Unicode 🦋
"မင်းနာမည် ဘယ်သူလဲ..."
တိတ်ဆိတ်ငြိမ်သက်နေတဲ့ အခန်းကျယ်ကြီးထဲမှာစတင်ဖြိုခွဲထွက်လာတဲ့ အေးစက်စက်အသံတစ်ခု
အမေးကိုအဖြေပြန်မလာဘဲ သူ့ရှေ့မှာဒူးလေးထောက်ထားပြီးခေါင်းကိုကြမ်းကျွံမတတ်ငုံ့ထားကာ မျက်ရည်တွေဝဲလာတဲ့ကလေးငယ်
"မင်းနာမည် ဘာလဲလို့ငါမေးနေတယ်လေ.. နားမပါဘူးလား..ဟမ်.."
ကျယ်လောင်တဲ့အသံထွက်လာမှ ကိုယ်လေးတုန်တတ်သွားတဲ့ကလေးငယ်ရဲ့ မျက်နှာထက် စိုးရိမ်မှုနဲ့ကြောက်ရွံ့မှုတို့ကအထင်းသား
"သားနာမည် ကိုးကိုးပါဦး..."
မျက်ရည်စလေးတွေနဲ့ ဖြေလာတဲ့ကလေးငယ်ကြောင့် အလိုမကျစွာတွန့်ကွေးကုန်သည့်မျက်ခုံးအစုံ
"မင်းငါ့အိမ်ရောက်နေတာ၂ ရက်ရှိနေပြီ...အခုကမိုးချုပ်နေပြီဆိုတော့ မနက်ရောက်တာနဲ့ပြန်တော့..မင်းမိဘတွေစိတ်ပူနေလိမ့်မယ်..."
နှင်လွှတ်တဲ့အသံကြားတော့ ချက်ချင်းခေါင်းလေးထောင်လာတဲ့ကလေးငယ်မှာ အထိတ်ထိတ်အပျာပျာ
"သားကိုပြန်မလွှတ်ပါနဲ့နော်...သားမှာသွားစရာနေရာရော မိသားစုရောမရှိလို့ပါ...သားကိုဒီမှာနေခွင့်ပေးပါနော်.. သားတောင်းပန်ပါတယ်..အီးဟီး..."
ပြောရင်းတအီအီနဲ့ငိုလာတဲ့ကလေးငယ်ကြောင့် စိတ်ရှုပ်ထွေးစွာ သက်ပြင်းသာချလိုက်မိသည်
"မင်းက ဘယ်လိုလူမှန်းမသိဘဲ ငါကနေခိုင်းရမှာလား နောက်ပြီး မင်းကလူကောင်းတစ်ယောက်ဖြစ်နိုင်လို့လား "
"သားလူကောင်းပါ..သားကိုယုံပေးပါနော်..."
ဒီကလေးငယ်ဆီက စကားကြားတော့ ဓနမင်းယံတစ်ယောက် ဟက်ဟက်ပက်ပက် ရယ်လိုက်မိသည်
"အဟွန်း လူကောင်းတဲ့လား မင်းငါ့အိမ်ကိုရောက်တဲ့နေ့ ကသတိမေ့နေလို့ ဆရာဝန်ခေါ်ပြလိုက်တာ မင်းကိုယ်ထဲမှာမူးယစ်ဆေးတွေသုံးထားတဲ့အဖြေကိုတွေ့ရတယ်လေ အဲ့ဒါကရော မင်းဘယ်လိုဖြေရှင်းမလဲ..."
မင်းယံစကားကြောင့် အလန့်တကြားဖြစ်သွားတဲ့ ကလေးငယ်မှာ တုန်ယင်လျက်သား
ESTÁS LEYENDO
Coe Coe🦋( Completed )
Romanceရှင်သန်ခြင်းရဲ့အနှစ်သာရက ဘာလဲလို့အမေးခံရတဲ့အခါဦးရဲ့ အမည်နာမလေးကိုပဲရေရွတ်မိလိမ့်မယ်ဦးက 'ကိုး'ရဲ့ အရာရာ ရွင္သန္ျခင္းက ဘာလဲလို႔အေမးခံရတဲ့အခါ ဦးရဲ႕ အမည္နာမေလးကိုပဲေရ႐ြတ္မိလိမ့္မယ္ ဦးက 'ကိုး'ရဲ႕ အရာရာ
