سلام عليكم ي أهل البيت
(الصوت دا طلع من عباس وهو سايق منى غصب عنها وداخل علي البيت )
حاجه فاطنه خطت التوب في راسها وقالت اتفضل ي البتسلم قدام بيتك ومطرحك ،،،،أما سيدة جرت بطن البيت جوا وم عايزه تكابس عباس من قدام عشان تعمل نفسها جد متأثرة بالموضوع وزعلانه
عباس دخل جوا وسلم علي فاطنه قال ليها كيفك يمة؟
_قالت ليه الحمد لله من الله كويسين
_عباس لكز منى قال ليها سلمي عليها
_منى مشت مدت ليها يدها حاجه فاطنه مدت يدها لي منى وجرتها منها سريع بشكل ملفت لنظر عباس افتكر حاجه فاطنه زعلانه من العملتو منى وانها عشان ضربت يدها بسببها ،،،،ومنى متحيرة في المرة الكبيرة وبتكذب وبتمثل الزور ودا كله عشان خاطر بتها وم خايفه من الله
عباس شوفي ي حاجه فاطنه نحنا كلنا متفقين أنو منى غلطانه وم كان تجيكم في بيتكم وتضاربكم وتعمل المشاكل دي كلها بس المهم في الموضوع هي عرفت الغلط بتاعها وين وجات عشان تصلحو!!!!!
فاطنه قالت ليه ي ولدي انا م زعلانه علي نفسي زعلانه علي سيدة بتي في خاطرها المكسور ويشهد الله هي م بتدور ليك غير الخير ي منى ي بتي بس حبها لي عباس م في يدها دي فطره خلقها ليها ربنا في قلبها وكدا يبقي هي م ليها ذنب وكل العالم الهنا ديل عارفين عباس وسيدة بت حاج عامر رايدين بعض وابو عباس الله يرحمه ويسامحه جبر عباس يعرسك انا شفته بتي قدام عيوني الحصل فيها شنو سيدة بتي الوحيدة ي منى وابوها الله يرحمه موصيني عليها قال لي سيدة دي عملتها ليك في زمتك لي يوم القيامه الحاجه البتريدها اعمليها ليها وم تنقصي عليها حاجه ،،،،انا دي زاتي م عايزه بتي تعرس راجل عندو مرة وأولاد بس اعمل شنو اطريت اوافق عشان وصيه ابوها بس شكلي كدا بغير رأيه عشان خوفي علي بتي
_عباس اتخلع وقام باس يدها وقال ليها عليك الله يمة م تغيري رأيك وتحرميني من سيدة تاني ولو علي منى ياها جبتها ليكم لحدي عندكم عشان تعتزري ليكم علي العملتو وتوعدك أنها م بتكررو تاني
_ حاجه فاطنه قالت ليه انا م بقول كدا عشان اهددك لا سمح الله لا والله بس انا ام ومصلحت بتي عندي اهم حاجه من كل الحصل دا وانا م زعلانه انو منى مدت علي يدها وانا مرة كبيرة واحتمال اكبر من امها وكل ناس الحي بحترموني لا لا والله زعلانه عشان طولت يدها علي بتي وخربشتها وانا بتي دي من قامت انا وابوها مافي واحد فينا مد يدو ساي وقال ليها هوووووي عشان كدا كل الحصل دا خلاني ارجع افكر في الموضوع تاني اي نعم سيدة بتزعل بس اكيد احسن تزعل كم يوم ولا تعيش تعيسه بقية عمرها وبضمني شنو مرتك م تحاول تضاربها مرة واتنين والف وسيدة بت مسكينه وم زي بنات الزمن ديل !!!!
-عباس قال ليها عليك الله اعملي اي حاجه يمة بس م توقفي العرس وعاين لي منى قال ليها ي حيوانه تعالي اعتزري منها ولو اطريتي حبي ليها في رجلينه بس تخليها تسامحك، ،،،،منى كمية الإهانة الحست بيها اللحظة دي كانت كفيلة تمزق دواخلها ياخ هي تنضرب وتنشتم وينغلط عليها وتجي تعتزر لا وكمان تحب في رجلينها وتطلب منها تسامحها، ،،،،منى جات ماشه علي فاطنه فاطنه وقفتها قالت ليها خليكي في محتاتك دي وم توصليني هسي يقولو زليتك وكلام كتير وانا م ناقصه كلام الناس كفايه الحصل بسبب الموضوع داك قبيل وشماتت ناس الحي الفيني
-عباس قال ليها طيب انتي بس قولي لي عايزاني اعمل شنو عشان تسامحيني اي حاجه مستعد اعملها عشان اصلح الغلط السببتو الحيوانهه دي وتخليني اعرس سيده .
-قالت ليه والله لو م كنت متمسك بيها وهي متمسكه بيك م كان فكرته في الموضوع تاني بس عندي شروط
-عباس فرح قال ليها اشرطي براحتك يمة وعهد مني ليك كل شروطك مجابه
-فاطنه شوف ي ولدي عايزه العهد دا من مرتك عايزها تحلف انها تحترم بتي وم تفكر تقول ليها كلمه تاني تزعلها او تمد يدها عليها
_عباس قال ليها شرطك بسيط يمة وهي بتنفذو وعاين لي منى وحمر ليها قال ليها سمعتي الكلام صاح ولا لا تنفذيه حرف حرف ووالله تخلفي بحاجه او بحرف من الكلام الاتقال دا م بقول ليك بطلقك بس نهايتك بتكون علي يدي مفهوم، ،،،،منى ردت ليه ااااي!!!!!!
عباس رجع عاين لي فاطنه قال ليها اعتبري الشرط ألاول اتنفذ
_فاطنه قالت ليه سيده بعد جات قالت لي أنها م عايزاك لانك فضلته مرتك عليها اقدر اقنعها تاني لو اقتنعت م عندي مانع أنا
_عباس قال ليها انا بقنعها ناديها لي بس!!!!!
-فاطنه بقت تنادي ي سيدة ي سيدة تعالي عايزاك، ،،،سيدة طلعت بعد مسافه وعملت نفسها بتبكي جات ولا فكرت تسلم علي منى او عباس وقفت بفوق لي امها وقالت ليها خير يمة سامعاك بتنادي لي في شنوووو؟
_فاطنه قالت ليها كلمي عباس داك اتفاهمي معاه انا م لي دخل تاني اصطفلو مع بعض والبتتفقو عليه انا موافقه!!!!
_سيدة قالت ليها اتفاهم مع منه ي امي انا قبيل اتكلمتا معاكي وقلتا ليكي لو عباس جا تقولي ليه شنو وانا م عندي كلام تاني غير القلتو بعدين (وقبلت علي امها وغمزت ليها )
_فاطنه دا كلام شنو ي بتي الراجل قدرك وجاك لحدي عندك وجاب ليك مرته عشان تعتزر منك ولو م كان شاريك م كان عمل دا كله اتفاهمي معاه
_سيدة قالت ليها لا ي امي انا قلتا عباس خلاص م دايراه والموضوع أنتهى
(منى عرفت الموضوع وراها حكايه لأنه سيدة مستحيل تقول م دايره عباس بالبساطة دي )
_عباس قال ليها معقول ي سيدتي بتقولي الكلام دا لي عباسك انا عارف منى غلطانه وياها جبتها ليك تعتزر منك في مكانك وغير كدا وعدت امك أنها م تتعدا عليك تاني او تقول ليكي كلام يزعلك وانا عاهدت نفسي قدام امك دي اني احافظ عليك أكتر من رويحتي دي ولو منى دي قالت ليك حاجه تاني انا بتصدا ليها اها لسه مصره م دايره عباسك ؟!!!!!
_سيدة ردت ليه بانفعال قالت ليه م عايزك انا ي عباس واتفضلو اطلعو برا ولا اقول ليك انا البطلع بمشي علي بيت الجيران لحدي م تمشوا.......
يتبع
