نوري رغم الضياع

الفصل الرابع والعشرون

كان محمود شديد التاثر بعد مكالمه والداته حتي ان جميع الحضور لاحظ بكاءه وتاثره تقدم اليه هيثم وهو يساله :محمود ماذا بك هون عليك يارجل
محمود:اخطأت في حق نفسي وحق من احب كثيرا لم اتخيل يوما ان اصير بمثل هذا السوء
عصام:كل ابن ادم خطاء وخير الخطائون التوابين مارايك.برحله لنجدد نشاطنا
هيثم:وهل هذا وقت الكلام في رحلات يابو فارس انظر الي حال محمود
محمود:لا يمكنني بالفعل الذهاب في اي رحله الان انا حاليا كل ما يهمني استعاده علاقتي بربي ومن ثم العوده لاقبل قدم امي واطلب منها العفو و السامح
عصام :اذن لكلامي في محله والرحله في وقتها اسمعوني جيدا ولا تقطاعوني حتي انتهي
محمود وهيثم :حسنا تفضل
عصام :كنت اجهز لرحله خلال الاسبوع الحالي مع عائلتي ومن الممكن ان تنضمنو الينا سنذهب معا الي العمره حيث نغسل ذنوبنا ونجدد علاقتنا بربنا ونستعيد راحتنا النفسيه مارايكم
هيثم :اظن انها فكره رائعه وفي وقتها ما رايك يا شيخ محمود
محمود:بارك الله فيك يا ابو فارس والله اني في امس الحاجه لهذه الرحله كم تمنيت ان اودي العمره منذ صغري
عصام اذن اتفقنا كل ما عليكم هو ان تتركو لي جوازات السفر وسوف اقوم انا بكل ما يلزم وجهزو انفسكم السفر خلال هذا الاسبوع
محمود:عجل به ان استطعت
عصام :ان شاء الله
محمود:انا ساغلق هاتفي احتاج الي خلوه مع نفسي هاهو جواز سفري وسارسل لك المال اللازم لرحلتنا وقبل ميعاد السفر بيوم اخبر هيثم لياتي لي شقتي ويخبرني بالميعاد
هيثم:العزله ليست الحل يا اخي اظن انك تقسي علي نفسك كثيرا
محمود:انا اراجع حساباتي مع نفسي ارجوكم لا اريد.ان يضغط علي احد واعرف انني اثقل عليك
هيثم :بالتاكيد لا انا لا يمكنني رد جميلك يا اخي لك ما تريد
محمود:حسنا ساغادر الان وانت يا عصام اسرع بالله عليك
عصام :سابذل قصاري جهدي لاتقلق ان شاء الله
محمود :حسنا السلام عليكم
هيثم وعصام :وعليكم السلام ورحمه الله وبركاته

غادر محمود منزل هيثم واتجه مباشره الي شقته حيث اعكتف فيها من جديد

في مصر وفي منزل اسراء مع زوجها
اسراء:عارف يا ايمن البنت نور النهارده لفتت نظري لحاجه مهمه جدا انا مكنتش واخده بالي منها
ايمن :تصدقي وتأمني بالله انا بغير من نور دي
اسراء:ياسلام بتغير مننا ازاي وليه
ايمن :بتكلمي عليها بحب كده وكلامها معاكي شئ مقدس بتعرف تقنعك من غير ما تطلعي روحه ولا تعاندي معاها لمجرد العناد ذي ما بتعملي معايا
اسراء:انا بعند معاك وخلاص ده حتي طيبه ومطعيه ومش بقول غير طيب وحاضر
ايمن:طيب اتقي الله وقولي نور لفتت نظرك لايه عشان شكلنا هندخل في حوار وهاطلع انا الي غلطان في الاخر وهتعاقب بغسيل المواعين والنهارده مش يومي
اسراء:مش يومك ازاي ما انت يا حبيبي بتغسل المواعين كل يوم من ساعه ما ربنا كرمنا بالحمل
ايمن:بغسلهم تطوع مش عاقب تفرق كتير في الناحيه النفسيه والعمليه ما تخلصي وتقولي قالتلك ايه نور
اسراء :اه صح قالتلي ان انا كده بقطع رحمي لما قطعت محمود زي ماما طلبت مني وان صله الرحم واجب وفرض ولا طاعه لمخلوق في معصيه الخالق
ايمن بعصبيه :طيب بالله عليكي هو انا كلامي بيطلع مني متشفر وبيطلع من نور من غير شفره
اسراء:في ايه يا ايمن مالك
ايمن:ما يا بنتي الكلام ده انا بحاول اقوله من ساعه ما اتجوزنا وانتي تقولي ما اقدرش اخالف وصيه ماما
اسراء: انت قولتلي لا طاعه لمخلوق في معصيه الخالق قبل كده
ايمن :لا
اسراء :نور قالتلها واقنعتني بصراحه
ايمن :يعني هو لازم اقولك كل حاجه صريحه كده مش فهم خالص امال دكتوره وحافظه كتاب الله ازاي
اسراء:بص بقي خدني بالهداوه كده وبالراحه عليا عشان مطلعش عليك هرمونات الحمل وساعتها انت الي هتبقي خسران
ايمن :لا وعلي ايه الطيب احسن
اسراء:ايوه كده رجاله مبتجيش غير بالعين الحمراء وبعدين ما كلكم دلوقت مطلعين ان انا غلطانه وهو كان فين محمود والمفروض مين الي يسال علي مين
ايمن:يا حبيبتي صله الرحم ان تصلي من قطعك وبعدين ده اخوكي وكلكم شايفين انه في محنه كلكم كده تتخلو عنه وتسيبوه يغرق ولا تحاولو معاه مره واتنين والف لو لزم خصوصا انك عارفه انه اصله طيب ومنبعه طيب وان اكيد الي هو فيه ده نزوه وهتعدي وهيرجع لنفسه القديمه مره تانيه
اسراء:صدقني يا ايمن انا معرفتش افكر كنت مضغوطه من كل ناحيه شويه وكان صعبان عليا نور والي تمله فيها وشويه تعب ماما وهو مزعلها وشويه زواجي واهم يوم في عمري واكتر وقت كنت محتاجه جنبي وهو بكل سهوله اتخلي عني انا مكنتش عارفه افكر
ايمن:انا عارف كل ده وكنت عارف ان محدش هيعرف يغير  رايك غير نور لانها اكتر واحده اتاثرت بتغيره ده
اسراء:نور طيبه جدا وعارفه ربنا بجد ولو محمود ربنا بيحبه يرجع قبل ما نور تضيع منه فعلا
ايمن:ده في الاول والاخر نصيب ومكتوب والخيره فيما اختاره الله المهم علاقتك انتي باخوكي اعتبريه باب جهاد واتفتحلك كلمي اخوكي وحاولي معاه يمكن ربنا يكتبله الهدايه علي ايديكي
اسراء:يارب يارب يا ايمن ادعيله كتير بالله عليك
ايمن :طيب قومي نصلي القيام وندعيله سوا
اسراء:يلا بينا يازوجي العزيز

في منزل نور
كان قد تقدم لخطبتها عريس جديد وهذه المره رضخت نور امام اصرار والداتها لاعطاء الموافقه المبدئيه وطلبت من والداتها ان تعطيها الفرصه فقط لاداء صلاه الاستخاره ثم اعطاء رايها النهائي

كانت نور نائمه حيث رأت محمود في منامها يرتدي بذله سوداء فخمه وهي تقف بفستان ابيض علي بعد وهو يقترب منها ببطء شديد
محمود وهو يصرخ :اوعي تبعدي انا جاي
نور:غصب عني كله بيحاول يشد فيا انا مش قادره استني اكتر من كده
محمود:لا يانور بالله عليكي لا انا هاجي وانتي هتستنيني انتي نوري يا نور اوعي تبعدي
نور :طيب اسرع شويه كلهم ورايا تعالي بسرعه مش هاقدر اقاوم لوحدي لازم تكون جنبي
محمود :وانا هاعمل للمستحيل عشان اكون جنبك
استيقظت نور وهي تضع يدها علي قلبها وتبكي فلا تعرف ان كانت فعلا ما تراه في احلامها هي رؤيا حقا ام انها حديث نفس نتيجه حبه الكامن في قلبها
نور:يارب ان لم يكن لي فيه نصيب فانزع حبه من قلبي ولا تعلق قلبي بشئ ليس ملكي

ما ان استيقظت اسراء حتي حاولت الاتصال باخيها مرارا وتكرار ولكن بلا فائده فدائما ما تجد هاتفه مغلق ارسلت له بعض الرسائل علي الدردشه في وسائل التواصل الاجتماعي مطالبه اياه ان يهاتفها بمجرد ان يري رسائلها لانها تريده في امر ضروري فقد عزمت ان تخبره بامر مرض والداته وان تعطيه فرصه لاصلاح علاقته بها قبل فوات الاوان.