نوري رغم الضياع

الفصل العشرون

كارولين بارتباك :موافقه
حاول محمود اظهار فرحته لم يشعر بشئ مطلقا فبرغم ما بذله من مجهود الا ان النتائج كانت غير مرضيه تذكر عندما اخبره العم محمد والد نور بموافقتها كيف طار قلبه فرحآ حسنا يانور يبدو ان الفرحه فارقتني عندما فارقتك
محمود :انا اسعد انسان بالكون اليوم يا كارولين
كارولين :وانا كذلك هيا بنا لقد تاخرت
محمود.:هيا بنا
اوصلها محمود الي منزلها ثم ذهب الي منزله وما ان دلفت الي الداخل حتي التقطت هاتفها واتصلت بأشلي
آشلي :كارولين ماذا هناك لماذا تتصلين في هذا الوقت المتاخر
كارولين:آشلي انا في ورطه
آشلي :ورطه ماذا بك
كارولين:لقد طلب محمود مني الزواج
آشلي بقهقه وارتفعت ضحكاتها :محمود ياله من ساذج وانتي ماذا فعلتي
كارولين :لم اعلم ماذا افعل كان قد استاجر باخره وعشاء رومانسي وفرقه موسيقيه والعاب ناريه اضطرت للموافقه
آشلي وقد زادت حده ضحكاتها :انت تمزحين وافقتي علي الزواج منه
كارولين:انا فقط اردت الخروج من الموقف بالتاكيد لن اتزوجه
آشلي :اذن وماذا ستفعلين
كارولين:حسنا سنمرح قليلا ومن ثم ساخبره انني لست مناسبه له
آشلي :فعلا انت داهيه ستكون تسليه رائعه خلال الفتره المقبله
كارولين : بالتاكيد لابد ان اخرج ببعض الانتصارات وان كانت بسيطه سترين
آشلي :حسنا صديقتي ساراك غدا احتاج للنوم الان
كارولين :حسنا تصبحين علي خير

عاد محمود الي منزله مهموما لا يعلم لماذا يشعر بهذا الضيق في صدره حاول ان يلجأ الي احد ولكن الي من يلجأ فجميعهم قد نفرو من حوله بعدما أساء معاملتهم تذكر هيثم وكيف كان صديقه الموفي واخيه ومخرن اسراره ايتصل به الان ولكن الوضع مختلف هو لديه زوجه الان والوقت قد تاخر تذكر والداته ربما لو سمع صوتها لشعر ببعض  الراحه ولابد انها  مستيقظه ايضا فهو ميعاد صلاه الفجر التي لا تفوتها ابدا
ام محمود:السلام عليكم ورحمه الله وبركاته
محمود :وعليكم السلام ازيك يا امي
ام محمود:محمود ازيك يا حبيبي عامل ايه
محمود:بخير الحمد لله يا امي انتي عامله ايه واخبار اسراء
ام محمود:انا كويسه يا حبيبي واختك بخير الحمد لله مش نقصانا غير وجودك جنبنا
محمود :ان شاء الله يا امي ربنا يقرب البعيد انا عندي ليكي خبر هيفرحك
ام محمود وقد انقبض قلبها :خير يا محمود خبر ايه
محمود:انا خطبت يا ماما
ام محمود:خطبت خطبت مين وازاي
محمود:خطبت واحده زميلتي في الشغل اسمها كارولين
ام محمود بحزن :كده يا شيخ محمود تخطب خواجيه لا من بلدنا ولا من ديننا بقي بعد نور الي كانت اسم علي مسمي تتزوج خواجيه يا محمود
محمود وقد سقطت دموعه عندما نغزه قلبه عند سماع اسم نور:يا ماما نور صفحه واتفقلت وكل واحد راح لحاله وكارولين هي الي شايفها تنفع تكمل معايا حياتي هنا انا وضعي بقي مختلف وانتي في حاجات متعرفهاش
ام محمود:لا يا محمود انا مش هسيبك تضيع يا شقي عمري مش هسامحك يا محمود لحد هنا وكفايه انت ترجع وتسيبك من الي انت فيه ده ترجع لحياتك ولدينك ولنفسك ترجع تبوس رجلين عمك محمد وتحاول ترجع نور انا مش هسمح لك تضيع ومن هنا لحد ما تختار يا بني احنا او حياتك الي انت عايشها دلوقت انا مش عايزه اسمع صوتك واعرف اني غضبانه عليك
محمود:ارجوكي يا امي انتي مش فاهمه حاجه
ام محمود :انا فاهمه كل حاجه وطول السنتن الي فاتو وانا صابره بقول كلها ايام وتعدي انما انت خلاص عجبك حالك كده وكل ما تروح بتزيد فيها اصحي يا ابن بطني انا شقيت عليكم عشان تكنو حسنتي في الدنيا عشان تكون عملي الصالح الي هيستمر بعد ما اموت مش هسيبك لنفسك يا محمود مش هسيبك
ليسقط منها الهاتف وينقطع الاتصال
كانت اسراء مستيقظه لصلاتها عندما سمعت والداتها تتحدث الي اخيها وعندما علا صوتها دخلت الي الغرفه لتجد والداتها وهي تفقد وعيها حملتها الي فراشها وقامت باسعافها الي ان استردت وعيها
اسراء:في ايه بس يا ماما ايه الي خلاكي تتعصبي كده
والداتها:في.ان اخوكي ضاع مننا خلاص ومتصل بيا عايز مباركتي علي ضياعه
اسراء:يا ماما محمود مسيره يخلص بعثته ويرجع
والداتها :اخوكي هيتجوز خواجيه وهيعيش هناك علي طول طيب وانا وايامي في الدنيا محدوده وانتي مش هيبقي سندك مين هيبقي اخوكي وابوكي لو جوزك زعلك ولا جه عليكي هتروحي فين
اسراء:ليه بس بتقولي كده يا ماما ربنا يخليكي ليا يارب ومتحرمش منك ابدا وبعدين احنا لينا ربنا قبل اي حد
والداتها:ونعم بالله يا بنتي ربنا يتمم جوازتك علي خير ويسعدك يا اسراء يارب
اسراء :يارب يا ماما ويشفيكي ويخليكي ليا يبارك لي في عمرك
والداتها:اسراء بالله عليكي متجبيش سيره لاخوكي عن تعبي الا لو كان مفيش امل ساعتها ممكن تقوليله عشان لو حب يجي يشوفني قبل ما اموت
اسراء :متقوليش كده ياماما ربنا يكتبلك الشفاء ويكتبله الهدايه وتعيشي وانتي راضيه عنه ادعيله بالهدايه ادعيله كتير الدعاء بغير الاقدار واكيد ربنا مش هيضيع شقائي علينا  اكيد ربنا هيجبر خاطرك ويراضيكي
والداتها:امين يارب ربنا يهديه يارب
اسراء :طيب نامي وارتاحي وادعي ربنا يصلح حاله