(Unicode)
Haoli
အချိန်ကလည်း မွန်းလွဲနေပြီ။
JUNG Family စားသောက်ဆိုင်လေးထဲတွင် ဧည့်သည်ဟူ၍ များများစားစားမရှိသောသောကြောင့် စားပွဲအလွတ်တစ်ဝိုင်းမှာထိုင်ရင်း ထွေရာလေးပါးပြောနေကြတဲ့ Luna နဲ့ Vic ....
Jung Sooyeon နဲ့ Wendy ကတော့ ခြံတံခါး၀ကိုကျောပေးရင်း Vic Omma ချွေခိုင်းတဲ့ အသီးအရွက်တွေကို ထိုင်ချွေနေလေရဲ့။ ပါးစပ်ကလည်း ပွစိပွစိနဲ့။
"ဧည့်သည်ရှင်းတုန်း ခနလေး နားရမလားမှတ်တယ်။ Vic Omma ရဲ့ အကွက်ကျ ထောင့်စေ့မှုကတော့ လိုက်ကိုမမီတော့ဘူး။ "
Jung Sooyeon ထံမှ ညည်းညူသံ ...
" ဟုတ်ပါ့ ဟုတ်ပါ့... Joohyun တို့ Seulgi တို့နဲ့သွားဆော့မလို့ပါဆို ...
ခုတော့ ... "
ကျန်နေသေးတဲ့ ခြင်းတောင်းပြည့်အရွက်တွေကိုကြည့်ပြီး Wendy က ထောက်ခံသည်။
တကယ်တော့ ဒီနေ့က ရွာထဲကလူတော်တော်များများ ရွာအ၀င်က တံတားလမ်းပြင်တဲ့နေရာမှာ လုပ်အားပေးသွားနေကြတာကြောင့် ရွာထဲမှာ လူရှင်းနေတာဖြစ်သည်။
အဲ့တာကြောင့်ပဲ Vic Omma က ရွာထဲက လုပ်အားပေးသွားတဲ့သူတွေအတွက် ဒီနေ့အတွက် ညစာချက်ကျွေးဖို့ တာ၀န်ယူထားတာကြောင့် Jung Sooyeon နဲ့ Wendy ခမျာ ဟင်းရွက်တွေထိုင်သင်နေရတာဖြစ်သည်။
အန်တီ Luna နဲ့ Vic Omma ကတော့ လေပေါလို့ကောင်းတုန်း။
အားလုံး သူ့အလုပ်နဲ့သူရှုပ်နေတုန်း ခြံထဲကို ဆိုက်ဆိုက်မြိုက်မြိုက် ၀င်လာသူက ShinDong ...
"ShinDong Oppa အလုပ်က ပြီးသွားပြီလား .... လမ်းက ..??"
စားပွဲပေါ်ကရေသန့်ဘူးတစ်ဗူးကို ကမ်းပေးရင် Vic က မေးလာသည်။ ShinDong က ရေဗူးကိုတစ်၀က်ကျိုးအောင်သောက်လိုက်ပြီးတော့ မှ အမောပြေသွားဟန် သူ့နဖူးကချွေးတွေကို ပုခုံးပေါ်က ပုဝါနဲ့သုတ်ရင်း
" မပြီးသေးဘူး ... ညခင်းလောက်တော့ ပြီးကောင်းပါရဲ့... "
" ညခင်းလား ... ကောင်းပါတယ်။ .... ဒါနဲ့ ဒီနေ့... မုန်တိုင်းသတင်းကြေညာထားတယ်လားလို့ ... ညခင်းထိအလုပ်လုပ်လို့ရပါ့မလား .... "
Luna က ခုနက ရေဒီယိုက မိုးလေ၀သ သတင်းကြေညာသွားတာကို သတိရတော့ဖြတ်မေးလိုက်သည်။
ESTÁS LEYENDO
Only You!
Romance(Unicode) " လောကကြီးမှာရှိတဲ့ အရာတွေအားလုံး ပြောင်းလဲသွားပါစေ ... နင့်အပေါ်မှာထားရှိတဲ့ ငါ့ရဲ့မေတ္တာတရားက ဘယ်တော့မှ ပြောင်းလဲသွားမှာမဟုတ်ဘူး ... ငါ့အတွက်တော့ နင်က အမြဲထာဝရ တစ်ဦးတည်းသော ..." (Zawgyi) " ေလာကႀကီးမွာရိွတဲ့ အရာေတြအားလံုး ေျပာင္...
