Hindi inaakalang bibisitahin,
Bigla na lamang nandilim ang paningin,
Hindi alam paano pakalmahin,
Ang sariling nangangailangan ng hangin.
Gustong maglabas ng saloobin,
Ngunit walang malapitan,
Wala man lang isang kaibigan,
Kahit na panandalian.
Nagsimulang patugtugin ang musika,
Napatayo sa biglaang nadama,
Dahil sa kakaibang tuwa,
Ngiti ang sinusukli sa iba.
Hindi namalayan kung saan napunta,
Hindi man lang nagulat paglingon sa kaliwa,
Bumagsak ang katawan at napapikit,
Ngunit ramdam kung gaano siya kasaya.
BINABASA MO ANG
Untitled: Collection of Poems and One Shots
De TodoRandom thoughts turned into a poem/ one shot
