فدوى قالت لي والله يختي كنت من امس ناويه اجي شيلة راجلك بس مسكني صداع وسليمان اصر علي إلا نمشي المركز الجنبنا وقالو لي حامل
ضحكته قلتا ليها ههههههه الجابك شنو هنا انتي وبعدين حامل من منو انتي من اخوي ولا من البتجيبي وهو نايم
قالت لي قفلي مني خشمك دا ليهو حق عباس يعرس فيكي انا لو منو والله اعرس فيك مليون خلي واحدة
قلتا ليها قومي طيري من هنا لأني والله لو قمت علي جنوني ولدك دا إلا اطلعو ليك بنخرينك ولا كلمة زيادة يلا من هنا وتشوفي انا بعمل فيكي شنو خلي بس افضي من الحاجات القدامي واروق ليكي لو م طلقتك منو وفضحتك الله اكبر علي
قالت لي ولا بشرفني اكون هنا وغلطانه انا البجيبني الشارع وبقول ادخل ارد ليك السلام ناس زيك السلام فيهم حرام
ضحكته قلتا ليها شوف منو البتكلم عن الحلال والحرام علي اساس البتعملي فيهو هسي دا ربنا حللو عليك الله اتلهي ويلا م دايره اشوفك هنا تاني
ردت لي مصيرك عباس يطردك وبعدين م ابتلقي جيهه غير بيتنا وبعدين ابقي مرة تعالي هناك والله استقبال م استقبلك
قلتا ليها ارجيني اجيك ولو جيتك تفي لي في وشي وم دايرة معاك كلام كتير يلا من هنا
فدوى طلعت وهي بتدعي علي لقت عباس في قدام الباب قالت لي والله لو منك المرة الملعونة دي اعرس فيها ملاين المرات ياخ مرة م تستاهل الخير اصلها ووشها يقطع الخميرة من البيت طلقها عليك الله وارتاح وارميها هي وعيالها هسي مستفيد منها في شنو غير النكد، ،،،،عباس قال ليها أول مرة احترمي نفسك والكلام البتقولي فيهو دا م كلام واحدة بتقولو علي اخت راجلها وثانيآ دي حياتي وحياتها الخاصة اياكي تتدخلي فيها ودي مرتي ودا بيتي وهم عيالي انا اعمل العايزو بس م بسمح لي زول يتدخل واتفضلي امشي من هنا ولو شفتك ساي ماشة بجنب البيت دا عندي معاكي حساب تاني وانا سليمان بمشي لي وبخلي يحددها معاك ولو هو م بقدر يحسمك انا بتصرف تاني اتفضلي يلا
مع انو كنت زعلانه من عباس بس كلامو القالو لي فدوى عجبني شديد فدوى دي واحدة تافهه وم تستاهل حاجة سمحة نهائي وانا ناويه ليها نويه بس خلي افضي ليها وبعدين لكل حادث حديث.
خايفه ي امي يكون عباس عندو حاجه في قلبو اتجاه مني م تشوفي امس كانت مبسوطه كيف ،،،،والله ي سيدة انا زاتي شفتها لكن قلتا اسكت وم اقول ليك عشان م تتضايقي ياخ العملتو مرت عباس دي م شفته مرة عملتو في عرس راجلها قبل كدا انا حزرتك وقلتا ليكي راجل مرة م تعرسيهو م تعرسيهو لكن انتي م ابتسمعي عاجبك تعيشي طول عمرك في حرقة الدم دي يعني؟
ي امي مليون مرة قلتا ليكي عباس دا لي لي وبس ومنى شالتو مني وهسي دايرة راجعو اجرمت يعني م مشكلة خليها تتبسط ليها يومين والله م اخليها م بكيتها دموع م يكون اسمي لا وكمان الموجعني اكتر شي التعرصة العملوها فيني البنات انا قلبي حار وم بدور حاجة م تكون علي هواي.
فاطنه:_ شوفي هنا انا حزرتك وقلتا ليك عباس م تعرسيهو وانتي مصره يبقي اوعك تندمي لانو دا اختيارك انتي ومافي زول اختارو ليكي فاهمه ولا لا
سيدة:_ عليك الله ي امي خلاص اندم ولا م اندم الموضوع دا انا بتصرف فيهو وم دايرة نقاش تاني
انتي ي منى مرت اخوكي دي م قدرتي تقبضي عليها اي حاجة غير المكالمة دي؟
منى :_ والله ي ياسمين م عندي حاجه غير المكالمة دي وبعدين انا زاتي م لحقته اقعد عديل عشان امسك دليل ضدها او علي الأقل امسكها متلبسه
ياسمين:_ انا الليله لمن شفتها راكبة مع يوسف في عربيتو اتحيرتا وقلتا فدوى دي قصتها شنو والفار لعب في عبي وقلتا اجي اسألك من الحاصل بس معقول دا كله يطلع منها انا لي يوم الليله متذكره المشاكل العملتها عشان عرسها من سليمان يتم
منى ،:_ واتخيلي الحيوانهه بتقول حامل حامل من منو يعني بضبط لا وكمان عينها قويه وجايه عشان تشمت انو عباس ودا شيلتو
سيدة :_طيب انتي شايفه ندمانه او ممكن تتراجع عن الطريق الماشة فيهو دا وترجع تكفر وتمشي في السليم؟
منى:_هههههههههههههه منو دي الممكن ترجع ياخ هي م عندها استعداد تعترف انو الطريق الماشة فيهو دا غلط انتي مفتكراني قبل م اكلم عباس وم يصدقها م اتكلمت معاها وقلتا ليها ارجعي عن الانتي ماشة فيهو دا وانا بسترك مع انو دا اخوي ودا شرفو بس انا عشان مرة زيك بسترك بس بشرط م ترجعي لي غلطك دا تاني قالت لي هو الدايرك تستريهو منو اخوكي دا انا مسيطرة علي وحتي لو كلمتي م بسمع كلامك وفعلآ كلمتو وطلعني الغلطانه شوفي ي ياسمين ربنا فعلآ امر بالستر بس دا في ناحية الزول ممكن فعلآ يتوب ويندم علي عمايلو بس فدوى دي م وش زول بتوب انتي م سمعتي الكانت بتعمل فيهو امها زمان ولسة لي يوم الليلة متمادية فيهو انا كلمتو قلتا لي الأسرة دي م تورط نفسك فيها بس هو عامل فيها عارف مصلحتو وم محتاج رأي زول مفتكرني م بريد لي الخير
ياسمين :_ طيب تفتكري الولد بكون ولد يوسف
منى:_ امل كبير يكون ولدو
ياسمين :_ طيب اخدت كم سنه بعد م اتزوجت م حملت إلا هسي؟
منى :_ هي اتزوجت بعد وفات ابوي بكم شهر وهسي ابوي قفل التلاته سنه وداخل في الرابع ودي اول مرة تحمل قبل كده م سمعت انها اجهضت ساي مجرد اجهاض ان شاء الله
طيب:_ الحاصل دا م بخليك تشكي؟
منى :_ اشك في شنو م فاهمتك؟!!!!
ياسمين:_ في امل كبير يكون اخوك م بنجب والولد دا ولد يوسف
منى :_ هوي لا لا م تقولي كدا معقول ياخ وبعدين في ناس بتاخد عشرات السنين بعدين بنجبو وهسي ديل ياداب عندهم سنين قليلة
ياسمين :_ غلاطك م بغير شي وانا الصراحه شاكة في الحكاية عايني انتي هسي عندك استعداد تساعدي اخوكي ولا تكملي البديتي دا أول بعدين تشوفي حكاية اخوك دي؟!!!
قلتا ليها صراحة فدوى دي غايزاني شديد وحركاتها البتعملها دي بتوجع قلبي من جوا وعايزه اشوف لي طريقه اخلي بيها سليمان يلم باقي شرفو الاتمرمط في التراب دا لو فضل فيهو باقي واثبت لي انو علي غلط وانو انا عمري م كنت بكرهو وبرضو بريد لي الخير
ياسمين:_طيب خلينا نشتغل علي الموضوعين ونركز علي موضوع اخوك اكتر شيء وانا عندي خطة لو عملتيها بنعرف الحقيقه وهي كالآتي........
يتبع .
