نوري رغم الضياع

الفصل الثاني

في منزل محمود رن جرس الباب فتحت زينب
نور :السلام عليكم ازيك يا خالتي عامله ايه البنت اسراء جاهزه ولا لسه
زينب وبدون مقدمات تاخد نور بالحضن وعليكم السلام ياحبيبتي بلاش خالتي دي بقي انتي تقوليلي ياماما
استغربت نور :اكيد طبعا هو انا اطول ده حضرتك الغاليه تم الغاليه فين هي بقي هتتاخر ع المحاضره
جاءت اسراء انا اهو وجاهزه يلا يا دكتوره نور قدامي السلام عليكم الاول
نور وعليكم السلام ورحمه الله وبركاته يلا يااسراء
في الجامعه اسراء ونور مع شلتهم بنات منتقبات يسمون انفسهن شله النور اما ع الجانب الاخر فهناك من يطلق عليهم شله السواد
اسراء ونور ومريم وفاطمه مع بعض كعادتهن
نور :صح يابت يا اسراء ايه سر المقابله الي مامتك قابلتها لي دي احضان وقوليلي يا ماما وكده
فاطمه :اتقي الله يا نور مامت اسراء طول عمرها ذوق وعسل كده ف نفسها
اسراء : طيب يا نور اه في سر وهتعرفيه قريب جدا
مريم :سر يبقي احنا لازم كلنا نعرف قري واعترفي فين السر
اسراء :براحه عليا شويه هتعرفو كلكم ان شاء الله في القريب العاجل
نور : يعني سر حتي عليا انا تؤام روحك يا سرسور
اسراء :تصدقي بالله بعد سرسور دي ما انا قايله ويلا علي المحاضره انتي وهي
طيب يلا يا اختي ياخبر بفلوس

في المساء وفي منزل نور
والد نور فينك يا ام نور تعالي انتي ونور عايزكم في موضوع مهم
ام نور :خير يابو نور في ايه
الاستاذ محمد:كل خير ان شاء الله في عريس كويس جدا متقدم لنور وطالب ميعاد للرؤيه الشرعيه وانا اديته ميعاد علي بكره ان شاء الله
نور بارتباك: لا يابابا حضرتك عارف رايى في الموضوع ده انا دراستي ومستقبلي اهم حاجه عندي وموضوع الجواز ده مش في دماغي اساسا
الاستاذ محمد :نور يا حبيبتي انا عايزه اطمن عليكي وبعدين اذا جاءكم من ترضون دينه وخلقه فزوجوه وانا بصراحه معجب بدينه وخلقه وفي الاول والاخر الراي ليكي بس اقعدي معاه في الرؤيه الشرعيه واستخيري وقوليلي رايك
نور :حاضر يابابا بعد اذنك
خرجت نور من عند والدها وهي تتخبط في تفكيرها ومشاعرها فلا احد يعلم ما بداخلها وتلك المشاعر التي كبرت معاها منذ سنوات منذ اول مره راته وهي تري فيه الزوج الذي تتمناه وطوال سنوات مضت تطلبه من الله في دعائها وتتمناها زوجا لها ياخذ بيديها للجنه
نور :يارب انت وحدك عالم بيا يارب لو لم يكن لي فيه نصيب فانزع حبه من قلبي يارب انا مش عايزه اظلم انسان معايا وهي حاجه خارجه عند ارادتي يارب سيرها بحكمتك التي وسعت كل شئ
خرجت نور ولم تكن تعلم ان ذاك الخاطب هو ذاته من دق له قلبها هو من تتمناه زوج من الله طوال سنوات هو من اسر قلبها واذن لها بالحب الحلال
ام نور :مقلتش يا بو نور من العريس ده حد نعرفه
ابو نور :ايوه يا ام نور الدكتور محمود اخو اسراء
ام نور وهي علي وجهها علامات الدهشه : الدكتور محمود ده لسه متخرج جديد وظروفهم يعني مش قد كده
ابو نور :وهو من امتي يا ام نور بنحكم علي الناس بالفلوس والظروف الولد كويس ومتدين وملتزم واخلاقه الناس كلها تشهد بيها وبعدين باستي متقلقيش هو مسافر بعثه فرنسا لو حصل نصيب مفيش جواز غير بعد ما بنت تخلص سنه الامتياز وهو كمان يخلص بعثته وزي ما بيقولو خدوهم فقراء يغنيكم الله
ام نور :انا مقصدش حاجه يابو نور وانت عارفني بس دي بنتي الوحيده ونفسي تعيش مرتاحه وبعدين ربنا يعلم معزه اسراء وامها عندي قد ايه ومن كتر ما بسمع عن محمود واحترامه انا كنت اتمني واحد زيه لنور وبعدين مش هنسبق الاحداث الراي في الاول والاخر لنور ومش عايزين نضغط عليها باي شكل انت عارفها حساسه ومش بتحب تعارضنا فياريت يابو نور تسيب لها حريه الاختيار ومتحاولش تاثر علي قرارها
ابو نور:انتي عارفه اني عمري ما هاضغط عليها وانا عايش علشانها والي هي عايزاه وتقرره هاكون داعم ليها بس بتمني من قلبي انها توافق وفي الاول والاخر ده نصيب وربنا يقدملها الي فيه الخير
ام نور :ربنا يخليك لينا يا حبيبي يارب ويجعلك سند ليها وليها ديما

في بيت محمود تدلف اسراء لغرفه محمود
السلام عليكم ورحمه الله وبركاته
محمود :وعليكم السلام ورحمه الله وبركاته اتفضلي يا ام نص لسان تعالي جيتي في وقتك
اسراء نص لسان وجيت ف وقتي تيجي ازاي ده
طالما جيت في وقتي يبقي اكيد عايز مصلحه فتخليك صاحب ذؤق معايا مشي حالك حالك يمشي يادكتور
محمود مندهشا :بالله عليكي ياشيخه اسراء في دكتوره تقول مشي حالك حالك يمشي اكبري بقي وزعلانه من كلمه نص لسان
اسراء:عادي علي فكره الدكاتره بتقول كلام كتير بس انت الي محترم يا محترم
محمود :ودي حاجه حلوه ولا وحشه
اسراء:ايه هي دي
محمود :اني اكون محترم كده وماليش في اي كلام
اسراء مش فهماك يا حوده هات من الاخر،
محمود :بصراحه كده انا كلمت عمي محمد ابو نور واداني ميعاد علي بكره ان شاء الله علشان الرؤيه الشرعيه بس خايف من رد فعل نور
اسراء ازاي خايف هي تطول يا ابني
محمود انا بتكلم جد يااسراء
اسراء :بصراحه يا محمود انت شديد شويه مش معني التدين انت تسيب كل حاجه ومش تعيش سنك في ناس كتير ملتزمين وبيضحكو ويلعبو ويفرحو عادي انتي مزودها قوي
محمود :انتي مش عيشتي ظروفي انا فعلا مزودها بس انا بخاف اول يا اسراء من الفتن بخاف اقع فمش بدي نفسي فرصه اني اشوف الدنيا عشان مجيش في يوم واضعف
اسراء :بص ياحوده سيبها علي الله ونور انا مكنتش اتمني لك زوجه احسن منها وربنا يقدملك الي فيه الخير يلا اسيبك انا تناجي افكارك وتعد الدقايق والثواني للقاء المرتقب تصبح علي خير
محمود وانتي من اهل الجنه

رايكم يهمني