جميعهم يجلسون في الفيلا ويتحدثون معاً ويستمتعون بوقتهم الأطفال يجلسون في الحديقة فنظرت وعد إلي آية نظرة ذات مغزي ففهمت آية ما تريده وعد ونظرت إلي لمياء وسلمي تخبرهم لكي يستعدو للدخول في المعركة
آية بتوجس وخوف من ردة فعله : ادهم انا عايزة اقولك حاجة...
ادهم بذكاء : هي وعد غمزتك وانت هتقولي ولا اييه
اية بخضة : لا يا عم مغمزتنيش ولا حاجه بس انا عايزه اقولك حاجه
ادهم بضحك : طيب قولي يا آية عايزة اييه
آية بخوف من ردة فعله :احمم ادهم انا كنت عايزه اشتغل انا ووعد ولمياء وسلمي
أدهم بهدوء ما قبل العاصفة تشتغلوا ليييه هو في حاجه نقصاكي انت وهي وهي طيب بلاش دي انتم طلبتوا حاجة مننا وحنا قولنا لا
وعد : يا ادهم والله احنا عايزين نشتغل علشان نعمل لنفسنا كيان وشخصية وكدا يعني يا ادهم مش كل حاجة نطلبها منكم
عمر بغضب : انتي يا زفتة يا اللي اسمك وعد مش كنا خلصنا من الموضوع دا امبارح وقولتلك لا وخلصنا
وعد بشراسة : لاااا يا عمر مخلصناااش وانا موفقتش وعايزة اشتغل
عمر بغضب : وانا قولت مفيش شغل يا وعد واعلي ما في خيلك اركبييه
وعد بغيظ: والله امال اشمعنا انت بتشتغل
عمر ببرود : انا الراجل واعمل اللي انا عايزه
وعد بغضب : يخربيت الجملة المتخلفة دي
سلمي : يا هيثم انا عايزة اشتغل بقي
هيثم بهدوء : لا
سلمي : دا اللي هو ازاي يعني مش فاهمة
هيثم ببعض الغضب : يعني لا ومش عايز كلام في الموضوع دا تاني
لمياء : ايه يا احمد... انا عايزة اشتغل قولت ايه
احمد : انت عارفة انا رأي ايه... مش لازم تسالي يعني
لمياء : يا أحمد نفسي .....
قاطعها قائلا : اما ارفضلك طلب انت ولا الاولاد ابقي اتكلمي تمام
ادهم بهدوء : اهو كدا كل واحد قالكم رأيو بس خلصنا مفيش شغل
آية برجاء : والنبي يا ادهم والنبي وافق
ادهم بهدوء : اوافق على ايه يا حبيبتي بس انت تضمنيلي ان في الشغل دا مفيش حد هيبصلك ولا يدايقك
آية بهدوء : ما كل البنات بتشتغل يا ادهم وكل بنت بتتعاكس بس علي حسب البنت نفسها هل هي بتقبل كدا او بترفض
وعد بذكاء : بس لقيتها احنا نشتغل معاكم في الشركة واه. نبقي تحت عينكم ومفيش حاجة هنا بقي
عمر بسخرية : دا اللي هو ازاي يعني انت خريجة طب يا هاانم اللي هيفهمك في شغلنا
وعد بغيظ: والنبي بلاش نبرة السخرية اللي في صوتك دا ماشي وبعدين انت كمان خريج صيدلة وادهم خريج طب وهيثم كمان خريج صيدلة مفيش غير احمد بس اللي هندسة البرمجيات وبتشتغلوا في الشركة اشمعنا احنا يعني
عمر ببرود : كدا مفيش شغل وخلاص
ادهم بتعقل : خلاص هتشتغلوا معانا في الشركة ماشي
عمر بغضب : ادهم يشتغلوا فيين ان شاء الله لا يا ادهم دوول يخلووهم قاعدين في البيت
احمد بعصبية: ايوة ميشتغلوش اما نقصر معاهم يبقو يشتغلو
هيثم بغضب : اه سلمي مش هتطلع من البيت بس كدا ...
ادهم ببرود : انا قولت كلمة ومن بكرة هيشتغلوا معانا في الشركة خلص الكلام
فقفزت آية والباقي بفرحة واتجهت آية لادهم وقبلته واحتضنته بشدة
اما عمر فكان ينظر إلي وعد بغيظ وغضب وكذلك احمد ينظر للمياء وهيثم لسلمي
أنت تقرأ
عشقت آية (الجزء الثاني ) الرواية الاولي .... من سلسلة ....العشق الابدي
Storie d'amoreوفي جو من الفرح والسرور يقف الجميع والابتسامه تزبن وجوههم جميعا فهذا هو اليوم الذي ينتظرونه جميعا من زمن بعيد فقد مروا بالكثير من العقبات والمشاكل التي حاولت ان تعيقهم حتي لا يصلوا الي هذا الهدف هدف تكوين عائله كبيره محبه عائله ادهم اللمعي ❤
