نوري رغم الضياع

الجزء الاول

كعادتها استقيظت اسراء قبل صلاه الفجر التقطت هاتفها لتيقظ تؤام روحها للصلاه لحظات وجاءها الرد
نور: السلام عليكم صباح الفل يا سو
اسراء: وعليكم السلام ورحمه الله وبركاته احلي صباح علي عيونك يلا بلاش كسل يادوب ركعتين قيام قبل الفجر ومتنسيش تدعي لاختك بظهر الغيب لاحسن والله لو نستيني انا عمري ما انساكي
نور : انا مقدرش انساكي طبعا ده انتي تؤامي سلام بقي يادوب الحق اتوضي للصلاه
اسراء :ماشي ياحب سلام
تذهب اسراء مباشره الي غرفه اخيها حيث وجدت الاضواء مضاءه فكعادته لايفوت قيام الليل
دخلت اسراء بدون استئذان كعادتها السلام عليكم احلي صباح يا كبير
محمود :وعليكم السلام ورحمه الله وبركاته مش هتكبر بقي وتخطبي ع الباب مره من نفسك قبل ما تتكلي
اسراء بدهشه :اتكل اروح فين ياحوده انت عايزني اموت
محمود مبتمسا : تروحي بيت الي امه داعيه عليه ياحبيبتي بعد الشر عليكي
اسراء بعفويه :داعيه عليه ايه دي هتكون دعايه له وفي ليله القدر كمان بس تعالي هنا انت بقالك كام يوم متغير كده وحاسه ان في حاجه شاغله تفكيرك
محمود :والله يا اسراء في حاجه مهمه كانت شغالني وبقالي كام يوم بصلي استخاره وقررت قرار ان شاء الله الصبح واحنا قاعدين مع ماما هاخد رايكم فيه وربنا يقدم الي فيه الخير
اسراء :خلاص ياحوده اروح اصلي انا واشوفك علي الفطار ياكبير
محمود بحيره ربنا يقدم الي فيه الخير
وفي منزل نور استقيظت وتوضات وصلت القيام وحان موعد صلاه الفجر لتذهب وتوقظ والديها
تطرق علي الباب الصلاه خير من النو يابو نور الصلاه خير من النوم يام نور اصحو بقي هالم عليكم الجيران
ليخرج والدها خلاص يا غاره صحينا تقبل والدها بحنان صباح الفل يابابا يختضها والدها صباح العسل علي عيون بابا
لتدلف والده نور كفايه حب علي الصبح هتتاخر ياحاج علي الصلاه
نور الله يام نور انتي غيرانه ولا ايه وبعدين انتي الاصل والاساس مش كده يابابا
الحاج محمد اكيد طبعا دي الغاليه ام الغاليه يلا السلام عليكم انزل انا عشان الحق الصلاه
نور ووالدتها : وعليكم السلام ورحمه الله و بركاته

وفي منزل محمود حيث يجتمع مع امه واخته علي الافطار
محمود : ماما انا كنت عايز اتكلم معاي في موضوع مهم
زينب:خير يابني موضوع ايه
محمود:طبعا حضرتك عارفه اني خلصت سنه الامتياز واني كنت الاول علي دفعتي طول سنوات الدراسه كلها
زينب :عارفه يابني ربنا ينفع بيك ويزيدك من علمه وفضله
محمود :المشكله ان الكليه مرشحاني للبعثه السنه في فرنسا وانا مش عارف اخد قرار
زينب :مبروك يا ابني وانت ايه الي يخليك متردد دي فرصه اي حد يتمناها
محمود:هكون قلقان عليكم ياماما مش هاقدر اسافر واسيبكم
اسراء :لا يامحمود اوعي تفكر تسيب الفرصه دي تروح من ايدك انا عارفه ان طموحك ملوش حدود ودي فرصه اي دكتور يتمناها اوعي يا محمود تتردد
محمود : والله يا اسراء مش عارف مش مرتاح للسفر
اسراء:ايه ياعمنا سيبها علي الله وبعدين متخافش وراك رجاله
زينب:يابني احنا هنا وسط اهلنا وناسنا الي عايشين وسطيهم من عمر متقلقش علينا وسيبها علي الله
محمود:طيب حيث كده يا ماما في موضوع كمان انا عايز اكلم حضرتك فيه
زينب بضحك :خير يا محمود.مواضعيك كترت
محمود بخجل :والله ياماما انا كنت معجب كده ببنت وخايف لاسافر وتروح مني فبقول لو ينفع اخطبها قبل ما اسافر
اسراء بمرح:خيانه الدكتور محمود اخويا معجب ومن ورايا لا دي فيها غرامه دي خلي بالك
زينب :بس يا اسراء مين ياحبيبي وازاي معجب انت اخلاقك كده برضو يا محمود
محمود :والله يا ماما ما تخطيت حدودي هي انسانه محترمه وانا اعجبت باخلاقها والتزامها وكنت ماجل موضوع الخطوبه ده لما اعرف افتح بيت ويكون عندي شقه بس موضوع السفر ده لغبط كل حساباتي
زينب :طيب احنا نعرفها يا حبيبي
محمود بخجل :اه يا ماما نور صاحبه اسراء
اسراء بفرحه شديده :نور صاحبتي دي تبقي امك دعيالك يلا ياحوده والله بس هي ترضي بيك
زينب بسعاده :نور دي بنتي الي مخلفتهاش ونعم الادب والتربيه بصراحه يامحمود انا كنت دايما بدعي تكون من نصيبك
محمود:يعني ايه يا ماما اكلم عمي محمد واتكل علي الله
زينب :طبعا يابني انت هتلاقي زي نور فين واهلها ناس طيبين بس برضو انت متترفضش دكتور قد الدنيا وادب واخلاق ربنا يحفظك
اسراء:بالراحه شويه يا ام محمود للواد ياخد في نفسه مقلب لما اروح اكلم نور اشوف رايها ايه
محمود:لا طبعا وادخلو البيوت من ابوابها انا هاكلم عم محمد وهو يدينا ميعاد ونروح والي فيه الخير يقدمه ربنا
زينب :ربنا يوفقك يابني ويقدمك الي فيه الخير يارب
محمود وهو يقبل يد والداته تسلمي يا ست الكل اروح انا المستشفي لاني كده اتاخرت يلا السلام عليكم
زينب واسراء :وعليكم السلام ورحمه الله وبركاته .