معقول ي عباس لو م عايز تعرسني قول لي انت بس م ترسل لي مرتك تهيني وتقلل من كرامتي قدام الناس ولو علي انا دي زاتي م دايراك تاني خليتك ليها ،،،،دا كلام شنو ي سيدة بطلي هظار كيف يعني أرسل ليك مرتي جنيت أنا، ،،،هوي ي عباس هظار شنو البتهاظرو معاك في الموضوع دا دا م موضوع الزول بتكلم فيه ساي ولا بهظر فيه، ،،،،(وبقت تعمل ليها في دموع تماسيح لو م دايرني كان تكلمني انا وبدوس علي قلبي وبخليك للمرة التانيه بس م ترسل لي مرتك م شفته شكلي كان كيف وهي واقفه قدامي وبتقول لي عباس راجلي قال ليك ابعدي عنه هو كان بلعب بيكي وح يفضل يلعب بيكي وانتي هبله ومسكينه بتصدقي وبتجري وراه عباس لو كان دايرك كان وقف في وش ابوه زمان بس ال م بقيف وبدافع عنك زمان دايرة يدورك ويدافع عنك هسي ؟!!!!!!)
عباس دموع سيدة خلتو زي المجنون نتلها من يدها قال ليها دا كلام شنو ي سيدة لو منى كانت عايزة تطلع من البيت كان ورتني بس م ورتني يبقي م طلعت!!!!!
سيدة قالت ليه بتكذبني يعني ي عباس خلاص انا الكذابه ومرتك الصاح مرتك كان معاها حق هي مرتك وانا ضمن البنات الجاريات وراك وانت مستغل الفرصه وبتلعب بيهن مبروك عليك ي سيدي قدرته تكسرني لي المره التانيه معاك سلامه وانسي حاجه اسمها سيدة بت حاج عامر لأنها لا من مقامك لا بتشبهك وقامت ماشة، ،،،،عباس جراها من يدها ووقفها وقال ليها اقيفي هنا جنيتي انتي كيف تقولي الكلام دا شهودك شنو علي كلامك أنو منى جاتك في بيتكم وشاكلتك .!!!!!
هوي ي عباس معقول السنين دي كلها معاك وتكذبني؟!!
عباس عاين ليها بضيق قلتا ليك شهودك منو انو منى جاتك في البيت وقالت ليك الكلام دا بطلي تلفي وتدوري وتلعبي بالكلام!!!!
سيدة:_ طيب مش عايز تعرف الحقيقه اسمع كنت انا وامي قاعدين بعد م خلصنا شغلنا وقعدنا نفطر جات مرتك داخله وبدون اي مقدمات مسكتني من شعري وجرتو لي وقالت لي انا سكته ليك كتير وده م من عوايدي تدخلي وتمرقي مع راجلي وبعدين راجلي هو الرسلني ليك وقال ليك كان بلعب بيك بس م اكتر وانا في النهايه بت عمه وام اولادو ووصية ابوه قبل م يموت وبقت تتلفظ وتقول كلام كعب شديد وطعنت في كرامتي شديد واخر شي شوف جرحتني في يدي (كان عندها جروح اتجرحتهم الصباح بس فادوها في الموقف دا ) وانت قلتا عايز تعرف الشاهد منو صاااااح؟
ناس الحله كلهم كانوا واقفين في الباب بصوت عياط امي وهي بتحاول تفلتني من يد مرتك ومرتك م راضيه تخليني وبسبب الحاله الكانت فيها الناس خافت منها واي زول عمل حساب نفسه ورفض يتدخل خلوها لمن تعبت بعدين فكتني ودفرت يد أمي لحي م سمعنا صوتها عملت أصوات خليتها ماسكاها وده كله عشانك بس انا م قادره اتحمل أكتر من كده!!!!
عباس :_ ده كله طلع من منى م اتوقعته منها حاجه كده وبعدين انا م رسلتها ولا اتكلمت معاها
سيدة:_ يعني جابت الكلام من رأسها ولا قصدك شنو ؟!!!!
عباس :_ بنرفذة زي م بقول ليك ي سيدة انا م رسلتا منى افهمي علي
سيدة:_ بعد الضرب الحصل لي دا مستحيل آمن علي نفسي ومنى في زمتك عايزاك تطلقها
عباس:_ الموضوع دا حسمناهو زمان ي سيدة وقلتا ليك انا م رايد منى صاح بس مستحيل ارميها او اجدع عيالي منى م عندها غيري
سيدة:_كيف م عندها غيرك وسليمان اخوها عايش ولسه صوتو في الدنيا !!!!!
عباس :_ سيدة الموضوع ده اتحسم منى ابوي وعمي الله يرحمهم موصيني عليها قبل م يموتو قالو لي اضربها اضبحها بس إياك تطلقها او ترميها عشان بت يتيمه وم عندها غيرك
سيدة :_طيب ي عباس زي م بدور بس انا عايزه حقي عايزاك ترجع لي حقي من منى حق العياط والفضايح الحصلت في الحله وحق يد أمي ال م ليها يد في حاجه
عباس:_ لا حقك بصل تب انتي بس اصبري لي وانا بادبها ليك !!!!!
سيدة:_ ودا العشم ي عباس.
هوي ي سليمان انا جيت أوريك العملتو اختك مع سيدة عشان لمن اخد قرار ضدها م تحتج وكل الناس عارفين اني رايد سيدة من زمان ومن قبل م اعرس منى اختك ومعروف انا عرستها ترضيه لي ابوي وابوك بس حكاية انها م تقدر وتدخل في قراراتي دي الحاجه ال م بقبلها.
فدوي :_ اسمح لي ي عباس بس دا غلطك لو كان حزمتها من عرستها م كان اتدخلت في قراراتك
سليمان :_ قومي طيري جوا ي فدوي مليون مرة قلتا ليك م يجي راجل يقعد معاي تجي تنقزي في نصنا مرة انتي ولا راجل وبعدين مافي زول طلب رأيك
فدوي قامت دخلت جوه وهي بتنقنق وخايفه من سليمان لو حالتو قامت عليه بفششها فيها هي
شوف هنا ي عباس زي م ابوي قال ليك اللحم ليك والعضم لينا اعمل البتشوفو مناسب مع حريمك وبعدين كلمتك انا منى دي اختك بت عمك قبل م تكون مرتك يعني انت في الحساب والي عليها وعندنا الوالي لو وليتو عملت الغلط بعمل معاها الصاح بس اوعاك تمشي علي العضم انت فاهمني؟!!!
عباس فاهمك ي سليمان انا بس وريتك عشان يبقي عداني العيب لو عملت اي حاجه!!!
سليمان :_لا ي زول الأسرة ديك اسرتك خلاص بالفيها م محتاج تدخل فيها زول
عباس:_ طيب كان كده مع سلامه امشي اشوف وراي شنو
سليمان :_ وين ي زول قاعدين الغداء ي فدوي!!!!!
عباس:_ لا معليش اعفيني م جيعان يلا سلام عليكم
(فاطنه وهي بتتكلم مع سيدة)
ي خوفي منى هي التخلي ينقلب ضدك بسبب عمايلك وتقعدي تغني ظلموني!!!!
سيدة:_ التخطيط الفي رأسي لي الفتره الجايه بسببو منى البتغني ظلموني اصبري لي ليها م شردته أولادها م يبقي أسمي سيده........
يتبع
