالك منو عيش بنتي
انا: متخافش مهدي مشي سئ لهاديك الدرجة
وردية: نشاء الله يطلع لي تقول فيه هو الصح..برا لعندو افهم واش يسحق
هزيتلها براصي ايه..تلفت خارجة..نزرب فخطواتي..رفدت الجيلي تاعي من البوخت مونتو..لبستو..و خرجت..ضربتني نسمة هواء باردة..لفيتو عليا..قربت منو..تبسملي وقت طاحت عيني فعينو..متكي عالكرهبة يستنى فيا..وقفت قدامو..تبسمت معاه بالسيف نحكي..
انا: شفما مهدي ؟ صايرة حاجة ؟
مهدي: شبيك متوترة هكا ؟ هههه
انا: هههه لا منيش متوترة غير جاتني جيتك غريبة
نزل راصو لجيب الفاست تاعو..ندرا شنية جبد منو..بقيت نشوف معاه..و رجعت طلعت بعينيا لعنيه..
انا: شنية هادا ؟
مهدي: تذاكر
انا: تذاكر شنوة ؟
مهدي: تذاكر مسابقة بولينڨ..قلت يمكن تحب تجي معايا خاطرني شفتك مهتمة بيها
عوجت فمي..عقدت حواجبي نشوف معاها..فثواني تعدات صورة هشام بين عينيا..حتى ادا حبيت نروح معاه مراحش نقدر..الا ما يهد الدنيا فوق راصي..تنهدت نحكي..
انا: سامحني مهدي..اما مشغولة برشا ليوم منقدرش نخرج
مهدي: امممم باهي مشي مشكل
تبسمتلو..سخفني وقت شفت نظرة الخيبة فعينيه..قبل ما نرجع نعتذر منو..قاطعني صوت تيليفونو..
مهدي: سامحني
انا: عادي خوذ راحتك
جبد تيليفونو..رد..نسمع فيه يحكي..
مهدي: مممم باهي..باهي خلو عينكم عليه..ممم ادا خرج خبروني
محاولتش نركز معا كلامو..جيست نستنى فيه يكمل باش نرجع نعتذر منو و نمشي على روحي..نزل تيليفون ردو لجيبو..قبل ما نحكي رجع حكى
مهدي: هشام الظاهر فيه ركح و تربى
عقدت حواجبي..نحاول نفهم لي قاعد يحكي فيه..
انا: شتقصد ؟
مهدي: جمعة كاملة و انا مراقبو..مخرجش مدار الظاهر هاديك الروجية قدرت تحكمو
قلبي خض بالقاوي معا اخر كلامو..بلعت ريقي بالسيف..نحاول نفهم..رجعت سألتو..
انا: كيفاه !!
تكى عالكرهبة..يتبسم و يحكي..
مهدي: من جمعة كاملة و هاديكا لي اسمها ليديا و لا ندرا شنية معاه فالدار..بزوج بيهم مخرجوش مالدار
الدنيا دارت بيا..غضمت عينيا بقوة و رجعت فتحتهم..نوازن فروحي..
انا: يعني معا بعض
مهدي: مممممم
سكت..سكت ملقيتش واش نقول..سكت خاطر تقست و قلبي وجعني..قلبي عصر عليا..مصدق بعدت عليه لقى لي تعوضو..تي جمعة كاملة و انا نستنى فمكالمة من عندو..مع اني انا لي قتلو ابعد اما هكاكا و بقيت نستنى فيه..نستنى فيه يعمل جاست..يحوس..اما هو طول هاديك المدة معاها..و مبعدش جملة من عندها..وجيعة قوية حسيت بيها فقلبي..وجيعة ملقيتش كلام نوصفها بيه..قلبي نحس فيه يتحرق و انل نتخيل فيهم معا بعض..النفس تسكر عليا..
فيقتني يدو لي تحطت على كتفي..طلعت راصي بالزربة ليه..
مهدي: لاباس ؟ شبيك وجهك صفار ؟
انا: ل لا حتى شي
مهدي: لمهم..انا نروح دك مدام مشغولة
سكت شوية..عضيت شفتي..نشوف معاه..جبد روحو مني..قرب للباب راح يركب..غمضت عينيا بقوة و رجعت...حكيت من غير ما نفكر..
انا: استنى
تلفت ليا..عاقد حواجبو..
مهدي: شنوة ؟
انا: استناني نجيب صاكي و نرجعلك
مهدي: مش كنتي مشغولة !!
انا: قررت نأجلو لغدوة
تبسملي..عينيه لمعو..
مهدي: باهي هاني نستنى فيك
تبسمتلو..تلفت..زربت لدار..دخلت..وقفت عند البوخت مونتو..نحيت الجيلي تاعو..لبست الفاست لكوير لي معلقة غاديكا..نزلت نلبس فكونفارسي..سمعت خطواتها وقت قرب ليا تجري..وقفت قدامي تحكي..
وردية: فييين غادية !!
حكيت و نغلق فلي كوغدون فرد وقت..
انا: معا مهدي
وردية: شنوووة هبلتي ياخي !!
طلعت راصي بالزربة..رفدت صاكي..نحكي..
انا: مهبلتش..عمري ما كنت فعقلي كيما ليوم
رميتلها بوسة فالهواء..و خرجت قبل ما ترجع تحكي..معنيش فنقاشات دك..و مش حابة نسمع مواعض..خرجت بالزربة..رجعت ليه..فتحت الباب ركبت قدامو..
انا: تأخرت عليك !
مهدي: لا عادي
تبسمتلو..ردلي التبسيمة..ديمارا..تلفت جيهة الشباك..معاه اما عقلي عند هشام..حاضرة و غايبة..رميت يديفتحت الشباك..نحاول ناخء نفس نهدي بيه ناري..نار نحس فيها قاعدة تحرق فيا لداخل..عقلي عاقد يصورلي حاجات يقهرو..نشوف فيهم معا بعض فكل بلاصة..برشا اسئلة قاعدة تحرق فراصي..بهاد السهولة نحاني من بالو..بهاد البساطة هو تقبل فكرة البعد و راح لعندها..لهاد الدرجة انا حاجة زايدة عندو..منيش مصدقة انو بهاد البساطة هو عملها..و راح لعندها..قهرني تصرفو قهرني..وجعني فالداخل تاعي..
فقت وقت شد فران..تلفت ليه..
انا: وصلنا ؟
مهدي: وي..انزلي
هزيتلو براصي..فتحت الباب نزلت..طلعت راصي للبلاصة..سال دي جو اما الظاهر فيها كبيرة برشا..وقف قدامي يحكي..
مهدي: تفضلي
هزيتلو براصي باهي..دخلنا معا بعض..قربنا لهادوك لكراسا..قعدنا معا برشا ناس..دخلو المشاركين..بدا الكونكور..مكنتش معاهم جملة..منتبهت لحتى شي..جسدي معاهم اما عقلي عندو..مقدرتش نخرجو من راصي..كل نفس ناخذ فيه نحسو يحرق فيا لداخل..صورتو معاها نشوف فيها فكل بلاص..
منعرفش كيفاه تعدا الوقت عليا لتم..حاسة روحي قاعدة عالشوك..لاسمعتو فاش يحكي ولا ركزت معا لي قدامي..نجاوبو قيس هدرتو و قص..بالسيف باش كملو..ندرا شكون ربح..رفدنا روحنا خرجنا..
تفرهدت وقت خلاص الكونكور و خرجنا ملتم..قدرت نتنفس على خاطري..رجع حكى قدامي..
مهدي: عجباتك ؟
تلفت ليه..تبسمتلو و هزيتلو براصي..
مهدي: حسيتك مش قد بعضك !
انا: لا لاباس عليا غير تابعة شوية
مهدي: باهي خليني نوصلك لدار ترتاحي
انا: باهي
قربت للكرهبة فتحتها..ركبت..لحقني..ديمارا..تلفت لشباك..حاسة روحي مخنوقة..كانو جمرة محطوطة فوق صدري..نفس ناخذ فيه بالسيف..
تلفت ليه وقت شد فران عند الدار..
انا: ميرسي على كلش مهدي
مهدي: ميرسي ليك انتي خاطرك وافقت تجي معايا
تبسمتلو..تلفت باش نخرج..شدني من يدي..عقدت حواجبي تلفت ليه..طاحت عيي فعينو..
انا: شفما ؟
مهدرش..باقي ساكت..جيست مركز معايا..شوية و رجع تبسملي..
مهدي: شي..ردي بالك على روحك
ضحكت معاه نحكي..
انا: انتا زادا
تبسملي و هزلي براصو..جبد يدو مني..فتحت الباب نزلت..عملي باي باي..ضحكت معاه..بقيت واقفة فبلاصتي نشوف معاه حتى راح..تنهدت..تلفت باش ندخل..عينيا وساعو و انا نشوف فيه يشوف معايا..قاعد فالكرهبة و عينيه لڨري مركزين معايا..رجليا رعشو و انا نشوف معاه كيفاه مركز معايا..معرفت نفرح..معرفت نحزن..ولا عرفت نخاف..خايفة ملي باش يعملو..و قلبي قاعدة نسمع فيه يتفتت لداخل وقت نذكر لي قالو مهدي..اما فرد وقت توحشتو السخطة..توحشتو موت..غمضت عينيا بقوة و رجعت فتحتهم..نزل مالكرهبة..فخاطري نهرب..نبعد قبل ما يلحقلي..اما رجليا خانوني و معادش قدرت نتحرك..كل خطوة يعملها جيهتي نحسو قاعد يعفس بيها على قلبي..و نظرة عينيه الباردة قاعدة تخترق فعروشي مالداخل و تهز فيا و تنفظ..كبست على صاكي بكل قوتي..هاد المرة انا لي راح نحاسبو بلاصة ما هو لي يحاسبني..هاد المرة انا لي غادي نوريه شباش يصير وقت يبدا معا وحدة غيري و انا لي نعشقو..المرة هادي باش تتقلب المسرحية و انا لي نوريه عقابي على اصولو..الا ما ندمو على كل ثانية معاها..هو ليا..هو تاعي وحدي انا و برك..الا ما يندم عليه و نوريه فيرا شتعمل وقت تتقاس املاكها..
★★★
كيفاش لقيقو لهجتي التونسية
