يا راجل البت دي جسمها مسخن من المويه الكبيتها فيها شكلها جاها إلتهاب خلينا نشيلها نوديها المركز الجنبنا دا انا خايفه علي بتي شديد أول مرة تبقي سخنه لي الدرجه دي !!!!
عباس:_ منى اختيني عليكي الله في راسي مليون موضوع وم فايق ليكي انتي وبتك و شنو سخنه لي الدرجة دي وم لي الدرجة دي طول عمرها البت الملعونه دي مكمله قروشي كلها في مرضها وبعد داك م خايل فيها
منى :_ ياراجل انت جنيت خايف البت طفله كيف باين م باين وبعدين النقاش دا م ليه لازمه هسي خلي نودي البت الدكتور وبعدين نتفاهم
عباس:_ ي ولية انتي م ابتفهمي ولا مخك تقيل صاح والله مخك تقيل انا بسأل ليه انا م عندي قروش عشان اديكي ليهم وتعبان في روحي دي من الجري طول النهار وبعدين نهاري كله كنت مقضيه بحلحل في مشاكلك السببتيها دي وشغل م اشتغلتا دايراني اجيب ليك القروش من وين أسرق يعني ؟
منى :_ لا م تسرق بس انا متأكدة معاك قروش
عباس :_ لا معاي جايبهم من وين وريني سارقهم من بيتكم للأسف بيتكم زي الزريبة وم فيه حاجه تنسرق
منى :_ الجاب سيرة بيتنا هسي شنو
عباس :_ اوف ي زفت قلنا ليك مصدعين اطلعي من راسنا ياخ
منى:_ طيب والبت؟
عباس:_ ياخ البت تطير في السماء م قلتا ليك م عندي قروش اعملي ليها مكمدات وادلكيها بزيت سمسم وقرض وبتبقي كويسه
(منى لي أول مره تحس بالعجز وأنها بسبب عدم القروش م قادرة تعالج بتها بس تعمل شنو في راجلها القلبو قاسي دا هي ذنبها شنو انها رضت تعرسو علي قرار ابوها وم تكسر كلامو ،،،،،م هو كمان الراجل سمع كلام عمي وم رضي يرد ليه كلمة انا م محرقني الطريقه البعاملني بيها زي الطريقه البعامل بيها عيالو ياخ والله لو زول لقاهم في الشارع بعاملهم بطريقه احسن من كدا خلي يكون تعبان فيهم، ،،،وبعدين م يقول لي م عندو قروش انا شفتو قبيل الصباح بحسب فيهم علي الدولاب قروش بكميات كبيرة لكن شكله ديل القروش المجهزهم لي عرسه، ،،،،،عرس شنو الليهو وبتو عيانه وممكن تموت قلتا بس بشيل منهم اعالج بتي ويحصل اليحصل بعمل لي شنو يعني بضربني الا اليضربني اصلا هو م مقصر وجسمي معلم زي البت الصغيرة ال م بتسمع كلام اهلها ولو قتلني يكون ريحني من الدنيا دي بس طول م عايشة بصبر علي الفقر والجوع والعطش لكن المرض لا )
(قمتا من مكاني بفتش فيه عشان ادخل العوضة واقدر اشيل من القروش فتحت الشارع واتلفتا لقيتو م قاعد قدام البيت بالكرسي كالعادة لانو دا الزمن البطلع فيه بكرسي برا مشيت الراكوبة والاتجاهات ديك م لقيتو جيت ماشة بالحمام سامعه صوت رشرة قلتا بس بكون في الحمام كيف م خطر لي انو زي الزمن دا بكون في الحمام هسي طيعت زمن كتير في التفتيش عليه زمن ممكن يفتش لي مكان القروش، ،، ، سليت شبطي وجريت جري لي مكان التربيزة البخت فيها المفاتيح وقلتا اخدهم من باب الاحتياط لو م لقيتهم افتح الدرج داك واحسن حاجه برعي نايم لو كان صاحي بعمل لي أمور وهو بسالني كنتي وين وولدك دا بجوعر زي ده، ،،،،جريت الغرفة وانا بتلفت م خليت تحت سرير ولا ملابس هبشت الدرج الأخير لقيتو قافل لانو جريتو رفض يتفتح معاي طوالي دخلت فيهو المفتاح ولفيتو لما فتح لما عيوني اتحولن الدرج مليان قروش لي حدو يعني كدا ي عباس تخلي بتك المرض يقتلها وانت هنا لامي القروش عشان تعرس بيهن م بخلي بتي تموت لي في يدي حتي لو امد يدي واسرق وبعدين دي م سرقة دي قروش ابوها مديت يدي شلتا لي ربطه في يدي حقت ميات رجعتها قلتا الميات كتار خلي اشيل من الخمسينات شلتا لي واحدة وقفلت الدرج جيت طالعة لقيت عباس بعاين بي والشرار وغضب الدنيا دي كله في عيونو قال لي لا لا الخمسينات بسيطه اخدي الربطة بتاعت الخمسميات )
(انا بقيت إلا ارجف لا دا ال م كنت حاسبه حسابو خلاص نجمتي غابت، ،،،،عباس جا ماشي علي أول حاجه اداني كف لما وقعت في السرير وشال الربطة بتاعة القروش والمفتاح فتح الدولاب دخل القروش وقفلو وبعدين قبل علي قال لي دا شنو بتسرقيني يعني وانتي عرفتي حكاية انو الدرج فيهو قروش دي من وين وحاولتي مرة انك تسرقيني معناته كانت في محاولات تانيه بتظبط وبتسرقيني وانا م حاسس؟!!!!!!)
قلتا ليه يشهد الله دي أول مرة احاول امد يدي علي حاجه م بتاعتي بس الظروف جبرتني وبعدين انت مدام معاك قروش ليه رافض تعالج بتك وتخليها لي المرض ينهش فيها؟!!!
عباس :_ منى جاوبيني وم تغيري الموضوع من متين بتمدي يدك وتسرقي من القروش دي وشلتي كم وعرفتي كيف عندي قروش في الدرج دا كنت بتراغبني يعني لما اجي ادخلهم ولا قصتك شنووو ؟
رديت ليه وانا ببكي اقسم بالله ي عباس دي أول مرة افتح الدرج دا والحوجه هي الخلتني امد يدي واسرق يعني م ممكن اشوف بتي بتموت قدامي وابوها م راضي يعالجها م قدرت بالنسبه لي موضوع عارفه من متين انو الدرج دا فيه قروش ابشرك م عارفه غير الليله قبيل الصباح جيت ادخل الغرفه لقيتك فيها بتعد فيهم وشفتك دخلتهم وقفلت الدرج
عباس طلع القاش وبقي يضرب في منى بطريقه مبالغه تسرقيني انا ي حرامية ي م مربية تسرقي راجلك الصابر عليك ان محوجك لحاجه، ،،،،،منى ردت ليه لا محوجني م محوجني شنو اكبر دليل بتك ال م عايز تعالجها دي
وكمان عندك نفس تردي بعد الغلط العملتيه وم دايرة تعتزري شوفي هنا خلاص انتي م ابتلزمني انا م بطلق بس م دايرك في البيت دا وبخليك معلقة كدا وعينك طالعه وتطلعي من هنا لي بيت اخوكي
قلتا ليه لا م عايزه امشي بيت سليمان ولا عايزة
قل لي م علي كيفك ي حلوة انا بسوقك بوديك ليه لحدي عندك خلي يشوف اختو السراقة والعمايل البتعملها غير السرقة تاني ي عالم شنووو ؟
قلتا ليه يعلم الله ي عباس دي أول مرة امد يدي سامحني تاني م بكررها يشهد الله!!!!!!
منى م داير كلام كتير انا اطلعي برا شيلي اولادك وانا بلم ليك ملابسك
بس ي عباس
(عباس غضب منها ودفرها برا الغرفة قلتا ليكي لمي حاجاتك يعني لميهم وبتك دي زاتها سوقيها معاكي عشان بتطلع حرامية زي امها والولد العياط العامل زي الضب دا برضو م لازمني سوقي معاكي )
(عباس عمل الفي رسو ولملم لي منى والعيال ملابسهم وحاجاتهم وركبهم في الكاروو لحدي م وصل بيت ناس سليمان اخو منى ،،،،،منى مع أنه الموقف م يستعد أنها تفرح بس فرحت عشان بسمة حرارتها نزلت شويه ،،،،،عباس ضرب الباب سليمان طلع يدو من صحن الأكل قال لي فدوى دا منو الجانا دا كمان غسل يدو وطلع لقي دا عباس ضحك وسلم عليه قال ليه اتفضل سليمان قال لي معليش م بقدر اعزرني ي سليمان بس اختك السراقة دي م ابتلزمني تاني ونزل الحاجات دخلهم ليه جوا وخلاهم واقفين ومشي )
يتبع.
