بقي يضرب سليمان فيني قال لي انا حزرتك مليون مرة وقلتا ليكي م تدخلي في حياتي بس انتي مصره انك تختي نفسك في مواقف زي دي شوفي هنا المرة الجاية والله اطلع السكين وامشيها ليكي في رقبتك الذي رقبة النعام دي إلا جا عمو كبير داير يشتري حاجه شافني بضرب فيني حجزو مني وطلعني من بطن الدكان طلعتا لقيت الناس كلهم واقفين وبتفرجو والناس تشيل وتتكلم ناس تقول معناته غلطت غلط كبير عشان كدا ضربها في السوق وم قدر ينتظر لحدي م يمشي البيت وناس تقول سليمان لا بخجل لا بستحي من المفترض يكون صبور اكتر من كده وينتظر لمن يمشي البيت ويحل مشاكلو وتصرفو م تصرف راجل هسي السوق كلو عرف انو اختو عملت مشكلة كبيرة وهو قابلها بالضرب طلعت من السوق وانا ندمانة اني جيت عشان افتح لي عينو ان شاء الله تمشي مع رجال الحلة دي كلها والله لو مسكتها تاني بالثابتة مع راجل م اقول ليها تلت التلاته كم انا عمري م لقيت راجل لا شعور لا احساس هو عارف تماما اني انا لو م شفت حاجه م بتكلم ساي بس هو من كلامو شك ساي م شكه فيها
عباس حلف م يمشي يرفع الولد مع أنه ولدو وكان ببكي جات ياسمين جارية لقت عباس قاعد وماسك تلفونه قالت لي والله حرام عليك علي اساس الببكي دا م ولدك ومشت علي الولد شالتو وبقت تهز فيهو لحدي م سكت
منى جات داخله عباس شاف آثار الضرب في جسمها قال ليها دا شنو ده الضربك منو اكيد دا سليمان انتي عملتي لي شنو لمن رفع يدو عليكي وضربك بالطريقه دي
قلتا لي مالك ومال العملتو علي اساس انت قصرت من ضربي عاملني زي جاريتك وسكت ليك ودا اخوي يعمل العايزو ونطيتو ومشيت لقيت ياسمين بتهز في برعي من شافتني ختتو وجات جاريه قالت لي العمل فيكي كدا دا منو دا اكيد سليمان اخوك
قلتا لي كلمتك قلتا ليك عيونو معميات كان اريتني م مشيت لي لا صدقني ولا شكه في كلامي وغير كدا اخدت ضرب زي الحمار علي الفاضي وم استفدته حاجه
ياسمين:_ بعد منى حكت ليها الحاصل كله قالت ليها ومنو القال ليكي م استفدنا حاجه بلعكس هو شكه في الموضوع لكن م كان عايز يبين ليك انو ضعيف او انو مرتو بتلعب بي وضربو ليكي اكبر دليل علي كدا انتظري كم يوم وبتشوفي النتيجة براك
قلتا ليها ان شاء الله يكون كدا ودقتي م تروح علي الفاضي
المهم هسي خايفه الآثار م تروح والعرس باقي لي اربعه يوم بس
ياسمين:_ لا م تخافي بتروح في صباع سمح شديد جابو صالح من المدينة وانا مجربة والله مسحة واحدة م ابتلقيهم ومع الدخان مافي حاجه بتظهر
قلتا ليها دخان، ،،،قالت لي م تكوني م ناويه تعملي ليكي بوخة بوختين؟!
قلتا ليها واعمل بوخه ولا بوختين لشنو مالي ومال العرس خليهم يحرقو بجاز يعرسو م يعرسو م بخصني
ياسمين :_ انتي مجنونه ي منى لو م ادربتي لي العرس دا والله الناس يقولو الموضوع محرقك وانتي بتقولي الموضوع م محرقك اثبتي لي الناس انو الموضوع م فارق معاك وبعدين انتي مش قلتي بقيتي قوية وواثقة من نفسك تاني شنو انا م بخليكي لو مهما حصل وبعدين اعتبري عرس أي زول قاعد في البيت وانتي لازم تتجهزي لي
منى :_ والله م عأرفه بس راسي اعوج في الحكاية دي
ياسمين :_ لا ولا اعوج ولا حاجه الموضوع ابسط من البسيط يلا انا بمشي وامد ليك الصباع بفوق وانتي فكري في الموضوع
فكرت في الموضوع لقيت كلام ياسمين فعلآ في مكانو انا مدام الموضوع م فارق معاي لي م اتبسط
الليله يوم حفلة حنة عباس وطبعا البيت مليان بس ولا هماني الموضوع خليتو جايط زي دا ومشيت بيت ياسمين وسقت معاي عيالي اتبوخته وجاتنا الحنانه في البيت انا وياسمين رسمت لينا عملنا ماسكات لي وشوشنا وكوينا شعرنا وم خليت حاجه كدا لافة م عملتها اجرت لي توب من بتاعت الكوفير الجنبنا وداك يالبس وقلتا لي بتاعت الكوفير تمكيج لي وشي وفعلآ بعد انتهت م عرفتا نفسي قلتا ماشة ياسمين مسكتني قالت لي ماشة وين ي مزة انتي حلاوة الحفلة يعني م تجي هسي خليها لمن ترب وتعالي داخلة كأنك العروس وشوفي هنا انا بمشي هناك لمن يجي الزمن المناسب بجي بقول ليكي اطلعي ولو علي العيال أنا بسوقهم معاي نبأ اختي قاعدة هناك بمسكهم ليها بتريحك منها طول الحفلة وانتي اياكي الميكب دا يخرب اقعدي هنا وهبي وشك دا عشان م يعرق والمكياج يسيح قلتا ليها علم ي باشا
الحفلة بدت وربت ربه تمام وانا قلبي واجعني علي الفواصل الفاتتني فات كم فاصل قلتا هوي ياسمين دي شكلها مع الحفلة السمحة دي نستني لكن اتكفي حقي هنا وداك ي الرقيص رقصته رقيص لمن روحي مرقت هههههههههههههه تاني خفته المكياج يخرب وياسمين ترفض لي امشي بهناك احسن اقعد ومن قعدته داك جات داخله قالت لي قومي يختي الحفلة رابه امشي غيزيهم وقولي راجلك بعمل في عمايل عجيبة تقول أول مرة يعرس ههههههه
قلتا ليها اسكتي بس الليله بوري الرقيص دا كيف طلعنا وجينا داخلين وعلي حسب الحظ من ختيت رجلي في البيت اشتغلت اغنية
العروس سمحة وفايتة في البنوت سماحة قولو ماشاء الله خشي براحة
لمن اتهجمته دي حفلة عريس بغنو فيها اغنية زي
دي بس م علينا اشيل واتبسم واتكشم والناس دي كلها تشيل وتعاين لي والعريس زاتو اتهجم عاد اعجبكم فعلآ سمحة انا زاتي عاجباني نفسي وشديد كمان ههههههه
تفتكرو بمشي أقعد في كرسي لا وحاتكم في نص الدايرة وداك يالرقيص اقوم واقع اقوم واقع ياسمين اتحيرت فيني ختت يدها في نصها وبقت تحمر لي نظام هدي شوية او اقعدي في الأرض بس والله م شغالة بيها خليت ليكم الناس يتهامسو
الفاصل وقف مشيت لي العريس ومديت لي يدي بابتسامة مبروك ي عريس تتهني ان شاء الله، ،،،عباس مسك يدي وحلف م يفكها بسهولة وبقي بعاين لي ومركز شديد في وشي ولا كذبته شلتا يدي التانيه شلتا بيها يدو من يدي ومشيت خليتو لسه بعاين لي والناس يتهامسو واي م شفتو بعاين ليها كيف لا وكمان ماسك يدها هي زمن عاجبه داير يعرس تاني لشنو وووووو إلخ
شلتا برعي مسكتو في رجليني من الحفلة بدت تاني جدعتو لي نبأ اخت ياسمين وقلتا قايمة ياسمين مسكتني عصرتني في الأرض ي ولية استهدي بالله شوية قلتا ليها م استغني يختي ههههه وزحيت يدها ومشيت وهي تشيل وتصر في وشها نظام اصبري بعد الحفلة تنتهي
بقيت ارقص وارقص بس اشوف ليك عباس برقص معاي في نص الدايرة لمن اتهجمته ....
يتبع.
