𝗜 𝗗𝗼𝗻'𝘁 𝗟𝗼𝘃𝗲 𝗬𝗼𝘂, 𝗝𝗘𝗢𝗡 [Completed]

Ep.17

Unicode;

Taehyungတို့ အိမ်ပြန်ရောက်လို့ Jungkookနမ်းသွားတဲ့ ပါးနဲ့နှုတ်ခမ်းကို ကိုင်ကာ ပြုံးစိစိနဲ့ အိမ်ထဲဝင်သွားသည်မှာ ဧည့်ခန်းတွင်ထိုင်နေသော အဘွားဖြစ်သူ
ကိုတောင် မမြင်တော့။

" ဟဲ့ ထယ်ပုစိ ရုပ်ကဘာဖြစ်နေတာလဲ။ ကိုယ့်အဘွား
လာ‌တာတောင် လှည့်မကြည့်ဘူး "

" ဟာ အဘွားကလဲ "

Taehyungမှာ လူကြီးတွေရှေ့ လူပျိုလေးလိုဖြစ်နေတဲ့ မျက်နှာကို ပြမိတာသွားတာကတစ်ကြောင်း ၊
ဒီအသက်အရွယ်ရောက်နေတာတောင် အဘွားဆီက
ထယ်ပုစိလို့ အခေါ်ခံရတာက‌တစ်ကြောင်း
မျက်နှာမှာ ရှုံ့မဲ့လို့သွားရသည်။

Taehyung သူ့ရဲ့ရှုံ့မဲ့မဲ့မျက်နှာဖြင့်သာ အဘွားဘေး
ဝင်ထိုင်လိုက်သည်။

" ပြောစမ်းပါဦး ရုပ်ကပြုံးစိစိလုပ်နေရတဲ့ အကြောင်း ငါ မင်းတို့အမေဆီက ကြားရတာတော့ မင်းစေ့စပ်ရမဲ့
ကောင်မလေးကြောင့် စိတ်ညစ်နေတာဆို။အခုများတော့ စိတ်ညစ်နေတာနဲ့မတူပါဘူး။ "

အဘွားရဲ့ စကားကြောင့် Taehyung..အမေဖြစ်သူကို
လှမ်းကြည့်လိုက်သည်။

" Omma...မင်းတို့အဘွားကို အကြောင်းစုံပြောပြ
ထားပြီးပြီ "

" အော် ဟုတ်ပါတယ် အဘွား။ ကျွန်တော် Shin Jia
ကြောင့် စိတ်ညစ်နေတာ။ကောင်မလေးက စိတ်ထားမကောင်းဘူး အဘွားရယ်။ Ommaပြောပြထားလို့
အဘွားလဲ သိလောက်ပါတယ် "

" ဟင်း အဲ့ဒါငါစဉ်းစားနေတာ မင်းတို့ ငါ့မြေးကို
ဘယ်လိုလူနဲ့ပေးစားဖို့ လုပ်နေတာလဲ။နည်းနည်းပါးပါး
စုံစမ်းလေ။ "

" ကျွန်မလဲ စုံစမ်းပါတယ် အမေရယ်။ Shinလုပ်ငန်းစုက နာမည်ကောင်းနဲ့ကျော်ကြားတာမို့ သူတို့သမီးတွေက ဒီလိုဖြစ်မယ်လို့ မထင်ခဲ့မိဘူးလေ။ "

" ဟုတ်ပါတယ် အမေရဲ့  ကျွန်တော့်မိန်းမကလဲ ကိုယ့်သားကို ကောင်းတဲ့လူနဲ့ပဲစီစဉ်ချင်တာပါ။ "

" အင်း မင်းတို့ကိုလဲ မဆူချင်တော့ပါဘူးလေ။
‌စောစောသိလိုက်လို့ တော်သေးတာပေါ့။မဟုတ်ရင်
ငါ့မြေးဘဝတော့ မစဉ်းစားရဲစရာပဲ "