نوري رغم الضياع

الفصل الثامن عشر

اتجهت اسراء الي منزلها كان اكثر ما تخشاه هو رد فعل والداتها التي كانت تعتبر نور ابنتها وكان قلبها مطمئن ان محمود حتي لو ابعدته الغربه ستنير له نور الطريق من جديد
دخلت اسراء المنزل لترتمي باكيه في احضان والداتها
ام اسراء بلهفه:في ايه يا اسراء مالك يا حبيبتي
اسراء:محمود يا ماما
ام اسراء: ماله محمود انطقي يابنتي اخوكي ماله فيه ايه
اسراء:طلق نور يا ماما
ام اسراء:ايه بتقولي طلقها طلقها
لتدور الارض بام اسراء وتسقط مغشيا عليها
اسراء:ماما حبيبتي ياماما فوقي ياماما ارجوكي ياماما 
امسكت اسراء هاتفها لتتصل بالاسعاف واخذت والداتها للمستشفي
في المستشفي
اسراء:طمني يا دكتور بالله عليك ماما فيها ايه
الدكتور:عندها انهيار عصبي احنا ادينها شويه مهدئات وان شاء الله بكره هتكون كويسه اهم حاجه ابعدوها عن العصبيه والضغط النفسي
اسراء :شكرا يا دكتور تعبنا حضرتك معانا
الدكتور:العفو ده  واجبي انا سمعت انك دكتوره
اسراء:اه انا دكتوره  بس لسه في سنه الامتياز
الدكتور :طيب بصي يا دكتوره انا في حاجه لاحظتها علي والدتك اثناء الفحص واتمني ان ظني ميكنش في محله بس محتاجين نعمل شويه فحوصات وتحاليل عشان نتاكد
اسراء:وحضرتك شاكك في ايه
الدكتور :نعمل الفحوصات الاول وبعدها نتكلم
اسراء:حاضر يا دكتور الي تشوفه
الدكتور :اتمني بس انكم تعملو الفحوصات دي في اقرب وقت ممكن بعد اذنك
اسراء:اتفضل يا دكتور

كان القلق ياكل قلب اسراء ولم تكن تعلم لمن تلجأ فاخيها قد غاب عنهم وصديقتها في حال لا يعلم بها الا الله ولم تكن تريد ان تزيدها فوق همها هما

اما عن محمود فقد اتخذ طريقه الذي حدده مسبقا استعد لتقلد منصب هام في المستشفي كما استعد لاختيار عروس تليق به وترفعه معها
كان هيثم يستعد لمغادره فرنسا الي بلاده لاقامه عرسه وكان قلبه مع صديقه لكن لم يكن بيده شئ او انه راي كذلك
كانت كارولين في قمه سعادتها فحقا سوف تنال ما سعت لاجله منذ فتره طويله التقت صديقتها اشلي لتخبرها بما انجزته
كاولين:انا سعيده للغايه آشلي فاخيرا محمود بدأ يبادلني نفس الشعور بل انه تخلص من زوجته التي كان يحبها لاجلي
آشلي:كاولين اانت حقا مقتنعه ان محمود يحبك عزيزتي انه لا يحبك انه يحب ثروتك واسمك والمستشفي والمنصب الذي سوف يحصل عليه بعلاقته بك
كارولين :اتعتقدين انني غبيه ولا اعلم ذلك لقد رايت في عينه نظره اشمئزاز لم اراها من اي احد في حياتي  اول مره حاولت التقرب له لكن تلك النظره تحولت عندما علم من اكون ومن يكون ابي حسنا اعتقد ان ابي له بعض الفوائد ايضا
آشلي :اتعلمين ذلك وتقلبين علي نفسك ان تكوني مجرد وسيله يتخذها لتحقيق طموحه كارولين انا حقا اصبحت لا اعرفك

كارولين:آشلي انت لا تعلمين محمود لديه بعض الافكار الرائعه التي يمكن من خلالها حدوث طفره كبيره في عالم اورام الاطفال وانا اريد وبشده ان يظل معي وان يظل بالمستشفي الخاص بي عندما يحقق افكاره ستكون تلك الافكار نقله كبيره للمستشفي انه حقا عقليه فذه وطبيب رائع
آشلي :انت حقا تبهرينني دائما لا اعتقد ان رجلا ما يمكنه ان يكسر قلبك طالما عقلك يقودك دائما
كارولين بابتسامه :انت تعلمين انني وضعت قلبي جانبا منذ زمن طويل ولن اسمح لاحد كان ان يتخطي حدوده معي
آشلي :انا سعيده لاني سمعت منك ذلك انتي الان كارولين صديقتي التي اعرفها والان لنستمتع بوقتنا

عند نور
كانت الدقائق تمر كالدهر لم تكن تكف عن البكاء كلما حاولت ان تستجمع نفسها لاجل والدايها تجد نفسها تنهار من جديد كان ملجأها الوحيد الصلاه تقضي اغلب يومها وهي علي سجاده صلاتها لتشكي لربها جراح قلبها وتدعو له ان يلهمها الصبر وان يهدي محمود لما يحبه ويرضاه .

كانت الايام تمر اعتادت نور الامر انطفات ولكنها مارست حياتها بشكل طبيعي كأن شيئا لم يكن
وافقت اسراء علي ايمن والذي اصر ان يعقد القران حتي يستطيع ان يزيل الحواجز بينه وبين اسراء طوال فتره الخطبه وبالتاكيد لم يعارض محمود ان يتم عقد القران بدون وجوده فهو لا ينوي ان يحضر العرس ايضا هو لا يريد ان يواجه اي احد بوضعه الان
كانت والده اسراء قد قامت بالفحوصات المطلوبه وارسلتها اسراء الي الطبيب وقد علمت منها ما كان يشك به الطبيب لكن قلبها لم يطاوعها ان تاكد شكوكه
ذهبت الي الطبيب ترتجف
اسراء:انا اسفه اني اتاخرت علي حضرتك في الفحوصات الي حضرتك طلبتها بس كان في ظروف حصلت وماما كانت مصره انها متهملش الفحوصات غير لما تعدي الظروف دي
الدكتور :هو حضرتك يا دكتوره مش واخده بالك اني صديق الدكتور ايمن وكنت موجود في كتب الكتاب
اسراء:انا اسفه جدا انا ماخدتش بالي من حضرتك
الدكتور بابتسامه :لا طبعا اسفه ايه ربنا يكتر من امثالك يا دكتوره اديني الفحوصات كده نشوفها
اسراء:اتفضل حضرتك
الدمتور وقد تغير وجهه:انتي اكيد قريتي الفحوصات وفهمتي ايه الي فيها
اسراء ببكاء:انا قريتها وفهمت ومحتاجه حضرتك تطمني اكيد في حل
الدكتور:للاسف الورم منتشر بصوره كبيره ومينفعش فيه استئصال فهنضطر نلجأ للكيماوي علي طول وبجرعات عاليه
اسراء:بس يا دكتور حضرتك عارف ظروفها الصحيه وسنها يسمح بكده
الدكتور:للاسف مفيش قدامنا حل تاني واملنا في ربنا كبير وان شاء الله تحقق المعجزه وربنا يشفيها بس ياريت بلاش تاخير ونبتدي كورس العلاج بدري انتي عارفه يا دكتوره ان الوقت مش في صالحنا
اسراء:انا عارفه انا متشكره جدا لحضرتك وان شاء الله هتواصل مع حضرتك ونحدد ميعاد الجلسات
الدكتور:الشكر لله انا بعمل واجبي وان شاء ربنا هيشفيها انتي مؤمنه وخلي ايمانك قوي وخليكي ديما سند ليها
اسراء:ان شاء الله بعد اذن حضرتك
خرجت اسراء وهي تشعر ان الارض تدور بها لم تكن تعلم ماذا تفعل ظلت تبكي حتي تعبت من البكاء ثم قررت ان تتحدث الي نور ربما تخفف عنها قليلا فهي دائما من تلجأ لها وقت الحاجه
نور:السلام عليكم ورحمه الله وبركاته
اسراء :وعليكم السلام ورحمه الله وبركاته ازيك يانور
نور:انتي خليتي فيها نور ما خلاص الدكتور ايمن اخدك مننا مبقناش نسمع صوتك حتي ومن لاقي احبابه يلا ياستي الله يسهلك ويسعدك يارب
اسراء ببكاء:انا محتجالك اول يا نور
نور  بفزع:مالك يا اسراء في ايه انتي كويسه
اسراء :انا مش كويسه يا نور ماما تعبانه وانا مش كويسه
نور:اهدي يا اسراء وفهمبني ياماما تعبانه مالها بس
اسراء:ماما عندها كانسر وفي مرحله متاخره انا مش عارفه اعمل ايه
نور:لا حول ولا قوه الا بالله انا لله وانا اليه راجعون اهدي يا اسراء انتي فين وانا هاجيلك دلوقت حالا.