مشيت علي ووقفت قدامه قلت لي عباس انا دايره اتكلم معاك في موضوع مهم
عباس :_ منى طيري من قدامي هسي لأني م فايق ليك والله وراسي دا فيهو ألف مليون حساب وتفكير وانتي من متين عندك مواضيع مهمه؟
منى:_ من اليوم ي عباس بكون عندي مواضيع مهمه وانت بتكون متطر تسمعه
عباس :_ كان نايم قام قعد علي رجلينو وعقد حاجبو منى انا م فايق ليك بشيل التربيزة دي بضربك بيها
(منى من جواها خافت لما قال ليها بشيل التربيزة بضربك بيها وهو لو قال حاجه بنفذها كان مرة قال ليها بضربك بالصحن القدامي دا وفعلآ م اتردد وضربها بي في جزو في جواها بقي يقول ليها احسن تمشي من قدامه هسي بس تاني اتذكرت كلامك ياسمين لما قالت ليها لازم تكوني واثقة من نفسك وكلامك مقنع)
منى:_ قوت نفسها ونطق وقالت لي كيف يعني تضربني بيها انا م عايزه حاجه اكبر من طاقتك دايره منك تسمعني بس م اكتر وهسي لو كان من جيتك سمعتني كان الموضوع دا خلصنا منو بس انت تحب تجرجر في الموضوع وتعمل ليك شيء من اللاشي
عباس:_بقي يقول معقول دي منى اول من كنت بقول ليها وم رايق ليك بتمشي من خشم ساكت هسي الجد عليها شنو وخلاها بقت تعرف تتكلم بدون م تتلبك لا وكمان واثقة من نفسها ،،،،اتلفت عليها قال ليها طيب قولي الكلام الخانقك وال م بخليكي تصبري ولازم تقولي هسي دا بس ؟
منى :_ طيب المتعارف عليه ك العادة الراجل لما يحب يتزوج لي المرة التانيه براضي مرته القديمة وبجيب ليها الحاجه العايزه
عباس :_ انا عارف الكلام دا اختصري عايزه مني شنو م فايق ليكي
منى :_ الكلام دا واضح ي عباس وم دايره ليه ذكاوة عشان يتفهم وم تعمل نفسك غبي انا مش مرتك يبقي لازم تعمل زي م الناس بتعمل وتجيب لي الحاجه البتراضيني واوافق عليها وبشرط الحاجه البطلبها انا
عباس:_ هههههه قلتي دايره شنو ؟ م فهمتك !!!! رضوية؟ رضوية شنو ؟ هو المعترف بيك مرته منو عشان يراضيكي عليك الله طيري كدا ولا كدا خليني ارتاح
منى :_ الكلام حرقها قالت لي كيف يعني م معترف بي مرتك ؟ انا مرتك ووغصب عنك قدامك وقدام ربنا وقدام العالم كله ودا م كلام فاضي ساي وانا لو قلتا ليك بخلي رضويتي والله م بخليها وإلا عرسك دا انا م موافقه علي
عباس :_ ههههههههههههه والله ضحكتيني هو الطالب موافقتك منو انا معتبراك زيك وزي السرير القاعد فيهو دا واحد ولو م عاجبك الباب يفوت جملين مش جمل واحد اطلعي من البيت علي اي جهنم غوري عليها وريحي نفسك وريحيني منك
منى :_ والله رجلي دي خطوة واحدة م بطلعها برا تاني برا البيت وانا من حقي اخد الأنا عايزه وإلا داك عمدة الحله بمشي بشتكيك ليهو وعايزه اقول ليك حاجه تانيه م تفكر اني يوم بطلع من البيت دا تاني ولا انت تقول لي اطلعي لانو البيت دا بيت عيالي وم بموت منو غير ميتة لكن حية كدا م تفتكر بطلع ليك منو ولو عايز تطلقني طلقني مع أنه عارفاك م ابتعملها لانو طلبتها منك مليون مرة وم عملتها وحتي لو طلقتني داك قسمي وبقعد فيهو وانت مجبور تصرف علي عيالك وعايزاك تعرف حاجه انا سيدة دي عارفاها دايره تسكن هنا معاي عشان شنو ورفضت تقعدها في مكان براها دايره تنتقم مني عشان مفتكراني اخدتك منها لكن والله تغلط علي بكلمة حقي م بخلي ليها وبوقفها في حدها انا جاملته كتير وتاني م عندي طاقه اتحمل اكتر وهسي دا حدي معاك كبار الحي وعمدة الحله ي اما تديني الرضوية البترضيني ونختصر الفضايح الممكن تحصل
(عباس بقي بعاين ليها مخلوع قال معقول دي منى الوراها الكلام دا منو وهي كانت التكتح م عارفاها بري بقت قوية وواثقة وي خوفي تفضحنا مع كبار الحله كدا بطلعوني الغلطان )
عباس :_ انتي المتغير فيك شنو مخليك كلامك دا كدا وواثقة انو كلامك صاح أول لما كنت تقيفي في قدامي بترجفي ماشاء الله هسي شايف ثقة وعدم خوف
منى :_ الاتغير فيني اني تعبت تعبت اكون زي العبد ليك في كل مره لا وكمان لو اعمل ليك السبع وزمتي م ابترضي ولا في شي بعجبك وانا تعبت من امثل دور الضحية في كل مرة خلاص كفايه قهر وظلم انا محتاجه اكون قوية دا حقي كفايه اتزل واتهان انا عارفه حقوقي من زمان بس كنت بقول اتعامل معاك كويس احتمال تتغير ونلقي مكان في قلبك بس شايفاك ماشي لي اكعب خلاص انا تعبت طاقتي بتاعة الصبر الجواي انتهت انا صبرت صبر مافي زول صبرو صبرت علي عنف منك مافي مرة في الدنيا بتقبل ولا بتقدر تستحملو من راجل انا الصبر الله ختاه فيني دا كلو كمل كملتو في ناس م ابتستاهل ولا بتقدر عشان كدا لي هنا واقيف عندك اصلا انا لو قلتا ليك دايراك تاني اكون كذبت عليك ديك مكاناتي مرتباها وقاعدة فيها ووعد طول م انت ومرتك الجديده محترمين نفسكم م بعترض طريقكم والله يهنيكم ي سيدي اشبعو ببعض وقول لي سيدة منى قالت ليك حتي لو عرستيني بفضل الفضله بتاعتها هي وهسي خليك معاي في المهم انا ي رضويتي ي عمدة الحلة وانت براك عارف البقدر يعملو شنو ؟!!!!!
عباس :_ طيب بغض النظر عن الكلام الخارم بارم القلتي البرضيك شنو انا م خايف من زول بس راجعت نفسي وفعلآ دا حقك اها قولي العايزه شنو؟
منى:_ م عايزه ملابس عايزه مبلغ محترم اشتري بي الحاجات الناقصاني
عباس :_ المبلغ البجيب ليك الحاجات الناقصاك كم ؟
منى :_ ٢٠٠٠٠ ألف
عباس :_ شنو ؟ عشرين الف ؟!!!!
اجيبهم ليك من وين انا وريني؟!
منى :_ والله م بهمني تجيبهم من وين القروش راقدات عندك عمرك دا كله بتشتغل وصرف علينا زي الناس م ابتصرفو اها القروش بمشو وين بتكبهم في النار ادراجك مليانه اديني من الكنت متهمني بيهم بالسرقة ديلك متذكرهم بس خلاص ولا م ابتديهم لي زول غير حبيبة القلب م علينا أحمد ربك اني راعيت ليك وم اخدت منك خمسين ألف
عباس :_ خلاص نقصي شويه راعي اني ماشي لي عرس وبحتاج اصرف
منى :_ والله مافي زول ضاربك علي يدك وقال ليك عرس واصرف في العرس دا ببذار عشان بس العروس طلبت منك وانا لو قلتا ليك بنقص جنية شفت الجنية الأبيض الناس م عايزنو والبجدعوهو دا اكون كذبت عليك قروشي كاملات
عباس :_ طيب اقصدهم ليك هسي عشره وبعد انزل شغل بعد العرس عشره
منى:_ ههه انت مفتكرني انا لسه غبية زي م كنت انت لي م عايز تصدق اني اتغيرت وصعب اصدقك تاني وبعدين لو م تعرس شفته قروشي م بخليهم العشرين ألف يكونو كاملات
عباس:_ والله سبحان مغير الأحوال طيب كويس بكره بكونو عندك!!
منى:_ اتبسطت ايوه كدا بكره م يزيدو ولا يوم ومشت خلتو وراها محتار في الحاجه الغيرتها بالشكل دا وفي ساعات بس وهي مبسوطه لأنها سمعت كلام ياسمين وفكرت تتغير وإلا كان بتضيع هي وأولادها مشت علي المكانات بتاعتها وحاسه بشوية نصر بس بتقول في نفسها لسه دي البدايه........
يتبع .
