نوري رغم الضياع

الفصل السادس والعشرون

استيقظ محمود علي صوت جرس الباب كان الزائر هو هيثم
هيثم:السلام عليكم ورحمه الله وبركاته كيف حالك يا اخي

محمود: وعليكم السلام ورحمه الله وبركاته بخير حال الحمد لله تفضل بالدخول
هيثم :شكرا يا اخي ليس لدي وقت لذلك مررت عليك لاخبرك ان ميعاد رحلتنا غدا صباحا كن مستعدا سامر عليك لاقلك في طريقي
محمود:شكرا يا هيثم اقدر لك ذلك ساكون جاهزا بالموعد ان شاء الله
هيثم :حسنا ساغادر الان السلام عليكم
محمود وعليكم السلام ورحمه الله وبركاته

جهز محمود اغراضه وقد كان قد عزم امره ان يعود لفرنسا من اجل فقط انهاء مسلتزماته واوراقه وبعدها سيعود بلا رجعه لوطنه واهله ارسل فاكسا الي المستشفي الذي  كان يعمل به يحتوي علي استقالته كما ارسل فاكسا اخر الي الجامعه يشكرهم فيه علي الفتره التي قضاها معهم ويخبرهم عزمه العوده الي بلاده والاكتفاء بتلك الفتره
في الصباح ذهب كلا من هيثم محمود وعصام واسرته الي المطار حيث يتجهون الي رحلتهم المنتظره
كان محمود اكثرهم تشوقا ورغبه تعجب عندما وجد عصام يترك اسرته ويجلس بجواره في الطائره
محمود:ايه ده يا ابو فارس انت هتسيب عيلتك وتقعد جنبي
عصام :والله يا دكتور محمود رحلتك الاولي معي كان ليها عظيم الاثر في نفسي وفي علاقتي باسرتي وتمنيت كتير اني اكررها وجات الفرصه لحد عندي واحنا ذاهبين الي بيت الله الحرام عايزيني اضيعها من ايدي
محمود بأسي:بس انا مش محمود الي ركبت معاه من اربع سنين فاتو انا اتغيرت كتير وللاسف اتغيرت للاسوء
عصام :انما يخشي الله من عباده العلماء وانت عالم كبير يا دكتور وعلمك ومعرفتك بعلوم الدين راح تصير ديما نور قلبك الي هينور طريقك مهما ضللت كنت هترجع لانك ذوقت حلاوه الايمان ولذه القرب من الله ومهما كنت عشت او شفت كنت هتشعر انك غير سعيد لان السعاده الحقيقه الحقيقه بالقرب من الله عز وجل
محمود :تصدق بالله يابو فارس انا فعلا محستش بطعم السعاده وانا بعبد عن ربنا فعلا ومن اعرض عن ذكري فان له معيشه ضنكا
عصام : فتح الله عليك يا دكتور والحين راح تشرحلي خطوات العمره بالتفصيل من منظور فقهي فانت هتكون شيخنا ودليلنا في رحلتنا من ناحيه تستعيد علمك ومن ناحيه نستفيد به تنفع به ان شاء الله
محمود :انت هديه ربنا بعتهالي في وقت صعب جدا والله يا استاذ عصام
عصام :زي ما بعت ليا في وقت اصعب يا دكتور ربك كبير وكريم ورحيم بعباده اذا ارادو التوبه يسير لهم الحال
محمود: ونعم بالله

هبطت الطائره في مطار جده ومنه ذهب اصدقاء الرحله الي مكه نزلو في الفندق المتفق عليه وارادو الاستراحه من رحله سفرهم الا محمود هبط سريعا حيث المسجد الحرام وما ان نظرت عينيه الي الكعبه حتي خر ساجدا بكايا يرجو التوبه من الله
كان لقاءا حميما لقاء عبد.عاصي تائب اراد فعل المستحيل من اجل ان يغفر له خالقه ظلت دموع محمود تنهمر ظل يحادث ربه بقلبه قبل لسانه كان المشهد عظيما فهناك اناس من جميع الجنسيات جميعهم جاءؤا من اجل هدف واحد كلهم هدفهم رضا الرحمن كان محمود منشغلا بذاته فقط اراد العفو وظل يطلبه مرارا  وتكرارا حتي تعب وعاد الي الفندق حيث التقي باصحابه وبداءو في اداء مناسك العمره وخلال اليومين التاليين شعر محمود براحه نفسيه كبيره ظن انه استعاد نفسه القديمه تلك التي كانت لاتحمل حقد ولا ضغينه كان هدفها رضي الرحمن  اراد.تمديد فتره رحلته بل لقد طالب رفقائه بالمغادره اذا رغبو ولكنه سيستمر فتره اسبوعا او اسبوعين اخرين قبل العوده

في مصر
كانت حاله ام محمود تزداد سوءا يوما بعد يوما فقدت وعيها وتم نقلها الي المستشفي ودخلت الي العنايه المركزه
في المستشفي
نور :السلام عليكم ورحمه الله وبركاته ازيك يا اسراء اخبار ماما ايه
اسراء:وعليكم السلام ورحمه الله وبركاته الحمد لله يانور زي ما انتي شايفه مفيش تحسن بل بالعكس الوضع كل يوم اسوء من الاول
نور:ربنا يعفي عنها ويشفيها قولي يارب وادعيلها ربنا رحيم بيها وبينا
اسراء ببكاء: انا مش متخيله الي بيحصل يا نور انا بخاف انام لاصحي القيها راحت مني انا ماليش غيرها
نور :وحدي الله يا اسراء مش كده المفروض انك مؤمنه خلي ثقتك بالله كبيره واوعي تنسي ان ربنا قال انا عند ظن عبدي بي خلي ظنك بالله في الخير وان شاء الله خير
اسراء:يارب انا مش بايدي غير اني اقول يارب
نور:ونعم بالله احنا مالناش غيره
هنا دخل ايمن
السلام عليكم ورحمه الله وبركاته ازي حضرتك يا دكتوره نور
نور :وعليكم السلام ورحمه الله وبركاته بخير الحمد لله يا دكتور
ايمن:ارجوكي يا دكتوره حاولي مع اسراء مهمله جدا في نفسها وصحتها حتي علشان خاطر الجنين الي في بطنها ده الي بتعمله ده ميرضيش ربنا لازم نكون راضيين بقضاء الله مهما كان
نور:متشلش هم حضرتك يا دكتور اتفضل انت روح وارتاح وانا هبات معاها ومع ماما الليله دي انا عارفه انكم مش بتسبهم جزاك الله خيرا
اسراء:صح يا ايمن بالله عليك روح ارتاح انت وادي نور معايا ولو احتاجنا حاجه هنكلمك
ايمن:لا طبعا مقدرش اسيبك واروح البيت
اسراء:انت ليك اكتر من عشر ايام من الشغل للهنا ومش بتنام ولا بتريح ارتاح النهارده ومتقلقش عليا نور هتاخد بالها مني صح يا نور
نور:ثق تماما انها في ايدي امينه يا دكتور  ارتاح حضرتك انا اخدت اجازه يومين وفضيت نفسي لاسراء
ايمن :بارك الله فيكي يادكتوره والله الاخوات مش هيحبو بعض كده ربنا يديم المحبه والمعروف
نور واسراء:امين يارب
ايمن طيب استاءذن انا محتاجين حاجه
اسراء:سلامتك خلي بالك من نفسك
ايمن:لو اي حاجه حصلت كلميني استودعكم الله الذي لا تضيع ودائعه السلام عليكم ورحمه الله وبركاته
نور واسراء :وعليكم السلام ورحمه الله وبركاته

خرج ايمن وترك اسراء ونور كانت نور تريد.السؤال عليه وتشعر بالخجل فقد رأته الليله الماضيه في ابهي حال كان يرتدي جلبابا ابيض ويلوح لها ويقول ان الاوان قد حان
نور:هو انتي برضو يا اسراء مكلمتيش اخوكي
اسراء:حاولت يانور ليا اكتر من اسبوعين بحاول اتصل بيه وابعت له مسجات ومفيش فايده جبت رقم المستشفي الي كان شغال فيها وكلمتهم قالو انه قدم استقالته من اسبوعين كلمت الجامعه قالو انه اعتذر انه يكمل فيها وبقاله فتره مش بيجي ومش عارفه اوصله ازاي
نور:طيب متعرفيش اي حد ممكن توصليله من ناحيته خطيبته مثلا  قالت جملتها الاخيره وهي تشعر بغصه في حلقها
اسراء:لا ما هو كلم ماما قبل ما يقفل تليفونه وقالها انه فسخ الخطوبه وانه عرف انه كان غلطان وعايز يرجع محمود بتاع زمان وطلب منها انها تسامحه وقالها انه راجع قريب
نور بلهفه:بجد وماما سامحته ورضيت عنه قبل ما تتعب
اسراء:ماما كانت مبسوطه جدا انه كلمها ومكنش علي لسانها غير انها تدعيله ان ربنا يربط علي قلبه ويهديه ويسخره من عباده الي يساعدوه علي التوبه النصوحه
نور:يارب ربنا يهدينا وينديه ويرشده الي طريق الحق يارب

في مكه قرر محمود الاطمئنان علي والداته وربما يسالها ايضا علي نور فقد قرر ان يستعيد حياته وطلبها من الله امام الكعبه فتح هاتفه ليجد رسائل لاحصر لها من اسراء تخبره فيها بمرض والداته وضروره حضوره الي القاهره في اقرب وقت .