هي ي سليمان سفر شنو البتسافرو م حصل سمعتك قلتا طالع من البلد دي من عرسنا هسي تقول لي عندك شغل وماشي ليهو شغل شنو دا كمان
سليمان:_ ي ولية انا قلتا ليكي ماشي اقعد عدلي ياهو اسبوع او عشرة يوم وبجي راجع انتي بس خلي بالك من روحك وم تشيلي حاجه تقيلة عشان م تأثر عليكي وعلي الفي بطنك
فدوى بقت تفكر وفجاءة ابتسمت قالت بس جاتني في محلها اعمل العايزة اعملو مع يوسف في غياب سليمان خلي يطير اخد راحتي كم يوم كان خانقني زاتو علي الأقل ألقي لي قراش عديل امسكهم اجهز بيهم نفسي لي الوضوع لو قلتا إلا اعتمد علي المقطع دا نسوان الحلة بعملني شماته لكن ناويه اعمل غرفه وحاجات لي وضوعي قبل كدا وحدة عملتهم مافي ،،،،،وبعدين انا حاسه الراجل الشوم دا م بجيب أولاد والولد دا ولد يوسف ياسلام لو بقي بجد ود يوسف وانا نسبتو لي سليمان بقدر استغل يوسف واخلي يدفع دم قلبو في النهايه الحكايه دي م ساهلها ودا ولدو
سليمان:_ فدوى فدوى مالك شاردة وبتضحكي جنيتي انتي ولا مبسوطه اني ماشي وفايت ليكي البيت كم يوم ترتاحي مني
فدوى :_ دا كلام شنو ي سليمان في مرة بتنبسط لما راجلها يفوت ويخلي ليها البيت معليش شردت لي في حاجه بس تفوت وتجي بسلامه
سليمان :_ اها بتقعدي مع منو ؟
فدوى :_ كيف يعني بقعد مع منو م فايته بيتي دا ولا شبر واحد
سليمان :_ هوي ي وليه اظنك جنيتي كيف يعني تقعدي في البيت دا براكي انتي م عندك راجل بخاف عليكي ولا شنو وافترضي حصل ليكي حاجه بليل وانتي حامل وغير كدا انا م برضي مرتي تقعدي براها بوديكي بيت ناس أمك تقعدي كم يوم وبعدين لما اجي تعالي
فدوى :_ بس ي عباس انت عارف سناء اختي دي انا وهي م بنتفق ولي اقعد معاهم عشان تتناقش معاي في الماشة والجاية احسن لي بيتي دا بقفلو علي
سليمان :_ لا انا م بفوتك بوراي ولو علي سناء اختك انا بتكلم معاها م تناقشك وهي م بتكسر كلامي يلا لمي ليكي هديمات خلي اوديكي وم داير نقاش في الموضوع دا تاني
فدوى بقت تتنطن الراجل الشوم دا الله يجازي داير يصعب علي الموضوع مالو لكن انا م بقلب اصبر لي بس الله م قلبني في المشي والجيان ولو علي الفي بيتنا اي زول انا ماسكه علي سر يودي في ستين داهية
ياسمين جاتني وكنا بنشرب في القهوة قالت لي والله ي منى الحصل دا ولا فلم هندي عديل بس بختك ي بت المحظوظه جات في صالحك انتي والحمد لله سيدة اتراجعت في اللحظات الأخيرة
قلتا ليها انا زاتي متحيرة ي ياسمين من الحصل علي سيدة سيدة م متعودة تتخلي عن الحاجات الدايراها بسهولة بدل عباس عباس دا هي رايده عندها كم سنه انا الموضوع دا م راكب لي في راسي والله
