منى وسليمان ماشي عليها اتذكرت العملو معاها في السوق وكيف فضحها ومن اليوم داك حلفت لو لقتو سلام الله م بتردو عليهو بعد م يعرف الحقيقه في النهايه العملو معاها م بسيط وهي كانت دايرة مصلحتو هو كيف يفكر انها ممكن تخرب لي بيتو او ناويه ليه بشر طوالي مشت وجات ماشه بجنبو بعد م قوت قلبها كان نفسها تكون علاقتها بي اخوها غير العبرة خنقتها بس م حبت تبين حاجه عشان عارفه مافي حاجه بتنفع بعد دا عدا الحقيقه ،،،،سليمان الموقف وجعو شديد قال ليها والله بقيتي تعرفي تختصري ماشاء الله ولا عرفتي نفسك كنتي غلطانه؟!!!!
منى :_ ههههههههههههه بعد م وقفت أول كانت ماشه بس كلام سليمان حرقها وخصوصآ شخصيتها الجديدة بقت م ابتسمح ليها تخلي زول يغلط في حقها وهي عارفه نفسها م غلطانه حتي لو مين م كان الزول دا قالت لي والله انت عارف ي سليمان انت م مخوفني انت محنني
سليمان :_ احترمي نفسك بدل م اجي امد يدي عليكي في الشارع دا وافرج عليك امة لا إله الا الله دي كلها
منى :_ تمد يدك علي منو والله اكسرها ليك انا تاني م بسمح لي أي زول يوصل لي يدو اتحملتكم كتير وخلاص طاقتي بتاعة التحمل خلصت انا في النهايه انسان وعندي درجة صبر معينة ولو الحاجه دي زادت بنفجر في وش القدامي وم بعمل اعتبار لي اي زول
سليمان :_،بس انا م اي زول انا اخوك وولي امرك ولما تغلطي عندي الحق اكسر ليك راسك دا
منى :_ ديك قلتها لما اغلط وانت عارفني كويس م بغلط في حق زول وتعال هنا قلتا لي اخوي ومسؤول مني طيب تعالي هنا ومشت عليه اخوي في شنو قول لي بس حصل يوم جبت لي حقي؟
حصل يوم نصرتني لما كنت مظلومه ؟
حصل يوم حسيتني لي مرة واحدة في العمر ان شاء الله اني اختك؟
حصل يوم فرحتني بحاجه جبتها لي او قلتا لي اتذكرتك بيها وقلتا اجيبها ليك ؟
حصل يوم قلتا لي لو احتجتني بتلقيني جنبك وسندك؟
حصل يوم جيتك مظلومه من عباس ودمعتي في عيني انت نصرتني وقلتا لي انتي مظلومه ودا بيتك اقعدي لحدي م اشوف المشكله وين واحلها انت كنت دايما هاميك بيتك هاميك اغور ليك منو عشان ترضي الهانم بتاعتك سلوى صحبتي راجلها بس رفع اصبعو في وشها اخوانها قلبو الدنيا وم قعدوها وخلوها قاعدة معاهم معززة مكرمه لحدي م اعتزر منها ورجعوها لي بشروط وقالو لي لو غلطت تعال اشكيها لينا نحنا ونحن بنجيب ليك حقك لكن يدك دي م تترفع علي اختنا عشان نحنا المسؤولين منها وطول م نحنا بنتنفس في الدنيا دي اختنا م عايزنها تحس انها م ليها ضهر او تحس نفسها مكسورة وم تلقانا ولي يوم الليله لو راجلها عايز يقول كلمة غلط ساي بحسبها ألف حساب قبل م يطلعها عشان عارف هي بت رجال وعندها ضهر ولو كتر اغلاطو معاها اخوانها بمسكوها معززة مكرمه وم بملو من اختهم
دي الإخوان كده ي سليمان اخوان مش يتعمل ليهم حساب لا يتعمل ليهم مليون حساب ويتشالو في الراس عشان ناس م بتحب الغلط ولا الحال المايل وكلمتهم وحدة وصح ومسموعة، ،،،انت العامل فيها اخوي دا قول لي حصل في مكان في جسمي دا م خليت علامة فيهو بسبب الضرب ؟
حصل خليت كلمة جارحة م قلتها لي ؟
انت كنت بتوصفني بأوصاف وبتقول لي كلام م بقولوها غير أولاد الشوارع وأولاد الشوارع بخلو الكلام في الشارع لكن م بدخلو بيهو البيت وبقولو لي اخواتهم
انت عمرك م كنت اخوي وصراحه خلاص انا اتحملتك كتير بس اكتر من كده م عندي ليك مرارة لو ترضي او تابي انت م راجل الرجاله عمرها م كانت بالضرب وفرد العضلات علي زول ضعيف وانت كنت اخر أمل ليه
أنت لو كنت راجل ومعتبر نفسك اخوي وسندي بصحيح كان كبرتني علي الناس الغلطو في حقي وقبل كل حاجه كبرتني في نظر نفسي، ،،،انا بسببك كرهته كلمة اخ الناس بتصف اخوانهم علي انهم سند وامان بس انا كان عندي اخ بنسبه لي رعب خوف ظلم وضرب
انت لو اخوي بصحيح كان وقفته في راسي وصبرتني بعد موت اهلنا هوي ي سليمان انت م اخوي ولا ينفع يتقال عليك اخو انت كلمة اخ لو اتقالت ليك تعتبر جريمه عليك الله لما يجيبو سيرة الإخوان أو الرجال اقيف بعيد وصفق ليهم لأنك مستحيل تحصل ضفر واحد منهم ومشيت وخليتو متحير
اي نعم عارفه كلامي فيهو اوصاف جارحة بس انا كنت بتظلم من زمن كنت صغيرة خلاص كفايه الظلم دا لازم ينتهي واي زول عمل لي إساءة ولو بكلمة واحدة انا م ناسياها لي وإلا م اردها لي
سليمان بعد منى مشت حسه انو الزمن وقف لي لحظة معقول بس انا عملتا كل دا ياخ انا ظلمتها ظلم مافي زول ظلمو لي زول ياخ دا انا العدو م بتمنها لي خلي اختي الله يستر م يكون ربنا انتقم مني بالحاجه الفي بالي بس لا لا كدا والله بكون انتقام ربنا لي كبير يارب انت براك عالم وتقريبا دي المرة الأولي البلجا فيها لي ربنا واحس فيها اني صغير وصغير شديد في نظر نفسى واختي الوحيدة
مشيت الدكان وجيت شايله حاجاتي العايزاهم ولسه سليمان واقف في مكانه حسيت بالشفقه لي لحظه اتجاهو بس هو الجاب كل الكلام دا لي نفسه جيت ماره بيهو ولا كأني شايفاهو ودخلت بيتي بعد دخلت بقيت اتاوق لسه واقف معقول يكون كلامي جرحو ياخ م يجرحو كان جرحو هو العملو لي شويه خلي براحتو
اي ي يوسف اي والله قلتا ليك هو مسافر واخيرآ نقدر ناخد راحتنا بدون م نخاف من وجود الفقر داك
يوسف:_ واخيرآ ياخ راجلك دا انا كارهو والله
فدوى :_ م عليك بيهو انا وانت المهم كدا كدا مع بعض
يوسف:_ رأيك شنو نتلاقي الليله
فدوى :_ لا لا الليله م ينفع هو مسافر بكره الصباح يعني الليله بكون قاعد في البيت
يوسف :_ م مشكله يوم م بفرق مع انه مشتاق ليك اها قولي لي بتطلعي من البيت كيف ناس بيتكم اكيد م بخلوك يومي تطلعي من البيت والعجب لو لقوك بليل مافي وم تحلمي اني اخليك ترجعي بليل
فدوى :_ لا م تخاف انا عندي خطه بسببها بطلع وبدخل ومافي زول باخد بالو من حاجه انت كتر القراش بس
يوسف:_ من الناحيه دي م تخافي طول م انا مبسوط القروش بتصب فيك زي المطر
فدوى:_ايوة كدا يلا برجع ليك بعد شويه كويس يلا امحححح اتصبر بيها لحدي م نتلاقي ههههههه يلا باي
بعد فدوى قفلت واتلفتت جات تطلع شافت مروة اختها البعديها واقفة ومصدومه من السمعتو قالت ليها يعني انتي بتخوني راجلك وماشية في الحرام ي خاينة ؟!!!!!
يتبع .
